Sal 14
14
Konojel ri winaqi' xemakun*f11*
1Ri winaqi' ri maneq kina'oj nikibij-qa pa kánima chi maneq Dios.
Rije' xa xyojtej yan ri kik'aslen;
ri kibanobal kan janila itzel.
Kan man jun k'a ri nibanon ta ri utz.
2Ri Jehová nitzu'un-pe k'a chila' chikaj pa kiwi' ri winaqi',
richin chi nutz'et wi k'o ta jun aj-na'oj,
jun ri kan nikanon ri Dios.
3Jak'a konojel xa xkich'er kan ki';
xa xyojtej ri kik'aslen.
Kan man jun k'a ri nibanon ta ri utz;
kan man jun k'a xilitej.
4¿Kan maneq ta k'a kina'oj ri yebanon etzelal
y kan nikik'is ri rutinamit ri Dios achi'el xa ta ja ri kiway nikitej
y kan man nikinataj ta rija'?
5Re winaqi' re' kan xkek'ark'ot roma xibinri'il,
roma ri Jehová kan k'o kik'in ri kikuquban kik'u'x rik'in rija'.
6Ri e banoy etzelal kan yetze'en chirij ri ruch'obonik ri man jun ok k'o rik'in,
jak'a ri Dios kan nuto' ri wineq ri'.
7K'ate' ta chiri' pa juyu' Sión xtipe-wi ri kolonel qichin roj.
Toq ri Jehová xtuya' chik urtisanik pa qawi' roj ri oj israelita,
jari' toq xqojkikot qonojel.
Actualmente seleccionado:
Sal 14: KQC
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Kaqchikel Bible © Bible Society in Guatemala, 2003.
