If you have would like a copy of this version please contact info@davaraudiobibles.org

Text: Lolo New Testament, © 2016, New Tribes Mission
Audio: Lolo Audio New Testament ℗ 2018, Davar Partners International

Lolo New Testament

<div class="version vid3096 iso6393llb" data-vid="3096" data-iso6393="llb">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s1">Venya wa Yesu mokwani</div><div class="r"> Matewuji 28:1-10; Markuji 16:1-10; Juwawu 20:1-10</div><div class="p"> 1Siku noroma na sumana na mabebehene, ahiyanale kohotukulaga maperefume kasakanyilege atu, aliwa venya, dowa masiye wakoyiwe Yesu. 2Mbwenye kagafiyile wewule, kafwanyilege nibwe nafungilena atu nifukweni ule nagakumihiwewo. 3Evale aliwa kagavolowile, maningo a Nabwiya Yesu tchafwanyilemo. 4Mwa enne kohomaliwaga zelru. Mobaranya, kohokalawo alombwana ambinli kawarilege jowara jojerimela kaakumelenle. 5Evale aliwa kohokagana ova ulukulu, aliwa oramiheda kove diwa vati. Alombwanale kohowongaga na aliwa keraga: &lt;&lt;Kodi mwasiwa gwa nni nyo musakaga mutu okalawo wewo unafwanyeya atu kakwile? 6Liye kanafwanyeya uno, mbwenye uhuvenyihiwa mokwani. Muumbuwele yenno yauwandenleni liye agali ilambo ya Galileya 7ira: &lt;Inofuneya ira Mwana wa Mutu aveleliwe mmandani mwa anamatega, akomeliwe vamuradini eto aze avenye mokwani siku naneraru.&gt; &gt;&gt; 8Evale ahiyanale kohoumbuwelaga yenno yaawandenlege Yesu. 9Aliwa kagawenlewo masiye ule, kohawandela anamamuharaye kumi na mmohi na atu amohiwa zela jatene jaireyile.</div><div class="p"> 10Ahiyana kaawandenle anamarumiwa, maziniwa ali Mariya nkuda Madala, Jowana na Mariya mmaye Tiyagu vamohi na ahiyana amohiwa kafwanyeya vamohi na aliwa. 11Evale anamarumiwa ale kagawandeliwe, kaona nnga ahiyanale kawonga jengo johokana mabasa ja mmuruni mwiwa. Na mwasa wenne, tcharoromenlege. 12Mbwenye Peduru ohotamangaga, liye dowa nifukweni ule. Agafiyile wewule, agapatamenlemo, aonilege lensori ve bahi. Evale ohowelelaga vande, atikinaga jejile jaireyile.</div><div class="s1">Yesu ohakumelela alombwana ambinli ndila ya Emawu</div><div class="r"> Markuji 16:12-13</div><div class="p"> 13Siku nimohive nenne, kohokalawo alombwana ambinli kamaruwile, aliwa dowaga tatamo imohi yaitaniwa Emawu. Lapela uwa na Jeruzalemu ali nnga kilometuru kumi na imohi. 14Aliwa kadowaga mundila kotapanyedaga zela jejile jaireyile. 15Aliwa katapanyedagave ejile, kafukanaga, mwinnyiwene Yesu ohawandamelaga, liye roma wenda vamohi na aliwa. 16Mbwenye aliwa meso ewa kohokuneliwa ira kahawande muiziwa. 17Mwa enne Yesu ohafuka, liye ira: &lt;&lt;Kodi nyo munatapanyeda nni nyoka nyoka muwendaga?&gt;&gt; Evale Yesu agaafukile enne, aliwa kohoimelaga mokumbanya. 18Mutu mmohi eriwa Keleyopa ohowonga, liye ira: &lt;&lt;Kodi weyo gusimbwetchetche kala mulendo muJeruzalemu muno, para weyo haiziwa jiireyile malambo anna kavirile ala?&gt;&gt;</div><div class="p"> 19Evale Yesu ohafuka, liye ira: &lt;&lt;Kodi jiireyile nni?&gt;&gt; Aliwa kohomuwakula, aliwa ira: &lt;&lt;Jejo jimuireyele Yesu wa Nazareti. Liye ali namafiyiheda wa kopolo mozela joira jaye na jowonga jaye vamentoni va Mulugu na vamentoni va atu atene. 20Evale andimuwa a anamakuta na andimuwihu kohonvelela ira akwe, aliwa mukomela vamuradini. 21Mbwenye hiyo yodediheda yehu ali ira liye awande awombola aIzarayeli. Eto mwa jatene vihimala malambo mararu jengo ji jiireyile atu. 22Ahiyana amohiwa kali vamohi na hiyo kohonikatamiha mwasiwa kamaruwile unde wahanatche pama, aliwa dowa masiye. 23Eto maningo a Yesu kifwanyilewo. Aliwa kowelawo kawongaga ira: &lt;Hiyo nahaona angelro, aliwa niwandela ira liye uhuvenya mokwani.&gt; 24Na ibaribari alombwana amohiwa mwa hiyo kohodowa masiye ule, aliwa ona ibaribari yawongile ahiyanale mbwenye na aliwene Yesu kimuonile.&gt;&gt;</div><div class="p"> 25Yesu ohawandela, liye ira: &lt;&lt;Nyo muli orutcha onelramo eto muli atu odibeliwa roromela jatene jiwongile anamafiyiheda! 26Kodi nyo kamunonile ira yali yofuneya ira Namatikeliwa aonihiwe goyi dedo, amala avolowe muwari mwa undimuwa waye?&gt;&gt; 27Evale ohoroma aonelrihedamo jatene jalrembiwe mMazuni zela liye, aromagana malivuru a Mozeji na jolremba jatene ja anamafiyiheda.</div><div class="p"> 28Kawandamelaga tatamo yadowa atu, Yesu ohokalaga nnga unafuna aakwaranye. 29Evale aliwa kohonvepa na ntindi keraga: &lt;&lt;Kalani na hiyo mwasiwa unde uhudiba, nzuwa nihivira.&gt;&gt; Evale Yesu ohovolowaga, liye kala na aliwa vamohi. 30Ohogaratigi vameza vamohi na aliwa, liye tukula pawu, reliha, liye meya, agawela. 31Evale meswiwa kohuleyaga, aliwa fiyeda muona ira gu Yesu. Mbwenye liye ohadimelagavo. 32Evale aliwa kohoromaga wonga mmohi na nfwaye keraga: &lt;&lt;Xii, mmirimani mwihu kanere ziveliwa wene tempu yaniwandela liye mundila mule, anitapulelagamo Mazu!&gt;&gt;</div><div class="p"> 33Evale aliwa kohovenyaga ora imohive yenne aliwa welela Jeruzalemu. Kagadowile, kohafwanyaga anamarumiwa kumi na mmohi kagagumanenle vamohive eto kagali vamohi na atu amohiwa, 34kawongaga jimohive ejile keraga: &lt;&lt;Na ibaribari Nabwiya uhuvenyihiwa mokwani. Liye uhunkumelela mulombwana Simawu.&gt;&gt; 35Evale alombwana ambinli ale kohorumelela mazwale, kawongaga zela jejo jaaireyele mundila, ante ora yaagawela liye pawu, kafiyedaga muiziwa.</div><div class="s1">Yesu ohakumelela anamamuharaye</div><div class="r"> Matewuji 28:16-20; Markuji 16:14-18; Juwawu 20:19-23; Joira ja Anamarumiwa 1:6-8</div><div class="p"> 36Evale aliwa kaawandelagave afwiwale ejile, mobaranya Yesu ohakumelela vari vewa, liye ira: &lt;&lt;Murendele akale na nyo!&gt;&gt; 37Aliwa evale kohorendjeyaga valukulu, kaumbuwelaga ira: &lt;&lt;Ii, wenna muzimu!&gt;&gt; 38Liye mbwenye ohowongaga ira: &lt;&lt;Kodi nyo mukalele nni okukumuwene muwanganyedaga mmirimani mwinyu? 39Kaing'anani mandaga ala na manyalo aga ala, muiziwe ira gu miyene. Mudihinde. Mwadihinda, munodiroromela. Tchoira muzimu kanakana maningo nne makuva nnga mwemo munadionela nyo.&gt;&gt;</div><div class="p"> 40Awongagave enne, ohaonihaga mandaye na manyalo aye. 41Aliwa kagaonne, tchawandile roromela tchoira aliwa kohagalalaga eto kohotikiniheyaga tempu imohive. Evale Yesu ohafuka, liye ira: &lt;&lt;Kodi veva muhukanavo yodja?&gt;&gt; 42Evale aliwa kohonvahaga ikukuru imohi ya somba yowotcha na nikanda na nuwi, 43liye watchela, liye dja vamentoni vewa.</div><div class="p"> 44Nomala enne, Yesu ohowonga, liye ira: &lt;&lt;Tempu dali miyo na nyo malambo a mundulrimu, dohouwandelani ira jatene jilrembiwe zela miyo mmalamuloni a Mozeji, malivuru a anamafiyiheda na Salmu jinokwakwanela.&gt;&gt; 45Evale Yesu ohahulaga maumbuwelelo ewa ira kawande onelramo jilrembiwe mMazuni. 46Ohawandelaga, liye ira: &lt;&lt;MMazuni muhulrembiwa ira Namatikeliwa unoonihiwa goyi eto siku naneraru unovenyihiwa mokwani. 47Eto mwa nzina naye, muselu zela twaruwa no leveleliwa jotega unolaleyiwa mwa malogo matene roma ilambo ya Jeruzalemu. 48Nyo muli amboni zela jengo jeji. 49Muing'ane, miyo nnourumihedani nipangano na Babaga.#24:49 miyo nnourumihedani nipangano na Babaga: Nipangano nawonga Yesu ali za wa Munemba Otchena. Nione Joweli 2:28-29; Joira ja Anamarumiwa 1:4-8. Mbwenye mudedihege muJeruzalemu emuno fiyeda kopolo da zulu duzeleni.&gt;&gt;</div><div class="s1">Madowelo a Yesu ilambo ya zulu</div><div class="r"> Markuji 16:19-20; Joira ja Anamarumiwa 1:9-11</div><div class="p"> 50Evale Yesu ohadowagana anamamuharaye unde wa sidadi, tatamo ya Betaniya. Kagafiyile wewule, ohatapulelaga mandaye, liye areliha. 51Aarelihagave, Yesu ohoromaga ahiyaga, liye tukuleliwa ilambo ya zulu. 52Evale aliwa kohomutamalelaga, nomala aliwa welelaga Jeruzalemu wakoka wene no hagalala ulukulu. 53Evale aliwa kokalave Nyumba ya Yehova kamutamalelaga Mulugu.#24:53 aliwa kokalave Nyumba ya Yehova kamutamalelaga Mulugu: Atu omuroromela Yesu oroma karomile mutamalela Mulugu Nyumba ya Yehova. (Joira ja Anamarumiwa 2:46) Mbwenye vohodibeliwa, kohomwalana na aJudewu omukonda Yesu, aliwa susa, roma gumana ha vale muwari mwa Nikonde na Salomawu. (Joira ja Anamarumiwa 5:12) Kuma evo, aliwa kohofiyeda mwezo otawa Jeruzalemu (Joira ja Anamarumiwa 8:1), aliwa fiyeda gumanaga mmavande mwewa. (Roma 16:5; 1 Korinto 16:19; Koloso 4:15; Filemoni 1:2) Ku wonga kahi ira aliwa kogumanetchave Nyumba ya Yehova malambo na malambo, nari. Eto masiki tempu ili hiyo ila Nyumba ya Yehova kiliwo. Tchoira wandamelana yaka 40 Yesu agadowile zulu, anyakondo a Roma kohoibwanyula. Na Yesu wene ohowonga zela ibaribari ira jolobela Nyumba ya Yehova jinomala. (Lukaji 21:5-6; Juwawu 4:20-24)</div><div class="b"></div><div class="p"> Kukala mazu Lukaji alrembile liye muwari mwa Munemba Otchena zela jaira Yesu agali mwilamboni ya vati. </div>
 </div>
 </div>
</div>

Siku noroma na sumana na mabebehene, ahiyanale kohotukulaga maperefume kasakanyilege atu, aliwa venya, dowa masiye wakoyiwe Yesu. Mbwenye kagafiyile wewule, kafwanyilege nibwe nafungilena atu nifukweni ule nagakumihiwewo. Evale aliwa kagavolowile, maningo a Nabwiya Yesu tchafwanyilemo. Mwa enne kohomaliwaga zelru. Mobaranya, kohokalawo alombwana ambinli kawarilege jowara jojerimela kaakumelenle. Evale aliwa kohokagana ova ulukulu, aliwa oramiheda kove diwa vati. Alombwanale kohowongaga na aliwa keraga: <<Kodi mwasiwa gwa nni nyo musakaga mutu okalawo wewo unafwanyeya atu kakwile? Liye kanafwanyeya uno, mbwenye uhuvenyihiwa mokwani. Muumbuwele yenno yauwandenleni liye agali ilambo ya Galileya ira: <Inofuneya ira Mwana wa Mutu aveleliwe mmandani mwa anamatega, akomeliwe vamuradini eto aze avenye mokwani siku naneraru.> >> Evale ahiyanale kohoumbuwelaga yenno yaawandenlege Yesu. Aliwa kagawenlewo masiye ule, kohawandela anamamuharaye kumi na mmohi na atu amohiwa zela jatene jaireyile.
Ahiyana kaawandenle anamarumiwa, maziniwa ali Mariya nkuda Madala, Jowana na Mariya mmaye Tiyagu vamohi na ahiyana amohiwa kafwanyeya vamohi na aliwa. Evale anamarumiwa ale kagawandeliwe, kaona nnga ahiyanale kawonga jengo johokana mabasa ja mmuruni mwiwa. Na mwasa wenne, tcharoromenlege. Mbwenye Peduru ohotamangaga, liye dowa nifukweni ule. Agafiyile wewule, agapatamenlemo, aonilege lensori ve bahi. Evale ohowelelaga vande, atikinaga jejile jaireyile.


Siku nimohive nenne, kohokalawo alombwana ambinli kamaruwile, aliwa dowaga tatamo imohi yaitaniwa Emawu. Lapela uwa na Jeruzalemu ali nnga kilometuru kumi na imohi. Aliwa kadowaga mundila kotapanyedaga zela jejile jaireyile. Aliwa katapanyedagave ejile, kafukanaga, mwinnyiwene Yesu ohawandamelaga, liye roma wenda vamohi na aliwa. Mbwenye aliwa meso ewa kohokuneliwa ira kahawande muiziwa. Mwa enne Yesu ohafuka, liye ira: <<Kodi nyo munatapanyeda nni nyoka nyoka muwendaga?>> Evale Yesu agaafukile enne, aliwa kohoimelaga mokumbanya. Mutu mmohi eriwa Keleyopa ohowonga, liye ira: <<Kodi weyo gusimbwetchetche kala mulendo muJeruzalemu muno, para weyo haiziwa jiireyile malambo anna kavirile ala?>>
Evale Yesu ohafuka, liye ira: <<Kodi jiireyile nni?>> Aliwa kohomuwakula, aliwa ira: <<Jejo jimuireyele Yesu wa Nazareti. Liye ali namafiyiheda wa kopolo mozela joira jaye na jowonga jaye vamentoni va Mulugu na vamentoni va atu atene. Evale andimuwa a anamakuta na andimuwihu kohonvelela ira akwe, aliwa mukomela vamuradini. Mbwenye hiyo yodediheda yehu ali ira liye awande awombola aIzarayeli. Eto mwa jatene vihimala malambo mararu jengo ji jiireyile atu. Ahiyana amohiwa kali vamohi na hiyo kohonikatamiha mwasiwa kamaruwile unde wahanatche pama, aliwa dowa masiye. Eto maningo a Yesu kifwanyilewo. Aliwa kowelawo kawongaga ira: <Hiyo nahaona angelro, aliwa niwandela ira liye uhuvenya mokwani.> Na ibaribari alombwana amohiwa mwa hiyo kohodowa masiye ule, aliwa ona ibaribari yawongile ahiyanale mbwenye na aliwene Yesu kimuonile.>>
Yesu ohawandela, liye ira: <<Nyo muli orutcha onelramo eto muli atu odibeliwa roromela jatene jiwongile anamafiyiheda! Kodi nyo kamunonile ira yali yofuneya ira Namatikeliwa aonihiwe goyi dedo, amala avolowe muwari mwa undimuwa waye?>> Evale ohoroma aonelrihedamo jatene jalrembiwe mMazuni zela liye, aromagana malivuru a Mozeji na jolremba jatene ja anamafiyiheda.
Kawandamelaga tatamo yadowa atu, Yesu ohokalaga nnga unafuna aakwaranye. Evale aliwa kohonvepa na ntindi keraga: <<Kalani na hiyo mwasiwa unde uhudiba, nzuwa nihivira.>> Evale Yesu ohovolowaga, liye kala na aliwa vamohi. Ohogaratigi vameza vamohi na aliwa, liye tukula pawu, reliha, liye meya, agawela. Evale meswiwa kohuleyaga, aliwa fiyeda muona ira gu Yesu. Mbwenye liye ohadimelagavo. Evale aliwa kohoromaga wonga mmohi na nfwaye keraga: <<Xii, mmirimani mwihu kanere ziveliwa wene tempu yaniwandela liye mundila mule, anitapulelagamo Mazu!>>
Evale aliwa kohovenyaga ora imohive yenne aliwa welela Jeruzalemu. Kagadowile, kohafwanyaga anamarumiwa kumi na mmohi kagagumanenle vamohive eto kagali vamohi na atu amohiwa, kawongaga jimohive ejile keraga: <<Na ibaribari Nabwiya uhuvenyihiwa mokwani. Liye uhunkumelela mulombwana Simawu.>> Evale alombwana ambinli ale kohorumelela mazwale, kawongaga zela jejo jaaireyele mundila, ante ora yaagawela liye pawu, kafiyedaga muiziwa.


Evale aliwa kaawandelagave afwiwale ejile, mobaranya Yesu ohakumelela vari vewa, liye ira: <<Murendele akale na nyo!>> Aliwa evale kohorendjeyaga valukulu, kaumbuwelaga ira: <<Ii, wenna muzimu!>> Liye mbwenye ohowongaga ira: <<Kodi nyo mukalele nni okukumuwene muwanganyedaga mmirimani mwinyu? Kaing'anani mandaga ala na manyalo aga ala, muiziwe ira gu miyene. Mudihinde. Mwadihinda, munodiroromela. Tchoira muzimu kanakana maningo nne makuva nnga mwemo munadionela nyo.>>
Awongagave enne, ohaonihaga mandaye na manyalo aye. Aliwa kagaonne, tchawandile roromela tchoira aliwa kohagalalaga eto kohotikiniheyaga tempu imohive. Evale Yesu ohafuka, liye ira: <<Kodi veva muhukanavo yodja?>> Evale aliwa kohonvahaga ikukuru imohi ya somba yowotcha na nikanda na nuwi, liye watchela, liye dja vamentoni vewa.
Nomala enne, Yesu ohowonga, liye ira: <<Tempu dali miyo na nyo malambo a mundulrimu, dohouwandelani ira jatene jilrembiwe zela miyo mmalamuloni a Mozeji, malivuru a anamafiyiheda na Salmu jinokwakwanela.>> Evale Yesu ohahulaga maumbuwelelo ewa ira kawande onelramo jilrembiwe mMazuni. Ohawandelaga, liye ira: <<MMazuni muhulrembiwa ira Namatikeliwa unoonihiwa goyi eto siku naneraru unovenyihiwa mokwani. Eto mwa nzina naye, muselu zela twaruwa no leveleliwa jotega unolaleyiwa mwa malogo matene roma ilambo ya Jeruzalemu. Nyo muli amboni zela jengo jeji. Muing'ane, miyo nnourumihedani nipangano na Babaga. Mbwenye mudedihege muJeruzalemu emuno fiyeda kopolo da zulu duzeleni.>>


Evale Yesu ohadowagana anamamuharaye unde wa sidadi, tatamo ya Betaniya. Kagafiyile wewule, ohatapulelaga mandaye, liye areliha. Aarelihagave, Yesu ohoromaga ahiyaga, liye tukuleliwa ilambo ya zulu. Evale aliwa kohomutamalelaga, nomala aliwa welelaga Jeruzalemu wakoka wene no hagalala ulukulu. Evale aliwa kokalave Nyumba ya Yehova kamutamalelaga Mulugu.

Kukala mazu Lukaji alrembile liye muwari mwa Munemba Otchena zela jaira Yesu agali mwilamboni ya vati.

Kuuntele Lukaji 24