Versículos más leídos de la Biblia Revelesen 22

Compartir

Kana nv'i Alva kav'i Umika, nv'i pla si udlani kav'i ual si udlani, ntauamu dau katauatah dau.”

“Aau, pavrni, p'ama ipalahml, kaua uliena parei p'etau a m'ertu udlani, iviviln a nut hir udlani p'sev' avan sei inap'ei.

M'im'iln P'as m'a tav'et ip'hm'arit arvr ti a, “!Pama!” M'ertu iparn v'nenar ipavr ti a, “!Pama!” M'ertu irn navan, ipama. M'ertu udlani p'sev' la irni ha, ipalev' naui na silv'ien, ulien nen ihei.

M'ertu avsapa v'nen huan apavrn ipap'as, sena ti hir avrndu ti apavlev' nava nai na silv'ien, kavandan arna pn liu kavrav'a arna v'anu lil.

“Pavrni, Kana p'ama ipalahml. M'ertu isapa v'nenan Atua udlani iter arna puk laha, hin iparn ipap'as.”

Nut lihat ikahei ml atlera. Ahavrn lait kinkin, v'aha nut ren na neiel, sena ti a Mlin Atua itu nut ren anr. Laha, hir apavv'i mlin ikahiris naran.

M'ertu ivrp'ep'a si lera ivr ti a, “Nvrdaui, Kana p'ama ipalahml.” !Amen! !Aau, pama, Mlin a Iesu! Nrn ti vtmienan a Mlin Lilad a Iesu Kristu ipater asnm'i udlani. Amen.

Kana nvrp'ep'ei anr nelnal la avrn v'nenan Atua puk laha ivrp'ep'ei ha, Ipavr ti m'ertu kinkin ipatu v'nen uraur ml arna v'nen laha, Atua ipatep'a der lilil puk laha ivruri ipav'a aranan. Ipavr ti m'ertu kinkin ipalev'la v'nen kinkin arna v'nenan Atua puk laha ivrp'ep'ei, Atua ipalev'la nahan arna puk na silv'ien, m'a v'anu p'as, m'a sei puk laha ivruri.