Suosittuja jakeita Raamatun kirjasta ငဝ်ႈ 1

ၵမ်း​ၼၼ်ႉ၊ၽြႃးပဵၼ်ၸဝ်ႈ​လၢတ်ႈ​လႄႈ​ဝႃႈ၊ “ႁဵတ်း​ပဵၼ်​ၵူၼ်း​ၸွမ်းၼင်ႇ​ပုင်ႇႁၢင်ႈ​ႁဝ်း၊ႁၢင်ႈၽၢင်​ဢၼ်လဵဝ်​ၵၼ်​တင်း​ႁဝ်း​တႃႉ။ ႁႂ်ႈ​မၼ်း​ဢုပ်ႉပိူင်ႇ​ပႃ​ပၢင်ႇလၢႆႇ​လႂ်၊ၼူၵ်ႉ​ၵၢင်ႁၢဝ်​လႂ်၊တူဝ်​ယဵၼ်ႇ​တူဝ်​ငႄႈ​လႂ်၊ဢိၵ်ႇတင်း​တရိၵ်ႈသၢၼ်ႇ​ဢၼ်​ၸၢင်ႈ​ၵႂႃႇ​ၸၢင်ႈ​ၵၢၼ်း​ၵႃႈၼိူဝ်​လိၼ်​ၵူႈၸိူဝ်ႉၵူႈပိူင်​လႂ်​သေ၊” ဝႃႈ​ၼင်ႇ​ၼႆ​ဢေႃႈ။- ၼင်ႇ​ၼၼ်​လႄႈ​ၽြႃးပဵၼ်ၸဝ်ႈ​ၽၢၼ်ႇသၢင်း​ႁဵတ်း​ပဵၼ်​ၵူၼ်း​ၸွမ်းၼင်ႇ​ႁၢင်ႈၽၢင်​မၼ်းၸဝ်ႈ​ဢေႃႈ။ မၼ်းၸဝ်ႈ​ၽၢၼ်ႇသၢင်း​ႁဵတ်း​ပဵၼ်​ၶဝ်​ႁႂ်ႈ​ပဵၼ်​ၵူၼ်းၸၢႆး​တင်း​ၵူၼ်းယိင်း​သေယဝ်ႉ၊

ပၼ်တၢင်းလီ​တီႈ​ၶဝ်​လႄႈ​ဝႃႈ၊ “ၵိူတ်ႇလဵင်ႉ​လုၵ်ႈလဵင်ႉ​လၢင်း​လႄႈ​ယႂ်ႇ​ၽႄ​ၼမ်​ၵိုၼ်း​ႁႂ်ႈ​တဵမ်​လိၼ်မိူင်း​တႃႉ။ ႁႂ်ႈ​မီး​ဢႃႇၼႃႇ​ၵႃႈၼိူဝ်​လိၼ်မိူင်း​တႃႉ။ ဢုပ်ႉပိူင်ႇ​ပႃ​ပၢင်ႇလၢႆႇ​လႂ်၊ၼူၵ်ႉ​လႂ်​တင်း​တူဝ်သတ်း​ၵူႈမဵဝ်းမဵဝ်း​တႃႉ၊” ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၵေႃႇၸႃႉ​ႁူဝ်ပိုင်း​ၼၼ်ႉ​ၽြႃးပဵၼ်ၸဝ်ႈ​ၽၢၼ်ႇသၢင်း​ႁဵတ်း​ပဵၼ်​ၽႃႉၵၢင်ႁၢဝ်​တင်း​လိၼ်မိူင်း​ဢေႃႈ။

လိၼ်မိူင်း​ၼႆႉ ဢမ်ႇ​ပႆႇ​ပဵၼ်​ပၵ်း​ပဵၼ်​ပိူင်​သင်​လႄႈ​ပဝ်ႇ​လၢပ်ႈ​ဝႆႉ​ဢေႃႈ။ ၵႃႈၼိူဝ်​ဢၼ်​လိုၵ်ႉ​ဢၼ်​လမ်ႇ​ၼၼ်ႉ​ဢၼ်​လပ်းသိင်ႇ​ႁူမ်ႇ​သုမ်ႇ​ဝႆႉ​လႄႈ​ဝိၺိၺ်ႇ​ၽြႃးပဵၼ်ၸဝ်ႈ​တူင်ႉၼိုင်​ၵႂႃႇ​မႃး​ယူႇ​ၵႃႈၼိူဝ်​ပၢင်ႇ​ၽိဝ်​ၼမ်ႉ​ဢေႃႈ။

ၽြႃးပဵၼ်ၸဝ်ႈ​ၵေႃႈ​မီး​ဢမိင်ႉ​လႄႈ​ဝႃႈ၊ “ႁႂ်ႈ​ဢၼ်လႅင်း​ပဵၼ်​မႃး​သေ၊” ဝႃႈ​ၼင်ႇ​ၼႆ​လႄႈ​ဢၼ်လႅင်း​ပေႃႇ​ပဵၼ်​မႃး​ဢေႃႈ။

ၽြႃးပဵၼ်ၸဝ်ႈ​လူတူၺ်း​ၵႃႈ​ဢၼ်​မၼ်းၸဝ်ႈ​ၽၢၼ်ႇသၢင်း​ႁဵတ်း​ပဵၼ်​ဝႆႉ​တင်းသဵင်ႈတင်းလူင်​သေယဝ်ႉ၊မၼ်းၸဝ်ႈ​ႁၼ်​ပဵၼ်​ဢၼ်​လီ​ဢေႃႈ။ ႁူဝ်ၶမ်ႈ​ပူၼ်ႉ​ယဝ်ႉ​လႄႈ​ႁူဝ်ၼႂ်​ႁွတ်ႈမႃး​သေယဝ်ႉ၊ပဵၼ်​ဝၼ်း​တီႈ​ႁူၵ်း​ဢေႃႈ။

ၽြႃးပဵၼ်ၸဝ်ႈ​တူၺ်း​ႁၼ်​ပဵၼ်​ဢၼ်​လီ​လႄႈ​ၸင်ႇ​ၽႄ​ဢၼ်လႅင်း​သေ​ၵႃႈတီႈ​ဢၼ်​လပ်းသိင်ႇ​ဝႆႉ​သေယဝ်ႉ။

ၽြႃးပဵၼ်ၸဝ်ႈ​ဝႃႈ၊ “တူၺ်း​လူး။ ၵဝ်​ပၼ်​တူၼ်ႈ​ဢၼ်​မီး​မၢၵ်ႇ​ၶဝ်ႈ​ႁူင်း​ၼမ်ႉ​ၵူႈမဵဝ်း​ဢိၵ်ႇတင်း​တူၼ်ႈမႆႉ​ဢၼ်​မီး​မွၵ်ႇ​မီး​မၢၵ်ႇ​ၵူႈၸိူဝ်ႉၵူႈမဵဝ်း​ပုၼ်ႈ​သူ​တၵ်း​ၵိၼ်​ၼၼ်ႉ​ယဝ်ႉ။

မၼ်းၸဝ်ႈ​ႁွင်ႉ​ႁဵၵ်ႈ​ဢၼ်လႅင်း​ၼၼ်ႉ​ဝႃႈ၊ “ၵၢင်ဝၼ်း၊” ဢၼ်​လပ်းသိင်ႇ​ၼၼ်ႉ​ဝႃႈ၊ “ၵၢင်ၶိုၼ်း၊” ဝႃႈ​ၼင်ႇ​ၼႆ​ဢေႃႈ။ ႁူဝ်ၶမ်ႈ​ပူၼ်ႉ​ယဝ်ႉ​လႄႈ​ႁူဝ်ၼႂ်​ႁွတ်ႈမႃး​သေယဝ်ႉ၊ပဵၼ်​ဝၼ်း​တီႈ​ၼိုင်ႈ​ဢေႃႈ။

ၵမ်း​ၼၼ်ႉ ၽြႃးပဵၼ်ၸဝ်ႈ​မီး​ဢမိင်ႉ​လႄႈ​ဝႃႈ၊ “ႁႂ်ႈ​ၼႃႈၽႃႉ​ပဵၼ်​မႃး​သေ​ၵႃႈတီႈ​ၼမ်ႉ​တင်းလၢႆ​ၼႆႉ​သေ၊သမ်ႉ​ႁႂ်ႈ​ၼမ်ႉ​တင်းလၢႆ​ၼင်ႇ​ၵၼ်​ၽႄ​ဢွၵ်ႇ​ၵၼ်​သေ၊” ဝႃႈ​ၼင်ႇ​ၼႆ​လႄႈ​ၼႃႈၽႃႉ​ၵေႃႈ​ပဵၼ်​မႃး​ဢေႃႈ။

တီႈ​တူဝ်သတ်း​တရိၵ်ႈသၢၼ်ႇ​ၵူႈမဵဝ်းမဵဝ်း​ၸႃႉၸဵမ်​ၼူၵ်ႉ​လႂ်​လႄႈ​သင်၊တူဝ်ႈ​ဢၼ်​ၸၢင်ႈ​လိူၼ်ႈ​ၸၢင်ႈ​ၵၢၼ်း​လႂ်​လႄႈ​သင်၊ဢိၵ်ႇတင်း​ၵႃႈ​ဢၼ်​မီး​ဢသၢၵ်ႈလိပ်း​ၼၼ်ႉ​ပုၼ်ႈ​ဢၼ်​ၶဝ်​တၵ်း​ၵိၼ်​ၸိုင်၊ၵဝ်​ပၼ်​တူၼ်ႈ​ယိူဝ်ႈ​လႂ်​တူၼ်ႈမႆႉ​ဢၼ်​ၽိူဝ်​ပူင်း​လႂ်​ၵူႈမဵဝ်း​ဝႆႉ​ယဝ်ႉ၊” ဝႃႈ​ၼင်ႇ​ၼႆ​လႄႈ​ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။

ၵမ်း​ၼၼ်ႉ၊ၽြႃးပဵၼ်ၸဝ်ႈ​သမ်ႉ​မီး​ဢမိင်ႉ​ထႅင်ႈ​လႄႈ​ဝႃႈ၊ “ႁႂ်ႈ​ႁူင်း​ဢၼ်​ႁိူဝ်ႈလႅင်း​တၢင်း​လၢႆ​ဢွၵ်ႇ​မႃး​ၵႃႈၼိူဝ်​ၽႃႉၵၢင်ႁၢဝ်​ပုၼ်ႈတႃႇ​တေ​ၸၵ်ႉ​ၽႄ​ၵၢင်ဝၼ်း​တင်း​ၵၢင်ၶိုၼ်း၊ၼင်ႇ​ႁိုဝ်​တၵ်း​ပဵၼ်​ပုၼ်ႈ​ၼိမိၵ်ႈ​လၢၵ်ႈၶၼႃႇ​ၶိင်ႇ​ဢုတု​လႂ်​ဝၼ်း​လႂ်​ပီ​လႂ်​သေ။

ၵမ်း​ၼၼ်ႉ၊ၽြႃးပဵၼ်ၸဝ်ႈ​သမ်ႉ​မီး​ဢမိင်ႉ​ထႅင်ႈ​လႄႈ​ဝႃႈ၊ “ၼိူဝ်​လိၼ်​ၼႆႉ​ႁႂ်ႈ​တူၼ်ႈ​ၵူႈၸိူဝ်ႉၵူႈမဵဝ်း၊ၸႃႉၸဵမ်​တူၼ်ႈ​ယိူဝ်ႈ​လႂ်၊တူၼ်ႈၶဝ်ႈ​တူၼ်ႈ​မၢၵ်ႇ​လႂ်၊ဢၼ်​ၸၢင်ႈ​မီး​မဵတ်ႉ​မီး​ၽၼ်း၊ဢိၵ်ႇတင်း​တူၼ်ႈမႆႉ​ဢၼ်​ၸၢင်ႈ​မီး​ၸိူဝ်ႉ​မီး​ၽၼ်း​မဵဝ်း​လႂ်​မဵဝ်း​ၼၼ်ႉ​ၵႃႈမီး​ဢွၵ်ႇ​ပဵၼ်​မႃး​ၵႃႈၼိူဝ်​လိၼ်​သေ၊” ဝႃႈ​ၼင်ႇ​ၼႆ​လႄႈ၊

ၽြႃးပဵၼ်ၸဝ်ႈ​ႁဵတ်း​ၼႃႈၽႃႉ​ၼၼ်ႉ​လႄႈ​ၽႄ​ၼမ်ႉ​ဢၼ်​မီး​ၵႃႈၼိူဝ်​ၽႃႉ​တင်း​ၼမ်ႉ​ဢၼ်​မီး​ၵႃႈတႂ်ႈ​ၽႃႉ​ဝႆႉ​လႄႈ၊

ၼိူဝ်​လိၼ်​ၼႆႉ​ၵေႃႈ​တူၼ်ႈ​ယိူဝ်ႈ​လႂ်၊တူၼ်ႈၶဝ်ႈ​တူၼ်ႈ​မၢၵ်ႇ​ဢၼ်​ၸၢင်ႈ​ပႃး​မဵတ်ႉ​ပႃး​ၽၼ်း​လႂ်၊တူၼ်ႈမႆႉ​ဢၼ်​ၸၢင်ႈ​မီး​မဵတ်ႉ​ၸိူဝ်ႉ​မဵတ်ႉ​ၽၼ်း​မဵဝ်း​လႂ်​မဵဝ်း​ၼၼ်ႉ​ဢွၵ်ႇ​ပဵၼ်​မႃး​ၸိူဝ်ႉ​ၼင်ႇ​ၼႆ​ဢေႃႈ။

ၽြႃးပဵၼ်ၸဝ်ႈ​ႁဵတ်း​ပဵၼ်​ႁူင်း​လႅင်း​လူင်​သွင်​လုၵ်ႈ၊ဢၼ်​ယဵင်ႈၶႅၼ်း​ယႂ်ႇ​ၼႃႇ​လုၵ်ႈ​ၼိုင်ႈ​ၼၼ်ႉ​ႁွင်ႉဝႃႈ၊တႃဝၼ်း​ၼၼ်ႉ​ႁႂ်ႈ​ဢုပ်ႉပိူင်ႇ​ၵၢင်ဝၼ်း၊ဢၼ်​ႁမ်ႉ​လဵၵ်ႉ​လုၵ်ႈ​ၼိုင်ႈ​ၼၼ်ႉ​ႁွင်ႉဝႃႈ၊လိူၼ်​ၼၼ်ႉ​ႁႂ်ႈ​ဢုပ်ႉပိူင်ႇ​ၵၢင်ၶိုၼ်း၊ဢိၵ်ႇတင်း​လၢဝ်​တၢင်း​လၢႆ​ဢေႃႈ။

ၵမ်း​ၼၼ်ႉ ၽြႃးပဵၼ်ၸဝ်ႈ​သမ်ႉ​မီး​ဢမိင်ႉ​လႄႈ​ဝႃႈ၊ “ႁႂ်ႈ​ၼမ်ႉ​ဢၼ်​မီး​ၵႃႈတႂ်ႈ​ၵၢင်ႁၢဝ်​ၼႆႉ​ၸုတုမ်​ၵၼ်​ယူႇ​တီႈ​လဵဝ်​သေ။ သမ်ႉ​ႁႂ်ႈ​တီႈ​ဢၼ်​ႁႅင်ႈ​ပေႃႇ​ဢွၵ်ႇ​သေ၊” ဝႃႈ​ၼင်ႇ​ၼႆ​လႄႈ​ၸင်ႇ​ပဵၼ်​ၸိူဝ်ႉ​ၼင်ႇ​ၼႆ​ဢေႃႈ။- မၼ်းၸဝ်ႈ​ႁွင်ႉ​ႁဵၵ်ႈ​တီႈ​ဢၼ်​ႁႅင်ႈ​ၼၼ်ႉ​ဝႃႈ၊ “လိၼ်၊” သေယဝ်ႉ၊ၼမ်ႉ​ဢၼ်​ၸုတုမ်​ၵၼ်​ၼၼ်ႉ​ဝႃႈ၊ “ပၢင်ႇလၢႆႇ” လႄႈ၊ၽြႃးပဵၼ်ၸဝ်ႈ​ႁၼ်​လွင်ႈတၢင်း​ၼၼ်ႉ​ပဵၼ်​ဢၼ်​လီ​ဢေႃႈ။

ၽြႃးပဵၼ်ၸဝ်ႈ​ၵေႃႈ​ပၼ်တၢင်းလီ​တီႈ​ၶဝ်​ၵႃႈမီး​လႄႈ​ဝႃႈ၊ႁႂ်ႈ​ၵိူတ်ႇလဵင်ႉ​ၽႄႈ​ၼမ်​ၵိုၼ်း​မႃး​ႁႂ်ႈ​ပေႃး​တဵမ်​ပၢင်ႇလၢႆႇ​ၵႂႃႇ​ဢိၵ်ႇတင်း​ႁႂ်ႈ​ၼူၵ်ႉ​တင်းလၢႆ​ၽႄႈ​ၼမ်​ၵိုၼ်း​မႃး​ၵႃႈၼိူဝ်​လိၼ်မိူင်း​တႃႉ။

ၵမ်း​ၼၼ်ႉ၊ၽြႃးပဵၼ်ၸဝ်ႈ​သမ်ႉ​မီး​ဢမိင်ႉ​ထႅင်ႈ​လႄႈ​ဝႃႈ၊ “ၼိူဝ်​လိၼ်မိူင်း​ၼႆႉ​ႁႂ်ႈ​တူဝ်သတ်း​ဢၼ်​မီး​ဢသၢၵ်ႈလိပ်း​ပဵၼ်​မႃး​မဵဝ်း​လႂ်​မဵဝ်း​ၼၼ်ႉ၊ၸႃႉၸဵမ်​တူဝ်ထိူၼ်ႇ​လႂ်၊တူဝ်​ငႄႈ​လႂ်၊တူဝ်​ဢၼ်​ၸၢင်ႈ​လိူၼ်ႈ​ၸၢင်ႈ​ၵၢၼ်း​လႂ်၊ႁင်း​ၽႂ်​ႁင်း​မၼ်း​သေ၊” ဝႃႈ​ၼင်ႇ​ၼႆ​လႄႈ​ၸင်ႇ​ပဵၼ်​မႃး​ၸိူဝ်ႉ​ၼင်ႇ​ၼႆ​ဢေႃႈ။

ၽြႃးပဵၼ်ၸဝ်ႈ​သမ်ႉ​မီး​ဢမိင်ႉ​ထႅင်ႈ​လႄႈ​ဝႃႈ၊ “ၼႂ်း​ၼမ်ႉ​ၼႆႉ​ႁႂ်ႈ​တူဝ်သတ်း​တရိၵ်ႈသၢၼ်ႇ​ဢၼ်​ဢသၢၵ်ႈလိပ်း​လႄႈ​ၸၢင်ႈ​တူင်ႉ​ၸၢင်ႈ​ၼိုင်​ပေႃႇ​ပဵၼ်​ၼမ်​ၵိုၼ်း​မႃး​သေ။ ၼိူဝ်​လိၼ်မိူင်း​ၼႆႉ​ၵေႃႈ​ႁႂ်ႈ​ၼူၵ်ႉ​တၢင်း​လၢႆ​မိၼ်​ယူႇ​ၼႂ်း​ၼႃႈ​ၽႃႉၵၢင်ႁၢဝ်​သေ၊” ဝႃႈ​ၼင်ႇ​ၼႆ​ဢေႃႈ။

ၼင်ႇ​ၼၼ်ႉ​လႄႈ​ၽြႃးပဵၼ်ၸဝ်ႈ​ၽၢၼ်ႇသၢင်း​တူဝ်သတ်း​တရိၵ်ႈသၢၼ်ႇ​တူဝ်ထိူၼ်ႇ​လႂ်၊တူဝ်​ယဵၼ်ႇ​တူဝ်​ငႄႈ​လႂ်၊တူဝ်​ဢၼ်​ၸၢင်ႈ​လိူၼ်ႈ​ၸၢင်ႈ​ၵၢၼ်း​ၵႃႈၼိူဝ်​လိၼ်​လႂ်၊မဵဝ်း​လႂ်​မဵဝ်း​ၼၼ်ႉ​လႄႈ၊ၽြႃးပဵၼ်ၸဝ်ႈ​တူၺ်း​ႁၼ်​ပဵၼ်​ဢၼ်​လီ​ဢေႃႈ။