Revelesen 22
22
Naui na silv'ien irarev' dan asn napl p'asan Atua
1 #
Esikiel 47:1; Sek 14:8. Sarei, ensel lahara iv'iv'en a kana nauei iamk irarev' kalvlvar kanep'a klas kinkin, avr ti iv'i kristal, idan asn napl p'asan Atua m'a Net Sivsiv. 2#Ap'u 2:9.Arna p't nut na navanel lil lahara m'a nauei lera, nai na silv'ien iter arna tv'eliel nen iru. Itu navan iururaur inal lman iru (12) arna nal udlani. Raun iv'i m'erasin ipamhmah a v'anu udlani. 3#Sek 14:11; Ap'u 3:17.Der udlani Atua itaui sena si stu, ikahei ml. V'eti napl p'asan Atua m'a Net Sivsiv ipater arna v'anu lera, laha m'ertuan apavm'akaran. 4Hir apavla nahn. Nahan ipater arna tana nahr. 5#Aisaia 60:19; Taniel 7:18.Nut lihat ikahei ml atlera. Ahavrn lait kinkin, v'aha nut ren na neiel, sena ti a Mlin Atua itu nut ren anr. Laha, hir apavv'i mlin ikahiris naran.
“Kana p'ama ipalahml”
6Sarei, ivr a kana kavr ti a, “V'nen lera udlani iviviln a ti m'ertu apavv'ahi, kav'i v'nen dau.” A Mlin Eia, iv'i Atuar m'ertu p'as na v'nenan, itep'a enselan a ti ipav'iv'en anr m'ertuan sei ipatu hin ikap'arei.
7“Pavrni, Kana p'ama ipalahml. M'ertu isapa v'nenan Atua udlani iter arna puk laha, hin iparn ipap'as.”
8Kana, nv'i a Sun, nla si udlani lera karn si udlani lera. Laha, naran ntrn sarei kalei, nrs asn tln ensel, la iv'iv'en si lera a kana ra, a ti p'epatei.
9V'eti ivr a kana kavr ti a, “Man si lera, sena ti kana nv'i m'ertu na m'akarienan a Iesu inap'ah, kap'lt m'er tv'alm udlani avv'i pruvet, kap'lt m'er m'ertu udlani avsapa v'nen udlani iter arna puk laha. Nakm papatei Atua uaki.” 10Laha, ivr a kana, kavr ti a, “Matutuan v'nenan Atua iter arna puk laha, sena ti naran nen itmima. 11#Taniel 12:10.M'ertu iaviviln, hin ikaviviln uam. M'ertu isapa p'kl stu, hin ipasapei uam. M'ertu iviviln, hin ipaviviln uam. M'ertu ip'as, hin ipap'as uam.”
“!Pama, Mlin a Iesu!”
12 #
Aisaia 40:10; 62:11;
Npin 28:4; Aisaia 40:10; Seremaia 17:10. “Aau, pavrni, p'ama ipalahml, kaua uliena parei p'etau a m'ertu udlani, iviviln a nut hir udlani p'sev' avan sei inap'ei. 13#Rev 1:8; Aisaia 44:6; 48:12; Rev 1:17; 2:8.Kana nv'i Alva kav'i Umika, nv'i pla si udlani kav'i ual si udlani, ntauamu dau katauatah dau.”
14 #
Ap'u 2:9; 3:22. M'ertu avsapa v'nen huan apavrn ipap'as, sena ti hir avrndu ti apavlev' nava nai na silv'ien, kavandan arna pn liu kavrav'a arna v'anu lil. 15M'ertu laha avlak av'aran, nki avv'i lip'ah, nki avan paria tiet, nki avan si stu m'a tav'et, v'aha avrpep'n m'ertu, nki avsapa aitul, m'er m'ertu udlani avlap'as a v'nen iv'i hap'ilien, kavani nakl.
16 #
Aisaia 11:1,10. “Kana, nv'i a Iesu, nttep'a sera enselak a ti ipavrp'ep'a si udlani lera a kam'i arna sas udlani. Kana nv'i uarn a Divt, kav'i a Natn, kav'i msi ren ier istudau.”
17 #
Aisaia 55:1. M'im'iln P'as m'a tav'et ip'hm'arit arvr ti a, “!Pama!” M'ertu iparn v'nenar ipavr ti a, “!Pama!” M'ertu irn navan, ipama. M'ertu udlani p'sev' la irni ha, ipalev' naui na silv'ien, ulien nen ihei.
18 #
TVH 4:2; 12:32. Kana nvrp'ep'ei anr nelnal la avrn v'nenan Atua puk laha ivrp'ep'ei ha, Ipavr ti m'ertu kinkin ipatu v'nen uraur ml arna v'nen laha, Atua ipatep'a der lilil puk laha ivruri ipav'a aranan. 19Ipavr ti m'ertu kinkin ipalev'la v'nen kinkin arna v'nenan Atua puk laha ivrp'ep'ei, Atua ipalev'la nahan arna puk na silv'ien, m'a v'anu p'as, m'a sei puk laha ivruri.
20M'ertu ivrp'ep'a si lera ivr ti a, “Nvrdaui, Kana p'ama ipalahml.” !Amen! !Aau, pama, Mlin a Iesu!
21Nrn ti vtmienan a Mlin Lilad a Iesu Kristu ipater asnm'i udlani. Amen.
Actualmente seleccionado:
Revelesen 22: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
