Hosea 8
8
Daut Jerecht äwa dän Jettadeenst
1Häw de Posaun bat aum Mul un woarn daut Volkj,
daut de Oshaka äwa mien Hus es,
wiels däm Harn sien Volkj mienen Bunt vestat haft,
un miene Jebooten nich jehoolen haft. #5Mo 28,49; Jes 58,1; Hos 6,7
2Israel roopt mie aun:
Wie jehieren die, ons Gott.
3Oba Israel veschmitt daut goode,
doawäajen woat de Fient an nostonen.
4See moaken wäm toom Kjennich, oba onen mie;
see stalen Mana äwa sikj, oba ekj saul daut nich weeten.
See moaken sikj Jetta von Selwa un Golt
un brinjen doaderch äaren ieejnen Schoden opp sikj. #2Kjen 15,10.14.25.30
5Ekj hool nuscht von dien Kaulf, Samaria;
ekj sie sea vestalt äwa junt.
Woo lang saul ekj noch wachten,
bat de Israeliten äare Schult oppriemen? #(5 un 6) 2Mo 32,20; 1Kjen 12,28
6Een Schmett haft daut goldne Kaulf jemoakt,
un daut es kjeen Gott.
Un doawäajen saul daut Kaulf
to Pulwa jeschloagen woaren.
7See haben eenen Wint jeseit,
un woaren eenen Storm arnten.
Daut steile Jeträajd haft kjeene Oa,
un woat kjeen Mäl jäwen;
un wan daut waut jäwen sull,
dan woaren framde daut oppäten. #Jer 12,13
8Israel es oppjeschlukt.
See es nu mank de Velkja,
aus een Jefäs daut kjeena haben well. #Jer 22,28
9Aus een eensoma willa Äsel,
es see no Assur jerant.
Efraim tolt een framdet Launt,
daut see am halpen sellen. #Hos 5,13
10Oba wan see sikj mank de Velkja vestreien,
woa ekj an von doa holen.
See woaren doa veschiednet lieden,
von de Kjennichs un aunjestalde.
11Efraim haft sikj väl Aultoaren jemoakt,
toom de Sinden bedakjen,
oba werkjlich haben see doa Sind jedräwen.
12Wan ekj am miene Jebooten uk krakjt oppschreef,
haben see dee fa eene framde Lia jehoolen.
13Wan see uk wellich väl Opfa brinjen,
doonen see daut, daut see kjennen Fleesch äten;
daut kaun däm Harn nich jefaulen.
Hee woat aun äare Schult denkjen,
un hee woat äare Sind bestrofen.
See woaren wada no Ägipten jeschekjt woaren. #5Mo 28,68; Jes 1,11
14Israel vejat däm, dee an jemoakt haft,
un but sikj groosoatje Hiesa;
un Juda but groote Mieren om äare Städa.
Oba ekj woa een Fia opp de Städa schmieten,
un aul äare Paulausten vebrennen. #Jer 17,27; Amos 2,5
Praegu valitud:
Hosea 8: PB
Tõsta esile
Kopeeri
Võrdle
Jaga
Kas soovid, et sinu esiletõstmised oleksid salvestatud kõigis sinu seadmetes? Registreeru või logi sisse
Plautdietsch Bible © 2003 Kindred Productions and United Bible Societies Association, Inc.