Sal 15
15
Ri wineq ri ruk'amon richin nijel-apo rik'in ri Dios*f12*
1Jehová, ¿achike k'a ri xtik'oje' chupan ri awachoch?
¿Achike k'a ri xtik'ase' chupan ri juyu' ri acha'on rat?
2Kan xaxe k'a ri wineq ri tz'aqet ri ruk'aslen y kan pa ruchojmilal nuben ronojel,
ri kan xaxe ri qitzij ri nubij;
3ri kan man nitz'ukun ta tzij,
ni man jun itzel nuben chire ri rachpochel,
ri jantape' utz kik'in ri rachk'uljay;
4ri nretzelaj ri kan ruk'amon richin netzelex,
ri nuya' rejqalen ri niya'on ruq'ij ri Jehová;
ri kan nuya' ri nusuj, stape' nik'oje' pa k'ayew rija';
5ri man nuk'utuj ta ral ri méro toq nuya' pa qajik,
ri man niqa' ta chuwech nipuaqix richin nich'on itzel chirij jun ri xa maneq rumak.
Ri kere' ruk'aslen man jun bey k'a xtibe pa xulan.
Actualmente seleccionado:
Sal 15: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
