Revelesen 16
16
1Sarei, nrn nadl lil idan al nmah tamat ivr anr ensel isaru kavr ti a, “Pavrav'a kavhsran sei iter al dis isaru, iv'i nl reran Atua, arna nadep'.”
Ensel itauamu ihsran sei iter al disan, kani ti nadei stu iraha p'ak natei
2 #
Avruh 9:10. Sarei, ensel itauamu iv'el kahsran sei iter al disan arna nadep'. Laha, m'ertu la mak na si dm iter aranar kavpatei aitulan ha, nadei stu iraha p'akr kani ti p'akr irer ihuadau.
Tv'el ensel ihsran sei iter al disan, kani ti nata ima kav'i nadei
3Sarei, tv'el ensel ihsran sei iter al disan al nata. Laha, nata ima kav'i nadei kanep'a di m'ertu im'a. Laha, si udlani isilv' al nata avram'a.
Nitla ensel ihsran sei iter al disan, kani ti nauei ima kav'i nadei
4 #
Avruh 7:17-21; Npin 78:44. Sarei, nitla ensel ihsran sei iter al disan al nauei irarev', kahsrani al nauei itp dan al nadep', laha nauei ima kav'i nadei. 5Laha, nrn ti ensel iv'i mlin na nauei ivr ti a, “U Mlin Eia, Nakm klak hilaha, kalak tituei, palak ipel. Nakm kviviln, sena ti kutakm anr inap'i lera. 6Sena ti hir atvrp sera m'ertuam m'er dui na v'nenam kavani ti dir irarev'. Laha, Nakm ktu nadei anr a ti apavm'ni, sena ti avviviln ani.”
7Sarei, nrn v'nen uraur idan al nev'etet, ivr ti a, “Aau, Mlin Eia, kv'i Atua, nut huam ilil kasiv' si udlani, ulien ktau anr m'ertu stu iviviln kav'i ulien dau.”
Niv'a ensel ihsran sei iter al disan arna neiel, kani ti ipalp'n m'ertu a nep'v'en
8Sarei, niv'a ensel ihsran sei iter al disan arna neiel, katu nut hua ani a ti ipalp'n m'ertu a nep'v'en. 9Sarei, ima kavuv istudau kalp'n m'ertu. Laha, avsip'len nahan Atua, la im'ahu a ti der lera ipaiarr ha, v'eti ahavvav v'ahienar kavani ti nahan ipav'a eia.
Nilm'a ensel ihsran sei iter al disan arna v'anua si dm, kauirma m'alk m'a p'ak rer
10 #
Avruh 10:21. Sarei, nilm'a ensel ihsran sei iter al disan arna napl p'asa si dm. Sarei, v'anuan udlani ima kav'i m'alk. Laha, avhaha nm'r sena ti p'akr irer istudau. 11Kavsip'len Atua na nut eia, sena ti p'akr irer kadatp', v'eti ahavrn istu sena pari stuar.
Nilm'sei na ensel ihsran sei iter al disan arna nauei Iuvretis, kani ti imar
12 #
Aisaia 11:15. Sarei, lm'sei na ensel ihsran sei iter al disan arna naui lil, iv'i Iuvretis. Laha, naui nen udlani imar, a ti ipandedp' navanelar mlin udlani avlak arna Is, arna nut neiel itpeia dan. 13Laha, nla m'im'iln stu artl avnep'a pruk, avandan al nava alkit, al nava si dm, m'ei al nava dui na v'nenan a Sitan. 14Hir avv'i m'im'iln stu, avan pari lilil, kavrav'a asnr mlin udlani arna nadep', kav'ara anr a ti apavan naur arna napn lilan Atua, Hin nut huan ilil kasiv' si udlani.
15 #
Mat 24:43,44; Luk 12:39,40; Rev 3:3. “Pavrni, Kana p'ama ipanep'a dui na v'nv'nahien. M'ertu ipasp' kaua klusan, hin iparn ipap'as. Imahei ti ipunanut kamlmal, laha ipamamih sena ti m'ertu avlei.”
16 #
2 Armlin 23:29; Sek 12:11. Laha, iani ti avp'lt arna nut iamk avri arna v'nenar m'ertu a Isrel, iv'i Amaketun.
Saru na ensel ihsran sei iter al disan al p'knaran, kani ti nav'l iv'l, nami imi
17Sarei, saru na ensel ihsran sei iter al disan al p'knaran. Laha, nadl lil iamk idan asn napl p'as iter al nmah tamat iter eia, ivr ti a, “Ithiris.” 18#Rev 8:5; 11:13,19.Laha, nav'l iv'l kalev' m'aten, nrn nadl inelnal, nami lil imi istudau, nami nen ilil kasiv' nami udlani imi arna nadep' naran m'ertu avlak arna nadep' itauamu ier dika, kahuet kalilet inap'i lera. 19#Aisaia 51:17.Laha, nadep' arna v'anu lil lera irndapri a nut itl, v'anu lilil arna nut udlani irs. Laha, Atua iv'ahur a Papilun, iv'i v'anu lil, katu panikin ani ilini a naui m'iel, iv'i terhua na nl reran. 20#Rev 6:14.Laha, v'anu papa udlani avln m'lnar kavruh, ahapasla ptha ml. 21#Avruh 9:23; Rev 11:19.Laha, nu iu, iv'i ptir ais lilil, kadars arna m'ertu. Ptir ais lera, nki iamk, kilu nen ihih inellm' (50). Laha, m'ertu avsip'len Atua sena der na ais lera, sena ti der lera ilil istudau.
Actualmente seleccionado:
Revelesen 16: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
