SABURI 57
57
Kiterewo kya weekyi
1Shilillya, woi Iruva shakutereva shilillya!
Mashika sharishya kwafo ishekusuruma.
Kutani iruruma yelyo lya urumato lyamalallya.
2Shafuya Iruva yeto muni finya,
Iruva atiri finya mwiishitannya fya usha.
3Mmbo asherumaa ngarami yuuka iruvee-u yeeshikira,
Ashesuta yewo vakeeshikakasha.
Iruva asherumaa ilillya lying'ani na ikunda lya dede.
4Mmbo shikee nshingillye
Ni miiso titirwa ni isanga lya irattwa vana va vandu
Mayoo a vayo akavaka mafumu na mife,
Ulumi lwa-vayo ni usu unnwe.
5Nng'anu ni wafo, uwe iruveeu!
Itumbe lyafo lyikwaani ulaniny koose.
6Vakiduva vakwa vakashaallya nreiyo.
Nrima wakwa ukasokywa fyoova.
Vakashisumya irina,
Kundo nshiira indi wo veni vakawa-fo.
7Ee Iruva, nrima wakwa mmbo wiishwe ifura,
Nrima wakwa wiishwe ifura,
Mmbo shishekwiimbyaa, shikape nndoro!
8Kwiipony, nrima wakwa!
Kwiipony, fivale na sese!
Kwankya, moose kwiipony.
9Ee Iruva shishekwaana yewe nnang'ani a masanga.
Shishekwiimbya fiimbo fyekwaarafuma.
10Isarya lyafo lying'ani fika iruveeu.
Yilyillya lyafo lyikapaana mafishi.
11Ni yewe kurumishwaa, Ee Iruva iruveeu!
Itumbe lyafo lyikwaani ulaniny koose!
Actualmente seleccionado:
SABURI 57: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
