<div class="version vid515 iso6393agr" data-vid="515" data-iso6393="agr">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Juna Apaju&#237; aatus nayaimpin, ash&#237; nayaimpinum ay&#225; nujai najana, nugkanash ash&#237; nugkanum ay&#225; nujai najanak ashimkauwai. 2Ash&#237; najanak umik, tsawan sieteya juwi Apaju&#237;k ayamjauwai. 3Nuadui nun&#250; tsawantan Apaju&#237; etegkauwai, tsawan pegkejam tuke takashtai, ayamtai atin ati tusa. 4Jujuwai Apaju&#237; nayaimpin nugkajai najanamua nun&#250; pachisa augbattsamu.</div><div class="s">Nugka pegkeg Ed&#233;n tutainum Apaju&#237; aentsun apusamu</div><div class="p">Apaju&#237; nayaimpin nugkajai najanauwa nun&#250; tsawantaik, 5makichik numikesh, dupagkesh tsapaichu aajakui. Wagki eke Apaju&#237; yumin yutumtikchau asamtai. Nuigtushkam aents nuna takai ajakmamainkesh atsujakui. 6Ayatak nugka initkenia yumi bukuiti jiinki nugkan ukatujakui. 7Nuwiyan Apaju&#237;, nugka yukukuntun juki aentsun najanauwai. Dutika najana aepes, dujinum umpua mayain egketuk, aents iwaku ema inankiuwai.</div><div class="p"> 8Nuna dutika, Apaju&#237; etsa minitaijiya at&#250; Ed&#233;n nugkanum yujagken ajatuauwai, dutika nuwi nii aents najanamujin apusauwai. 9Apaju&#237; ash&#237; numi pegkeg aidaun yuj&#225;g yutai aidaunash uyujkauwai. Untsu nuna ejapeen ajatuawai jimag ajakan. Makichik ajak nuna neje yuwakuik tuke jachatai tabaun, tikich ajakan neje yujuaik, pegkejash pegkegchaujai dekatai tabaujai.</div><div class="p"> 10Nun&#250; nugka Ed&#233;gnum makichik namak jiiniuwai ajak aidaun ukatkatin. Nunik nuwiya ipak usumta imajin namak tsegkejui. 11Makichik tsegkeakun daaji Pis&#243;n tutai aajakui. Nun&#250; namakak nugka Havil&#225; tutai dekas oro pujamua nuna tentea apajakui. 12Nuiya oro ima shiig pegkejai. Nuanuig ayawai numi bedelio daagtin puwaji kugkuin, tuja kaya &#243;nice tutaishkam ayawai. 13Tuja tikich tsegkeakbaun daajiyai Guih&#243;n tutai. Nun&#250; Cus nugkan ash&#237; tentea apajakui. 14Kampatuma nunuwai namaka daaji Tigris. Duka Asiria nugka, etsa minitaiya nuni awa aatus nagkaemakui. Untsu ipak usumta nuna daajiyai namak Eufrates.</div><div class="p"> 15Apaju&#237; aentsun Ed&#233;gnum: &#8220;Juwi pujusam takakum ajakmata, dutikakjum kuitamkata ash&#237; wi najankag juka&#8221;, tusa apusauwai. 16Dutika chichajak: &#8220;Ash&#237; yuj&#225;g juju ajanum ay&#225; juka yuwata. 17Untsu yuj&#225;g pegkeg, pegkegchaujai dekatai aj&#225; ejapeen waja duka yuwawaipa, nun&#250; yuwakmek dekas jakattame&#8221;, tiuwai.</div><div class="p"> 18Nuna tusa Apaju&#237; chichaak: Aishmag ima nigki pujakug pegkegchauwai, dekas niijai tsanias pujusa yainimainun najanatjai, tiuwai. 19Apaju&#237; ash&#237; nugkanmaya kuntin aidaun najankauwai, ash&#237; chigki wegantu aidaunashkam najanak aentsun juki itan awajus: Ame maki makichik kuntin aina juna daajig adaijata, tusa tima nii imatiksag adaijauwai. 20Ash&#237; kuntinu daaji aidaunak, chigki wegantu aina nunashkam nii adaijamua nunisag juajui. Nuna aents dutika takak pujakushkam, niijai atuesa yainimainjinak igkugchauwai.</div><div class="p"> 21Nuadui Apaju&#237; aishmagkun kaj&#225;n ipatuk senchi ikanag niina pagaen makichik jujukiuwai, dutika agkau tepeamtai nigki esamtikauwai. 22Nun&#250; aishmagkun pagae jujukbauwai Apaju&#237; nuwan najanauwai, dutika aishmagkun ejetiuwai. 23Nuna wainak aishmag chichaak:</div><div class="p">&#8220;Juka mina iyashjuiya pagae juki najanamui, nuadui niina daajig nuwa tutai atatui, wagki Apaju&#237; aishmagnumian juki najadau asamtai.&#8221;</div><div class="p"> 24Nuadui aishmag nuwenkug makichik iyashik weawai. Nuniau asa apajinak niina dukujijai ukuak ima niina nuwejaig pujumainai.</div><div class="p"> 25Aishmagkuk, niina nuwejai mai wisu batsamajaku ainawai, tujash nuniakush datsaam&#225;jakchaju ainawai.</div>
 </div>
 </div>
</div>

Juna Apajuí aatus nayaimpin, ashí nayaimpinum ayá nujai najana, nugkanash ashí nugkanum ayá nujai najanak ashimkauwai. Ashí najanak umik, tsawan sieteya juwi Apajuík ayamjauwai. Nuadui nunú tsawantan Apajuí etegkauwai, tsawan pegkejam tuke takashtai, ayamtai atin ati tusa. Jujuwai Apajuí nayaimpin nugkajai najanamua nunú pachisa augbattsamu.

Apajuí nayaimpin nugkajai najanauwa nunú tsawantaik, makichik numikesh, dupagkesh tsapaichu aajakui. Wagki eke Apajuí yumin yutumtikchau asamtai. Nuigtushkam aents nuna takai ajakmamainkesh atsujakui. Ayatak nugka initkenia yumi bukuiti jiinki nugkan ukatujakui. Nuwiyan Apajuí, nugka yukukuntun juki aentsun najanauwai. Dutika najana aepes, dujinum umpua mayain egketuk, aents iwaku ema inankiuwai.
Nuna dutika, Apajuí etsa minitaijiya atú Edén nugkanum yujagken ajatuauwai, dutika nuwi nii aents najanamujin apusauwai. Apajuí ashí numi pegkeg aidaun yujág yutai aidaunash uyujkauwai. Untsu nuna ejapeen ajatuawai jimag ajakan. Makichik ajak nuna neje yuwakuik tuke jachatai tabaun, tikich ajakan neje yujuaik, pegkejash pegkegchaujai dekatai tabaujai.
Nunú nugka Edégnum makichik namak jiiniuwai ajak aidaun ukatkatin. Nunik nuwiya ipak usumta imajin namak tsegkejui. Makichik tsegkeakun daaji Pisón tutai aajakui. Nunú namakak nugka Havilá tutai dekas oro pujamua nuna tentea apajakui. Nuiya oro ima shiig pegkejai. Nuanuig ayawai numi bedelio daagtin puwaji kugkuin, tuja kaya ónice tutaishkam ayawai. Tuja tikich tsegkeakbaun daajiyai Guihón tutai. Nunú Cus nugkan ashí tentea apajakui. Kampatuma nunuwai namaka daaji Tigris. Duka Asiria nugka, etsa minitaiya nuni awa aatus nagkaemakui. Untsu ipak usumta nuna daajiyai namak Eufrates.
Apajuí aentsun Edégnum: “Juwi pujusam takakum ajakmata, dutikakjum kuitamkata ashí wi najankag juka”, tusa apusauwai. Dutika chichajak: “Ashí yujág juju ajanum ayá juka yuwata. Untsu yujág pegkeg, pegkegchaujai dekatai ajá ejapeen waja duka yuwawaipa, nunú yuwakmek dekas jakattame”, tiuwai.
Nuna tusa Apajuí chichaak: Aishmag ima nigki pujakug pegkegchauwai, dekas niijai tsanias pujusa yainimainun najanatjai, tiuwai. Apajuí ashí nugkanmaya kuntin aidaun najankauwai, ashí chigki wegantu aidaunashkam najanak aentsun juki itan awajus: Ame maki makichik kuntin aina juna daajig adaijata, tusa tima nii imatiksag adaijauwai. Ashí kuntinu daaji aidaunak, chigki wegantu aina nunashkam nii adaijamua nunisag juajui. Nuna aents dutika takak pujakushkam, niijai atuesa yainimainjinak igkugchauwai.
Nuadui Apajuí aishmagkun kaján ipatuk senchi ikanag niina pagaen makichik jujukiuwai, dutika agkau tepeamtai nigki esamtikauwai. Nunú aishmagkun pagae jujukbauwai Apajuí nuwan najanauwai, dutika aishmagkun ejetiuwai. Nuna wainak aishmag chichaak:
“Juka mina iyashjuiya pagae juki najanamui, nuadui niina daajig nuwa tutai atatui, wagki Apajuí aishmagnumian juki najadau asamtai.”
Nuadui aishmag nuwenkug makichik iyashik weawai. Nuniau asa apajinak niina dukujijai ukuak ima niina nuwejaig pujumainai.
Aishmagkuk, niina nuwejai mai wisu batsamajaku ainawai, tujash nuniakush datsaamájakchaju ainawai.

Kuuntele (Génesis) 2