Versículos más leídos de la Biblia Revelesen 14

Compartir

Laha, nrn nadl iamk idan eia, ivr a kana kavr ti a, “Pulul ani, kavr ti a, ‘Itudina hin hilaha, m'ertu avram'a kavp'lt m'ei a Mlin Lilad apavrn ipap'as.’ M'im'iln P'as ivr ti a, ‘Aau, sena ti hir apavrnrn hir sena pariar. Laha, nava pariar ipasapar.’ ”

Arna si lera, m'ertuan Atua, avv'i m'ertu avsapa v'nen huan Atua kavv'ah a Iesu ha, nlr ikp'arei pr.

Iv'ana a nadl lil kavr ti a, “Pavdedrn an Atua kavani ti nahan ipav'a eia, sena ti naran na ti ipav'ana hua m'a m'ertu udlani itama sarei. Pavpatei Atua la ien p'knaran m'a nadep', nata, m'a nauei itp dan al nadep' ha.”

Laha, nitla ensel isapar, kav'ana a nadl lil kavr ti a, “Ipavr ti m'ertu kinkin ipata si dm m'ei aitulan kalev' mak nen arna tana nahn v'aha lm'an, M'ertu nen ipam'n naui m'iel na nl reran Atua, la atp'i al panikin na nl reran ha, ahauha nauei m'ei. Hin nep'v'en m'a salva iputakm ani arna nahr ensel p'as m'a nah Net Sivsiv. Ie nep'v'en iutakm anr ipav'a eia dav'a ikahiris naran. M'ertu avpata si dm m'ei aitulan, m'er m'ertu udlani la avlev' mak na nahan ha, hir akavrnrn hir ren v'aha lihat.”

Sarei, pavrni, nla Net Sivsiv ip'tir arna ptha, nahan iv'i Saiun. M'ertu avv'i 144,000 avlak m'ei, la atulul sera nahan a Tetian arna tana nahr ha.

Laha, nla ensel uraur ml itetv eia arna p'knaran a ti ipavrp'ep'a v'nen p'as la ikahiris naran ha anr m'ertu avlak arna nadep' arna v'anu udlani, m'a nl nam'el udlani, kavv'ana arna v'nen udlani, kavlak arna nut udlani.

Sarei, ensel uraur isapei, kavr ti a, “A Papilun itars, a Papilun, v'anu lil lera, itars. Sena ti iani ti v'anu udlani avm'n naui m'ielan, kavdilin aranan kavan si stu m'a tav'et.”