Nehemia 10
10
Daut Volkj veflicht sikj daut Jesaz to hoolen
1Doawäajen well wie een faustet Äwareenkomen moaken, un daut oppschriewen, un onse Leida, Leviten un Priesta sellen daut stamplen un unjaschriewen. 2Un daut wieren: De Vewaulta Nehemia, Hachalja sien Sän, un Zidkija, 3Seraja, Asarja Jirmeja, 4Paschhur, Amarja, Malkija, 5Hatusch, Schebanja, Maluch 6Harim, Meremot, Obadja, 7Daniel, Ginneton, Baruch, 8Meschullam, Abija, Mijamin, 9Maasja, Bilga un Schemaja; daut sent de Priesta.
10De Leviten oba sent: Jeschua, Asanja sien Sän, Binnui von Henadad siene Grupp, un uk Kadmiel, 11un von äare Breeda: Schechanja, Hodija, Kelita, Pelaja, Hanan, 12Micha, Rehob, Haschabja, 13Sakur, Scherebja, Schebanja, 14Hodija, Bani un Beninu.
15De väaschte Mana vom Volkj sent: Parosch, Pahat Moab, Elam, Satu, Bani, 16Bunni, Asgad, Bebai, 17Adonija, Bigwai, Adin, 18Ater, Hiskija, Assur, 19Hodija, Haschum, Bezai, 20Harif, Anatot, Nebai, 21Magpiasch, Meschullam, Hesir, 22Meschesabel, Zadok, Jadua, 23Pelatja, Hanan, Anaja, 24Hoschea, Hananja, Haschub, 25Lohesch, Pilha, Schobek, 26Rehum, Haschabna, Maaseja, 27Ahija, Hanan, Anan, 28Maluch, Harim un Baana.
29Un daut äwaje Volkj, de Priesta, Leviten, Puatenwajchta, Sinja, Tempeldeena, un aul dee, dee sikj von de Velkja en de Lenda aufjesondat haben un sikj aun daut Jesaz Gottes hoolen, met äare Frues, Säns un Dajchta toop, un aul dee, dee daut vestonen kunnen, 30dee sullen sikj äare Breeda, de väaschte Mana mank an, aunschluten un en daut Äwareenkomen nenträden un sikj met eenen Eit veflichten, no daut Jesaz Gottes to läwen, waut derch Moses, Gott sienen Deena, jejäft es. Un aule Jebooten, Rajchten un Väaschreften vom Harn, onsen Kjennich, to hoolen un doano to haundlen.
De Enhault von daut Äwareenkomen
31Wie wellen onse Dajchta nich de Velkja em Launt jäwen un äare Dajchta nich fa onse Säns nämen. #2Mo 34,16; 5Mo 7,3; Esra 9,2
32Wie wellen von de Velkja em Launt aum Sabat un aun de Heljedoag kjeene Woa ooda aulahaunt Jeträajd kjeepen, wan see dit aum Sabat toom vekjeepen brinjen; wie wellen de Aufgowen von de Arnt en jieda säwendet Joa un daut Schulden betolen nich fodren. #5Mo 15,1-11; Neh 5,10; 13,15-18; Jer 17,21-27
33Wie wellen ons daut Jeboot opplajen, aule Joa daut dredde Deel von een Selwastekj toom Deenst en onsen Gott sienen Tempel to jäwen: #2Chr 24,6; Mat 17,24
34Fa daut jeweide Broot, fa daut däachelje Ätesopfa, fa daut däachelje Brauntopfa, fa de Opfa aum Sabat un aum Niemon, fa de Fastdoag, fa de heilje Gowen un fa daut Sindopfa, wuamet Israel veseent woat, un fa aule Oabeit en onsen Gott sienen Tempel. #2Mo 25,30
35Met de Priesta un Leviten toop well wie jieda Joa lossen, woone Gruppen no de Rieej daut Brenholt fa dän Tempel leewren sellen. Doa saul jieda Tiet em Joa Holt sennen toom de Opfa opp däm Harn, onsen Gott, sienen Aultoa to vebrennen, soo aus daut em Jesaz jeschräwen steit. #3Mo 6,5
36De ieeschte Frucht von onse Goades un de ieeschte Frucht von aul onse Beem well wie no däm Harn sienen Tempel brinjen. #2Mo 23,19
37De Ieeschtjeburten von onse Säns un ons Vee, soo aus daut em Jesaz jeschräwen steit, un de Ieeschtjeburten von onse Rinda un onse Schop well wie no onsen Gott sienen Tempel no de Priesta brinjen, dee en onsen Gott sienen Tempel deenen. #2Mo 13,2 38Wie wellen dän Brootdieech, waut wie von daut ieeschte Jeträajd moaken, un daut ieeschte von de Frucht von aule Beem, dän ieeschten Wien un de ieeschte Eelj fa de Priesta en de Stowen aun onsen Gott sienen Tempel brinjen. Un dän tieenden Deel von de Ennom vom Launt well wie de Leviten jäwen; dee sellen opp aule Städen dän tieenden Deel von daut Akalaunt ensaumlen. #4Mo 15,20-21; 18,21 39Un een Priesta, eena von Aaron siene Säns, saul bie de Leviten sennen, wan dee dän Tieenden ensaumlen, un de Leviten sellen von däm Tieenden daut tieende Poat en de Stowen von daut Väarotshus aun Gott sienen Tempel nenbrinjen. #4Mo 18,26.28 40De Israeliten un de Leviten sellen de Aufgowen von Jeträajd, Wien un Eelj en de Stowen nenbrinjen. Doa es daut heilje Jereetschoft un doa sent de Priesta, waut em Deenst sent, un de Puatenwajchta un Sinja. Wie wellen daut en onsen Harn sienen Tempel aun nuscht fälen loten.
Actualmente seleccionado:
Nehemia 10: PB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Plautdietsch Bible © 2003 Kindred Productions and United Bible Societies Association, Inc.
