<div class="version vid18 iso6393bth" data-vid="18" data-iso6393="bth">
 <div class="book bkGEN">
 <div class="chapter ch1" data-usfm="GEN.1">
 <div class="label">1</div><div class="s">Dundan Tapa Napa Rangit ngga Ong</div><div class="p"> 1Di sibungas-i di tika Tapa napa rangit ngga ong, 2ong ati d&#365;h biy&#365;n gay&#365;n ka puno ngga kar&#365;m pat&#365;', ka Roh Tapa ngukap di tunduh piin. 3 Ka Tapa nang, &#8220;Isa-i agi jawa,&#8221; ka jawa saw&#365; agi. 4Ka Tapa kiris jawa an&#365; kana, ka Tapa kutung jawa so kar&#365;m. 5Ka Tapa kad&#365;n jawa &#8220;Sandu&#8221; ka kar&#365;m, &#8220;Singar&#365;m.&#8221; Singumi andu ripuan ka isan isan nusak, ka-i dog kad&#365;n andu adi ndi.</div><div class="p"> 6-7 Ka Tapa nang, &#8220;Isa-i kayuh adi mun sak&#365;b agi adi kutung piin bada sid&#365;r&#365; duw&#365;h y&#365;n,&#8221; ka-i saw&#365; agi. Saw&#365; meh Tapa napa kayuh mun sak&#365;b adi nyid&#365;r&#365; piin adi di ribo-i, so piin adi di sambu-i. 8Ka Tapa kad&#365;n sak&#365;b an&#365; &#8220;Rangit.&#8221; Singumi andu ripuan, ka isan isan nusak, ka an&#365; in&#365;h andu adi duw&#365;h.</div><div class="p"> 9Ka Tapa nang, &#8220;Isa-i piin adi di ribo rangit tikuruk di ndi y&#365;n, isa tana tat&#365;ng.&#8221; Ka-i saw&#365; jadi sim&#365;n&#365;. 10Ka Tapa kad&#365;n tana an&#365; &#8220;Dey&#365;h,&#8221; ka piin adi mb&#365;h tikuruk Ay&#365;h kad&#365;n &#8220;Raw&#365;t.&#8221; Ka Tapa munos as&#365;ng-I kiris an&#365; adi mb&#365;h jadi. 11Ka Tapa nang, &#8220;Isa-i tana piruah barang masam kayuh adi timbu di tana; an&#365; adi bisa bu&#257;n buwa adi bisirah, ka t&#365;ng&#365;n t&#365;ng&#365;n kayuh adi bu&#257;n buwa.&#8221; Ka-i saw&#365; jadi sim&#365;n&#365;. 12Ngap&#365;i tana piruah barang masam kayuh adi timbu di tana; Ka as&#365;ng Tapa munos kiris an&#365; adi mb&#365;h jadi. 13Jadi singumi andu ripuan ka isan isan nusak; an&#365; in&#365;h andu adi taruh.</div><div class="p"> 14Ka Tapa nang, &#8220;Isa jawa timbur di rangit ka nyid&#365;r&#365; sandu so singar&#365;m ka kiren tipuh sinde andu, sawa, ka gawai adat dog piguru. 15Ngara re nyirinyak di rangit y&#365;n nggen jawa di ong.&#8221; Ka-i saw&#365; jadi sim&#365;n&#365;. 16Ka Tapa napa duw&#365;h tibande jawa an&#365;: bat&#365;h andu adi nguasa sandu, ka jawa buran adi nguasa ngar&#365;m; ay&#365;h napa g&#365;h sigara bitang bitang. 17Ka Tapa na ngara di rangit da nggen jawa di ong, 18bada nguasa sandu ngga ngar&#365;m, ka nyid&#365;r&#365; jawa so kar&#365;m. Ka Tapa munos as&#365;ng-I kiris an&#365; adi mb&#365;h jadi. 19Jadi singumi andu ripuan ka isan isan nusak, ka an&#365; in&#365;h andu adi pat.</div><div class="p"> 20Ka Tapa nang, &#8220;Isa-i raw&#365;t brisi ngga bag&#365; masam d&#257;ng adi udip, ka isa au-tarun brisi ngga dudu manuk.&#8221; 21Ngap&#365;i Tapa napa sigara d&#257;ng d&#257;ng-b&#257;s adi udip dar&#365;m raw&#365;t, ka sigara d&#257;ng d&#257;ng adi kimitak dar&#365;m piin ngga sigara manuk manuk. Ka Tapa munos as&#365;ng-I kiris an&#365; adi mb&#365;h jadi. 22Ka Tapa nyiberkat ngara ka bada ngara adi udip dar&#365;m piin papah ka bitambah bag&#365;, ka ngisi raw&#365;t, ka bada g&#365;h sigara manuk papah bitambah bag&#365; di dar&#365;m ong. 23Jadi singumi andu ripuan, ka isan isan nusak; an&#365; in&#365;h andu adi rim&#365;h.</div><div class="p"> 24Ka Tapa nang, &#8220;Isa-i tana piruah barang masam pimudip d&#257;ng: d&#257;ng kudip ngga d&#257;ng tarun, adi baga ngga adi s&#365;.&#8221; Ka-i saw&#365; jadi sim&#365;n&#365;. 25Tapa napa sop&#365;r&#365;g ngara an&#365;, ka as&#365;ng-I raru munos kiris ngara.</div><div class="p"> 26 Tapa nang, &#8220;Ja ata napa manusia; ra&#365;n gay&#365;n ngara re brimun ngga jata. Ngara re nguasa iken, manuk, ngga sop&#365;r&#365;g d&#257;ng kudip ngga d&#257;ng tarun, adi b&#257;s ngga adi s&#365;.&#8221; 27 Jadi Tapa napa manusia nunda gay&#365;n ad&#365;p-I. Ay&#365;h napa ngara, dari ngga dayung. 28Ka Tapa nyiberkat ngara ka nang di ngara, &#8220;Mira biranak meh ang&#257;n ka papah, isa sesang ngan udip di ndi ong ong ka nguasa-i. Aku bada ang&#257;n nguasa sop&#365;r&#365;g iken, manuk manuk, ngga sop&#365;r&#365;g d&#257;ng tarun. 29Aku mb&#365;h nggen di ang&#257;n barang masam ruwang kayuh ngga barang masam buwa kayuh jadi pinguman ngan; 30pak y&#365;n sop&#365;r&#365;g d&#257;ng tarun, ngga sop&#365;r&#365;g manuk, Aku mb&#365;h nggen barang masam kupai ngga kayuh adi pidaw&#365;n jadi pinguman ngara.&#8221; Ka-i saw&#365; jadi sim&#365;n&#365;. 31Ka Tapa kiris barang masam kayuh adi-I mb&#365;h napa, ka as&#365;ng-I mb&#365;h raru munos. Singumi andu ripuan, ka isan isan nusak. An&#365; in&#365;h andu adi n&#365;m.</div>
 </div>
 </div>
</div>

Hakcipta - Today's Biatah Version New Testament © The Bible Society of Malaysia, 2003.

Di sibungas-i di tika Tapa napa rangit ngga ong, ong ati dŭh biyŭn gayŭn ka puno ngga karŭm patŭ', ka Roh Tapa ngukap di tunduh piin. Ka Tapa nang, “Isa-i agi jawa,” ka jawa sawŭ agi. Ka Tapa kiris jawa anŭ kana, ka Tapa kutung jawa so karŭm. Ka Tapa kadŭn jawa “Sandu” ka karŭm, “Singarŭm.” Singumi andu ripuan ka isan isan nusak, ka-i dog kadŭn andu adi ndi.
Ka Tapa nang, “Isa-i kayuh adi mun sakŭb agi adi kutung piin bada sidŭrŭ duwŭh yŭn,” ka-i sawŭ agi. Sawŭ meh Tapa napa kayuh mun sakŭb adi nyidŭrŭ piin adi di ribo-i, so piin adi di sambu-i. Ka Tapa kadŭn sakŭb anŭ “Rangit.” Singumi andu ripuan, ka isan isan nusak, ka anŭ inŭh andu adi duwŭh.
Ka Tapa nang, “Isa-i piin adi di ribo rangit tikuruk di ndi yŭn, isa tana tatŭng.” Ka-i sawŭ jadi simŭnŭ. Ka Tapa kadŭn tana anŭ “Deyŭh,” ka piin adi mbŭh tikuruk Ayŭh kadŭn “Rawŭt.” Ka Tapa munos asŭng-I kiris anŭ adi mbŭh jadi. Ka Tapa nang, “Isa-i tana piruah barang masam kayuh adi timbu di tana; anŭ adi bisa buān buwa adi bisirah, ka tŭngŭn tŭngŭn kayuh adi buān buwa.” Ka-i sawŭ jadi simŭnŭ. Ngapŭi tana piruah barang masam kayuh adi timbu di tana; Ka asŭng Tapa munos kiris anŭ adi mbŭh jadi. Jadi singumi andu ripuan ka isan isan nusak; anŭ inŭh andu adi taruh.
Ka Tapa nang, “Isa jawa timbur di rangit ka nyidŭrŭ sandu so singarŭm ka kiren tipuh sinde andu, sawa, ka gawai adat dog piguru. Ngara re nyirinyak di rangit yŭn nggen jawa di ong.” Ka-i sawŭ jadi simŭnŭ. Ka Tapa napa duwŭh tibande jawa anŭ: batŭh andu adi nguasa sandu, ka jawa buran adi nguasa ngarŭm; ayŭh napa gŭh sigara bitang bitang. Ka Tapa na ngara di rangit da nggen jawa di ong, bada nguasa sandu ngga ngarŭm, ka nyidŭrŭ jawa so karŭm. Ka Tapa munos asŭng-I kiris anŭ adi mbŭh jadi. Jadi singumi andu ripuan ka isan isan nusak, ka anŭ inŭh andu adi pat.
Ka Tapa nang, “Isa-i rawŭt brisi ngga bagŭ masam dāng adi udip, ka isa au-tarun brisi ngga dudu manuk.” Ngapŭi Tapa napa sigara dāng dāng-bās adi udip darŭm rawŭt, ka sigara dāng dāng adi kimitak darŭm piin ngga sigara manuk manuk. Ka Tapa munos asŭng-I kiris anŭ adi mbŭh jadi. Ka Tapa nyiberkat ngara ka bada ngara adi udip darŭm piin papah ka bitambah bagŭ, ka ngisi rawŭt, ka bada gŭh sigara manuk papah bitambah bagŭ di darŭm ong. Jadi singumi andu ripuan, ka isan isan nusak; anŭ inŭh andu adi rimŭh.
Ka Tapa nang, “Isa-i tana piruah barang masam pimudip dāng: dāng kudip ngga dāng tarun, adi baga ngga adi sŭ.” Ka-i sawŭ jadi simŭnŭ. Tapa napa sopŭrŭg ngara anŭ, ka asŭng-I raru munos kiris ngara.
Tapa nang, “Ja ata napa manusia; raŭn gayŭn ngara re brimun ngga jata. Ngara re nguasa iken, manuk, ngga sopŭrŭg dāng kudip ngga dāng tarun, adi bās ngga adi sŭ.” Jadi Tapa napa manusia nunda gayŭn adŭp-I. Ayŭh napa ngara, dari ngga dayung. Ka Tapa nyiberkat ngara ka nang di ngara, “Mira biranak meh angān ka papah, isa sesang ngan udip di ndi ong ong ka nguasa-i. Aku bada angān nguasa sopŭrŭg iken, manuk manuk, ngga sopŭrŭg dāng tarun. Aku mbŭh nggen di angān barang masam ruwang kayuh ngga barang masam buwa kayuh jadi pinguman ngan; pak yŭn sopŭrŭg dāng tarun, ngga sopŭrŭg manuk, Aku mbŭh nggen barang masam kupai ngga kayuh adi pidawŭn jadi pinguman ngara.” Ka-i sawŭ jadi simŭnŭ. Ka Tapa kiris barang masam kayuh adi-I mbŭh napa, ka asŭng-I mbŭh raru munos. Singumi andu ripuan, ka isan isan nusak. Anŭ inŭh andu adi nŭm.

Kuuntele TIBIRIK 1