Revelesen 14
14
Net Sivsiv m'er m'ertuan avv'i 144,000
1 #
Esikiel 9:4; Rev 7:3. Sarei, pavrni, nla Net Sivsiv ip'tir arna ptha, nahan iv'i Saiun. M'ertu avv'i 144,000 avlak m'ei, la atulul sera nahan a Tetian arna tana nahr ha. 2Laha, nrn nadl iamk idan eia, inep'a tna nauei istudau irarev', kanep'a tna nav'l lil iv'l, karn drlr m'ertu avsna kita. 3Avhai a npin m'dah iamk arna nah napl p'as, m'a sei iv'a isilv' hara, m'er elta. M'ertu kinkin ikarndu npin lera, v'eti hir uaki la avv'i m'ertu Atua iullar arna nadep', avv'i 144,000 lahara. 4M'ertu lera ahavan si stu m'a tav'et, sena ti ahavm'atr m'a tav'et naran kinkin. M'ertu lera avsapa Net Sivsiv arna nut udlani Hin iv'el. Hir Atua itulla sarar asnr m'ertu, kavnep'a sei alav'i al pitvet itauamu katau anr Atua m'a Net Sivsiv. 5#Sev 3:13.Ahapasla hap'ilien kinkin arna pnr, sena ti hir avviviln udlani arna nah napl p'asan Atua.
Ensel itl avvrp'ep'a sei
6Laha, nla ensel uraur ml itetv eia arna p'knaran a ti ipavrp'ep'a v'nen p'as la ikahiris naran ha anr m'ertu avlak arna nadep' arna v'anu udlani, m'a nl nam'el udlani, kavv'ana arna v'nen udlani, kavlak arna nut udlani. 7Iv'ana a nadl lil kavr ti a, “Pavdedrn an Atua kavani ti nahan ipav'a eia, sena ti naran na ti ipav'ana hua m'a m'ertu udlani itama sarei. Pavpatei Atua la ien p'knaran m'a nadep', nata, m'a nauei itp dan al nadep' ha.”
8 #
Aisaia 21:9; Seremaia 51:8; Rev 18:2. Sarei, ensel uraur isapei, kavr ti a, “A Papilun itars, a Papilun, v'anu lil lera, itars. Sena ti iani ti v'anu udlani avm'n naui m'ielan, kavdilin aranan kavan si stu m'a tav'et.”
9Laha, nitla ensel isapar, kav'ana a nadl lil kavr ti a, “Ipavr ti m'ertu kinkin ipata si dm m'ei aitulan kalev' mak nen arna tana nahn v'aha lm'an, 10#Aisaia 51:17; Ap'u 19:24; Esikiel 38:22.M'ertu nen ipam'n naui m'iel na nl reran Atua, la atp'i al panikin na nl reran ha, ahauha nauei m'ei. Hin nep'v'en m'a salva iputakm ani arna nahr ensel p'as m'a nah Net Sivsiv. 11#Aisaia 34:10.Ie nep'v'en iutakm anr ipav'a eia dav'a ikahiris naran. M'ertu avpata si dm m'ei aitulan, m'er m'ertu udlani la avlev' mak na nahan ha, hir akavrnrn hir ren v'aha lihat.”
12Arna si lera, m'ertuan Atua, avv'i m'ertu avsapa v'nen huan Atua kavv'ah a Iesu ha, nlr ikp'arei pr.
13Laha, nrn nadl iamk idan eia, ivr a kana kavr ti a, “Pulul ani, kavr ti a, ‘Itudina hin hilaha, m'ertu avram'a kavp'lt m'ei a Mlin Lilad apavrn ipap'as.’
M'im'iln P'as ivr ti a, ‘Aau, sena ti hir apavrnrn hir sena pariar. Laha, nava pariar ipasapar.’ ”
Net M'ertu itr sei isi arna nadep'
14 #
Taniel 7:13. Sarei, pavrni, nla p'knaran tva iamk. Dui iamk ilak aranan inep'a Net M'ertu. Itnah a manu p'as aani a kul arna ptn, kaua tali hapr ihaan. 15#Suil 3:13.Laha, ensel uraur ima aut dan al nmah tamat kav'ara a nadl lil a M'ertu ilak arna p'knaran tva kavr ti a, “Paua tali hapram katr sei isi arna nadep', sena ti naran na ti patr sei isi arna nadep' itama sarei, sena ti si udlani isi arna nadep' ittarep'.” 16Sarei, M'ertu ilak arna p'knaran tva itr sei isi arna nadep' dav'a kahiris a nadep' udlani.
Ensel itr nahu na krep na nl reran Atua
17Sarei, ensel uraur ima aut dan al nmah tamat iter eia kaua tali hapr uraur ml ihaan.
18Laha, ensel uraur ml ima dan asn nev'etet. Hin iv'i mlin na nep'v'en, kav'ara eia an ensel iua tali hapr ihaan kavr ti a, “Paua tali hapram ihaan katrla tapir na nava nahau isi arna nadep' katupiani, sena ti itm'am'd sarei.” 19Sarei, ensel lera iua tali hapran katrla nahu na krep udlani arna nadep', katupiani al tah apas krep a nln, kani iv'i naui m'iel, iv'i nki na nl reran Atua. 20#Aisaia 63:3; Tklien 1:15; Rev 19:15.Sarei, apas nahu na krep av'aran a v'anu lil. Laha, nadei ima aut dan al tah lera kararev' ilil kadav'a eia kaier pn hus, kararev' dav'a ier 1,600 statia (300 km).
Actualmente seleccionado:
Revelesen 14: nmb
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2023 Presbyterian Reformed Church of Australia
