SABURI 56
56
Iruva mmbwe finya yakwa
1Shilillya woi Iruva,
Mashika shanlyingillywa mmbakiduva vakwa.
Nkonu piti mmbo vakeeshifota.
2Vakiduva vakwa mmbo vakeeshikakasha nkonu piti,
Vakakapana na yeny kwa kyiila.
3Kyeeri kya weerei,
Ni kwafo shivikye nsia.
4Kwafo Iruva mwiirumishwa,
Iruva yeto shinkusirye kuleefo werei?
Mwana wa nndu asheshitannya-ki?
5Nkonu piti mmbo vakeeruuya ilyamara mashora akwa;
Makusaro awo moose mmbo vakekusara kilasha kyakwa.
6Mmbo vakesununda mbony takwa,
Na inunua meengye yakwa myoose,
Kindo vakunndye ni ishuuta muu.
7Woi Nndumi vataiye ekyo kyikwaani na mitannyi yaawo;
Woi Iruva, nyashi yafo iwoye vandu yewo.
8Yewe mmbo kwiishi ngata valenshisisya,
Kwamamya na misoru yakwa ngata ifye yefo shupeny yafo,
Ni yefo kyitabuny kyafo wo umwi akai.
9Nkonu shankutereva weekyi
Vakiduva vakwa mmbo vakeviirwa numa vakawuya.
Mmbo shiishi shamanya Iruva mmbo akee kyaalu kyakwa.
10Mmbo shivikye Iruva nsia na irumisha irero lyakwe,
Shivikye Nndumi Iruva nsia na irumisha irero lyakwe.
11Iruva mmbwe shimmbikye nsia kuleefo weerei
Nndu wa vandu nkyoki asheshitannya?
12Ee! Iruva, ni kuti shiinndye kyaasa kyakwa,
Shisheniingya kyaasa kyakwa kyeerumisha.
13Mashika ni yewe kulekira muu wakwa ukakya ifwa;
Kwaseleesa marende akwa.
Shaidima isalala mbee ya Iruva,
Yefo seny ya muu.
Actualmente seleccionado:
SABURI 56: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
