Revelesen 15
15
Ensel avua dis isaru ilini a der isaru
1Laha, nla si lil uraur arna nut eia iv'iv'en sei, atah ani istudau. Nla ensel isaru avua der isaru, iv'i der itauatah dau, sena ti arna si lera nl reran Atua ihiris.
2Kala sei inep'a nata, iv'i klas auhei m'a nep'v'en. Laha, nlar m'ertu la avhua katvsiv' sera si dm lahara m'a aitulan, la ahavua napa na nahan ha, avp'tir arna nata na klas hara, kavua kita, iv'i nkan Atua. 3#Avruh 15:1.Kavhai a npinan a Musis, iv'i dui na m'akarienan Atua, kavhai a npin na Net Sivsiv, kavvr ti a, “U Mlin Eia, kv'i Atua, nut huam ilil kasiv' si udlani. Pariam udlani ilil istudau kani ti atah ani. Navanelam udlani iviviln kav'i navanel dau. Nakm kv'i Mlinar m'ertuam. 4#Seremaia 10:7; Npin 86:9.?U Mlin Eia, hin ak ikadedrn anh? ?Hin ak ikahani ti naham ipav'a eia? Sena ti Nakm uaki kp'as udlani. V'anu udlani apavrama arna nahm kavpatah, sena ti ktv'iv'en sera p'kl vivilnam arna nut m'auar.”
5 #
Avruh 38:21. Itauatah a si lera, pavrni, nla ti aiela nutet al nmah kanuisan Atua arna nut eia, iv'i nmah iv'iv'en ti Atua ilak m'a m'ertu. 6Laha, ensel isaru avrama dan al nmah tamat, kavua der isaru lahara. Klusar iv'i kalik ier istudau, katva. Avv'u sitrav aani a kul arna mrr. 7Laha, niv'a sei iv'a isilv' hara, itu dis isaru, aani a kul, anr ensel isaru, ilini a nl reran Atua, la isilv' dav'a ikahiris naran ha. 8#Avruh 40:34; 1 Armlin 8:10,11; 2 Krun 5:13,14; Aisaia 6:4.Laha, nmah tamat ilini a ie si p'sp'asan Atua, m'a nut huan. M'ertu kinkin iarndu ti ipav'a al nutet ier naran der isaru, la ensel isaru avuei ha, ihiris.
Actualmente seleccionado:
Revelesen 15: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
