Suosittuja jakeita Raamatun kirjasta Psalm 23

Share

YAAWIYI, wangka karnangku, ‘Nyampuju karna lanilani-jarri wuurnpa-puru.’ YAAWIYI, wangka karnangku, ‘Nyampuju karna lanilani-jarri munga-puru.’ Kuja-puruju ngalijarraju wungu karli yani. Nyuntuku karnangku marlaja-nyina lani-wangulku. Nyuntu kanpaju palkangku warrawarra-kanyi. Jukati-kirlirli kanpaju ngajuluku ngarlkin-mani nyiyarlangu-kujaku.

YAAWIYI Kaatu, yungurnangkurla pulka-pinyi nyuntu-kuju purlapa yunparninjarlu: Ngaju kanpaju warrawarra-kanyi jakumanu-piyarluju. Jakumanurlu kajana jiyipi warrawarra-kanyi ngurrjungku. Wardinyi karnangku marlaja-nyina nyiyarningkijarra-kurlu.

YAAWIYI, ngajuju karnangku wala-nyinami. Nyuntu kanpaju tarnnga-juku nyina yimiri ngajulu-kuju. Ngajulukuju ngurrju-juku kapunpaju warrarda nyina. Tarnnga-juku kapurna nyina yuwarlirlaju nyuntu-nyangurla. Ngula-juku karnangku pulka-pinyi nyuntulukuju.

Ngajulujurna wukayi, ngulaju kanpaju kanyi yama-kurra walyka-kurra. Ngajulujurna yarnunjuku, ngulaju kanpaju kanyi miyi ngarninjaku. Ngajulujurna purraku, ngulaju kanpaju kanyi mulju-kurra ngapa ngarninjaku. Ngajuluju kanpaju kanyi yungurna pirrjirdi-jarri. Junga-nyayirnirli kanpaju milki-yirrarni jungarniki yaninjaku.