A Matye koe‑noogo 19
19
Pag yiisgu, la sɩd basb yelle
(Mark 10.1-12, Luk 16.18)
1La a Zeezi sẽn gom gom-kãens n sɛ, b yii Galɩle n kẽng Zʋʋde soolem sẽn be Zʋrdẽ rʋʋndã. 2Neb kʋʋng wʋsg tũu bãmba, la a Zeezi maag-b-la beenẽ. 3Fariizẽ-dãmbã kolga a Zeezi n na n bẽd bãmba. B sokame: «Dẽ yĩnga, noor beeme tɩ rao rig a pag a beegr buud fãa yĩnga?» 4#Sɩng 1.27, 5.2La a Zeezi leokame n yeele: «Yãmb ka karem tɩ hal sɩngr wẽndẽ, Naandã naan-b-la rao ne pag laa?» 5#Sɩng 2.24La b yeele: «Yaa woto yĩng tɩ rao na n bas a ba ne a ma n zĩnd ne a paga, la bãmb b yiibã na n yɩɩ yĩng a yembre.» 6Woto, b ka leb n yaa neb a yiib ye, b yaa yĩng a yembre. Dẽ yĩnga, bɩ ninsaal da welg bũmb nins Wẽnnaam sẽn lagem ne taabã ye. 7#Tõ 24.1-4, Mat 5.31Bãmb soka a Zeezi: «La bõe yĩng t'a Moyiis kõ noor tɩ sã n na n dig pag bɩ b kõ‑a baosg sebr la b rig-a?» 8A Zeezi leoka bãmba: «Yaa yãmb sũyã sẽn yaa kegemsã yĩng n kɩt t'a Moyiis kõ yãmb noor tɩ y rig y pagbã. La hal sɩngr wẽndẽ, rag n ka a woto ye. 9#Mat 5.32, 1Kor 7.10,11La mam yeta yãmb tɩ ned sã n dig a paga, tɩ sã n ka yoob yĩnga, n dɩk a to, a maanda yoobo.»
10Bãmb karen-biisã yeela bãmb yaa: «Rao ne pag yellã sã n yaa a woto, dẽnd f sã n ka kẽ kãadem n são.» 11A Zeezi leok-b lame yaa: «Nebã fãa ka wʋmd gom-kãngã võor ye, sã n ka b sẽn kõ b rãmb pãn-tõog tɩ wʋma bala. 12Bala, zu-soben-dãmb n be n yaa a woto hal b rogem wakate, la kẽer yaa neb n maan-b tɩ b lebg a woto, la kẽer maana b mens zu-soben-dãmb arzãn soolmã yĩnga. Ned ning sẽn tõe n wʋm-a koe-kãngã võor bɩ a wʋme.»
A Zeezi ninga kom-bãooneg zut barka
(Mark 10.13-16, Luk 18.15-17)
13Dẽ, neb talla kom-bãooneg n wa a Zeezi nengẽ tɩ b na tik-b ne b nus n pʋʋs b yĩnga. La karen-biisã lenga bãmba. 14La a Zeezi yeelame: «Bas-y kom-bãoonegã, tɩ b wa mam nengẽ la y ra gɩdg-b ye. Bala, arzãn soolem yaa neb nins sẽn wẽnd bãmbã yĩnga.» 15A Zeezi tika kambã ne b nusi, n yaool n yi zĩ-kãngã.
Bi-bɩɩg sẽn yaa arzɛk soaba
(Mark 10.17-31, Luk 18.18-20)
16Dẽ, dao a yembr kolg n soka a Zeezi yaa: «Karen-saamba, bõe n yaa sõama mam sẽn tog n maane, n tõog n paam vɩɩm sẽn kõn sa?» 17A Zeezi leoka yẽnda n yeele: «Yaa bõe tɩ fo sokd maam n dat n bãng sẽn yaa sõama? Ned a yembr bal n yaa sõama. Fo sã n dat n kẽ vɩɩm sẽn kõn sa wã pʋgẽ, bɩ f sak tõodã.» 18#Yik 20.13, Tõ 5.17, Yik 20.14, Tõ 5.18, Yik 20.15, Tõ 5.19, Yik 20.16, Tõ 5.20Yẽnda soka a Zeezi: «Tõ-bʋse?» La a Zeezi leoka yẽnda: «Da kʋ ye, da yo ye, da zu ye, da kɩs kaset-zĩrẽ ye, 19#Yik 20.12, Tõ 5.16, Mk 19.18waoog f ba la f ma, la f nong f to wa f menga.» 20Bi-bɩɩgã yeela a Zeezi yaa: «Mam saka tõ-kãens fãa! Bõe n ket yɛsa?» 21A Zeezi yeel-a lame yaa: «Fo sã n dat n zems zãnga, kẽng n tɩ koos fo sẽn tarã, n dɩk ligdã n kõ naong rãmba, la fo na paam paoong arzãn pʋga. La f wa n tũ maam.» 22Bi-bɩɩgã sẽn wʋm gom-kãensã, a looga ne sũ‑sãoongo. Bala, a ra tara arzegs wʋsgo. 23Dẽ, a Zeezi yeela b karen-biisã yaa: «Sɩd-sɩda, mam yeta yãmb t'a na n yɩɩ toog ne arzɛk soab t'a kẽ arzãn soolem pʋga. 24Mam leb n yeta yãmb tɩ yʋgemd sẽn na n tũ fu-pĩim yõorẽ n loog yaa naana n yɩɩd arzɛk soab sẽn na n kẽ Wẽnnaam soolem pʋga.» 25Karen-biisã sẽn wʋm gom-kãense, a linga bãmb wʋsgo, la bãmb soka taab yaa: «Ãnda soab masã n tõe n paam fãagre?» 26A Zeezi ges-b lame n yeel-ba: «Ne ninsaala bõn-kãng ka tõe ye, la Wẽnnaam tõe bũmb fãa.»
27Dẽ, a Pɩyɛɛr goma ne a Zeezi n yeele: «Tõnd basa bũmb fãa n tũud yãmba, tõnd yell na n yɩɩ a wãn-wãna?» 28#Mat 25.31, Luk 22.30A Zeezi leoka bãmb yaa: Sɩd-sɩda, mam yeta yãmb fãa sẽn tũ maamã, tɩ bũmba fãa tekrã wakate, ninsaal bi‑riblã sã n wa zaoond b naamã geer zugu, yãmb me na n zaoonda gɛy piig la a yiib zut n kao Israyɛll buud piig la a yiibã bʋʋdo. 29La ned ning fãa sẽn na n bas a yiri, a ba-bi-raopa, a ba-bi-pogse, a ba, a ma, a paga, a kamba wall a pʋʋg mam yʋʋrã yĩnga, a na n paama bũmb nins a sẽn basã buud naoor koabga, la a paam vɩɩm sẽn kõn sɛ wã. 30#Mat 20.16, Luk 13.30Dẽenem dãmb wʋsg n na n lebg yaoolem dãmba, tɩ yaoolem dãmb wʋsg lebg dẽenem rãmba.
Actualmente seleccionado:
A Matye koe‑noogo 19: MPBU
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Moore Bible © Bible Society of Burkina Faso, 2014.
