Suosittuja jakeita Raamatun kirjasta Genesis 13

Jaa

Ang tanan nga duta nga malambot sang imo panulok ihatag ko sa imo kag sa imo mga kaliwat, kag mangin inyo ina hasta san-o.

Sang nakahalin na si Lot, nagsiling ang GINOO kay Abram, “Halin sa imo ginatindugan tan-awa sing maayo ang imo palibot.

Hatagan ko ikaw sing madamo nga kaliwat nga ang ila kadamuon pareho sa yab-ok. Ang yab-ok indi maisip, gani ang imo mga kaliwat indi man maisip.

Gani nagsiling si Abram kay Lot, “Kita kag ang aton mga tinawo indi dapat mag-ilinaway, kay magparyentihanay kita.

Gani ginhalin ni Abram ang iya mga tolda, kag didto siya nag-estar malapit sa dalagko nga mga kahoy ni Mamre didto sa Hebron, kag naghimo siya didto sang halaran para sa GINOO.

Nagtan-aw si Lot sa palibot kag nakita niya nga bugana sang tubig ang Kapatagan sang Jordan hasta sa Zoar, pareho sang katamnan sang GINOO kag sang duta sang Egypt. (Ini sang wala pa ginlaglag sang GINOO ang Sodom kag Gomora.)