Sakari 5
5
Li bonlekaluobila: li tigbabikaali
1N didi go den laa li bonlekaala nni, li tigbabikaali ke li ye tanpoli ki yugi. 2Maleki den buali nni: «A nua be?» N den guani ki yedi: «N nua tigbabikaali ke li yugi. Li foaginu tie nukpanduna piilie, li pianu mo nukpanduna piiga.» 3Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a suuda kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene. 4Li Miali Diedo U Paaciamu Kuli Daano yedi: ‹N yadi ti solindi yeni, ke tin kua suudo kuli diegu nni leni yua n taagi n yeli ki pua mi faama ki polini kuli yaa diegu nni. N yadi ti ke tin kua lienni, ki yaa ye, ki bolini ki taani a yoaga leni a tana kuli.› »
Li bonlekaleleela: o pua ke o ye ku baabuogu nni
5Maleki yua n den maadi leni nni yeni, den cua ki yedi: «Yaadi ki diidi yaala n ban ña napo ne.» 6N den buali o: «Lani, mo tie be?» O den guani ki yedi nni, ke li tie mi diema yaaba kuli tuonbiadi n ye yaa baabuogu nni. 7Yaa bonbiigu n den ŋuagi ku baabuogu, ki tie noabindi, den yugidi. N den laa o pua ke o kaa ku baabuogu yeni niinni. 8Maleki den yedi nni, ke o pua yeni n tie mi biadima. O go den tudi ki kuani o ku baabuogu nni, ki ŋoagini leni ku bonbiigu yeni.
9Li yaa puoli, n den yaadi ki diidi ki laa puobilie yaaba n ye tanpoli ki yugi, ke u faalu ŋua ki tudi ba. Bi fiabi den tie nani goliya yaa fiabi yeni. Bi den cua ki taa ku baabuogu yeni ki yugi leni ku. 10N den buali Maleki yeni ban caani ku naani. 11O den guani ki yedi nni: «Bi caani ku Sineari#5.11 Mi soagintianma nni, li diani Babilonni bi Mesopotami diema. Li fidi ke o bagi Babilonni yo. diema po yo, ki baa n maa ku po li dieli. Bi yaa maa ki gbeni li, bi baa sieni ku lani nne.»
Currently Selected:
Sakari 5: BGP
Tõsta esile
Kopeeri
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.