Suosittuja jakeita Raamatun kirjasta Mātiu 21

Jaa

Peá ka ‘ilonga ha me‘a te mou kole ki ai ‘i haʻamou lotu, mou tui, pea ‘e ‘oatu ia.”

Pea tali ‘e Si̇̄sū, ʻo ne folofola kiate kinautolu, ‟Ko hono mo‘oni̇́ ʻeni ‘oku ou tala atú, kapau te mou tui ‘o ‘ikai ha tālaʻa, pea ‘e ‘ikai ngata ‘i ho‘omou lava ‘o fai ʻa e me‘a na‘á ku fai ki he fu‘u fiki̇́, ka te mou toe lava ‘o lea ki he fu‘u moʻunga ko eni̇́ ke mahiki atu‘o patū ki tahi, pea ‘e hoko ia.

Pea ko e fu‘u kakai na‘e mu‘omu‘a atu ‘ia Sisuú, mo kinautolu na‘e muimui mai̇́, na‘á nau kaikaila ʻo pehē: ‟Hōsana ki he hako ‘o Tēvitá! Tauange ke monū‘ia, ‘Akoe ʻoku hoko mai ‘i he huafa ‘o e ‘Eiki̇́! Hōsana ki he Taupotu ʻo e ngaahi Langi̇́!”

Peá ne folofola kiate kinautolu, ‟Kuo tohi ʻi he Tohitapú,” ‟‘E ui hoku falé ko e fale fai‘anga lotu. Ka kuo mou ngaohi ia ko e fakataha‘anga ‘o e kau kaiha‘a!”

‟Mou fanongonongo ki he taʻahine ko Saioné, ‛Ko eni, ko homou tu‘i̇́ ʻena ‘oku hā‘ele mai. Ko e tu‘i angakātaki ia. Pea ‘oku heka mai ʻi ha kiʻi ‘asi, Ko e ʻuhiki ʻo ha ʻasi toho palau.’”

Pea pehē ‘e Si̇̄sū kiate kinautolu, ‟Kuo teʻeki koā ke mou lau ʻi he Tohitapú ʻa e potutohi ko eni̇́, ‛Ko e maka ne ʻikai tali ‘e he kau tufungá, Kuo hoko ia ko e maka mahu‘inga tahá. Ko e ngāue ia ʻa e ‘Eiki̇́, Pea fakaofo moʻoni ki he‘etau vakai̇́?’

Pea ko hono mo‘oni̇́ ʻeni ‘oku ou tala atú, ‘E fa‘ao meiate kimoutolu ʻa e Pule‘anga ‘o e ‘Otuá kae ‘oange ma‘á ha kakai te nau ‘omai ʻa e fua ‘oku fiema‘ú.