Sal 3
3
Ch'owen rik'in ri Dios nimaq'a' yan*f1*
1¡Jehová, kan janila k'a xek'iyer ri e etzelanel wichin!
Kan janila k'a e k'iy ri e yakatajineq chuwij.
2Janila k'a e k'iy ri kere' nikibij chuwij:
Ri Dios xa man xtukol ta, yecha'.
3Jak'a rat Jehová at to'onel wichin yin;
rat ri yabanon chuwe chi k'o ruwa-nuq'ij
y naben chuwe richin chi yitikir ninyek-wi'.
4Rik'in ri nuch'abel xatinwoyoj rat Jehová,
xak'uluba-pe ri nuch'abel, k'a akuchi atk'o-wi chupan ri awachoch ri k'o pa ruwi' ri juyu'.
5Yin xikotz'e-qa y xiwer,
xik'astej chik el, roma kan ja rat ri xato'on wichin.
6Roma ri' man xinxibij ta wi'
chikiwech ri e 10,000 winaqi' ri xkisutij-wij.
7Jehová, ¡kayakatej k'a chikij!
¡Kinakolo' k'a nu-Dios yin.
Tasoko' k'a ri kipalej ri e etzelanel wichin.
Tawulaj k'a key ri e banoy taq etzelal.
8Awik'in k'a rat Jehová nipe-wi ri kolotajik
¡Taya' k'a ri urtisanik pa ruwi' ri atinamit!
Actualmente seleccionado:
Sal 3: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
