Sakari 4
4
Li bonlekamuula: i fidisantuankaani leni olivie tiidi
1Maleki yua n den maadi leni nni yeni, den guani ki fundi nni nani ban baa fundi o nilo o guama nni maama yeni. 2O den buali nni: «A nua be?» N den guani ki yedi: «N nua fidisantuankaanu ke u kuli tie wula, ke mi kpama kuodikaanu ye u tanpoli. N go nua fidisanmulele ke mu tua lipo leni kuyelilele, mi kpama n tagidi yii yaa niinni ki kua mu fidisanmu nni. 3Olivie tiidi bonilie se ki kuu mi fidisankpama kuodikaanu yeni. Tiyenbu se jienu po, bu tiliebu mo se ganu po.» #Doa 11.4.
4Lani n den buali Maleki yua n den maadi leni nni yeni: «N Diedo, line mo bundi be?» 5O den guani ki buali nni: «Ŋaa bani line n bundi yaala?» N den guani o: «N Diedo, mii bani.» 6aLani, o den guani ki yedi nni:#4.6a Ki cili vedise 6 maliema ki ban dagini hali vedise 10 yaa makpiama, li maadi Sorobabeli yaa maame. Lanwani, laa maama jia Maleki n bundi Sakari po yaala vedise 6 makpiama leni vedise 10 yaa maliema nni ki ban dagini hali vedise 14. Lani n teni ke vedise 10 yaa maliema suli ki tugini vedise 6 yaa makpiama kani ki ban tuoni hali vedise 14. #Esd 5.2. 10b«Mu fidisanleleedimu yeni tie o Diedo nuni, yi n diidi yaala n tiendi mi tinfanma nne.» #Doa 5.6. 11N go den buali o: «Olivie tiliedi yi n se u fidisantuankaanu ganu po leni jienu po yeni mo bundi be?» #Doa 11.4. 12N go den buali o miliema: «Olivie tiidi benliedi yi n ye ki kuu mi kpama n tagidi yaa kuyeliedi nni yeni mo bundi be?» 13O den guani ki buali nni: «Ŋaa bani lan bundi yaala?» N den yedi: «Aa-a, n Diedo, mii bani.» 14Lanwani, o den guani ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»
U Tienu n niani Sorobabeli po yaa ñoaniani
6bMaleki den soani nni ki yedi ke min ban waani Sorobabeli ke o Diedo U Paalu Kuli Daano yedi yaa maama n tie ne:
«Laa tie leni u paalu bi leni a fidicele ka,
Ke a baa fidi ki soani laa tuonli.
Se leni n Fuoma.
7A tie ŋme, fini li joacianli Sorobabeli nintuali?
A baa tua tialu.
O baa ñani likani n dieli tanpuuli.
Bi niba baa yaa kpaani ki tua:
‹Li pia ñuadima! Li pia ñuadima!› »
8O Diedo go den soani nni ki yedi:
9«Sorobabeli cili mini
U Tienu diegu tanpuuli:
O baa maa ki juodi li mo.»
Lani kuli yaa tieni,
Yi baa bandi ke Li Miali Diedo,
U Paaciamu Kuli Daano n soani nni
Yi kani moamoani.
10aŊmenba n fali yaa tuonbibidi n da cili ki tuuni?
Ban mangi bi pala leni Sorobabeli
N baa guani ki maa U Tienu diegu.
Currently Selected:
Sakari 4: BGP
Tõsta esile
Kopeeri
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.