Sal 8
8
Ri ruk'ojlemal ri Dios y ri rejqalen ri wineq*f6*
1Jehová qajaw roj, ¡kan janila k'a nim ri abi' chuwech chijun ri ruwach'ulew!
Ri ak'ojlemal kan k'a pa ruwi' ri kaj niq'alajin-wi chuqa'.
2Kan jajun ri taq ak'uala' y ri k'a yetz'uman na,
nikibixaj ri nimalej abi', chikiwech ri e etzelanel awichin;
keri' nikiben richin ketane-qa ri e yakatajineq chawij.
3Toq nintz'et ri kaj, ri kan ja ri aq'a' rat banayon;
ri ik' y ri ch'umila' ri kan ja rat ri xabanon kichin,
4jari' toq ninch'ob-qa,
¿Achike ta k'a ok ri wineq richin chi naquqa-pe rij y richin chi nachajij?
5Man rik'in ri' abanon chire chi k'o ruq'ij y rejqalen,
xaxe kan qajineq juba' chawech rat.
6Xaben chire ri wineq chi xok q'atoy-tzij pa ruwi' ronojel ri xaben.
Ronojel k'a re xaben xaya' pa ruq'a':
7Ri kokoj y ri nima'q taq qawej,
konojel k'a ri chikopi' ri e richin k'echelaj,
8ri aj-xik' taq chikopi',
ri ker ri ek'o chupan ri palou
y ri jalajoj kiwech chikopi' ri yek'oje' pa ya'.
9Nimalej Jehová, qajaw roj, kan janila k'a nim ri ak'ojlen.
Kan janila nim ruk'ojlen ri abi' chuwech chijun ruwach'ulew.
Actualmente seleccionado:
Sal 8: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
