SABURI 2
2
Mangyi nsauwe wa Iruva
1A naambo-kyi elyi isanga mweende mwaluko-luko?
A kimaruma nkikyi elyi vandu vavika shila ta nguya,
2Mangyi ta uruka tiifo tikudeesya,
nawo veshillya veefo veumburanaa amwi,
ifuluta Iruva mwitorya
na mangyi wakwe mwaambe mafura!
3Veshambaa Ndifony lulakani efo ushilyiny lwakwe deny,
na ngova eto tilufingye tiluuke!
4Nawe Iruva Mwitorya eto akaa efo Iruveeu,
ee-fo evasekaa nevatatala.
5Numa mmbo ashereraa nawo kwa unyafi
neshevavavasa etirwa nngoo.
6Ni mangyi yakwa shansauwa
nasheshillya ifumbu lyakwa yeele Sioni!
7Nawe mangyi mmbo asheambaa,
Shamongoya ishingo lya Iruva Mwitorya,
yewe ni mwana wakwa, na yeny ni Nndeyaafo.
8Shitereva na yeny shikuniinge isanga lyoose
lyive dingu yafo,
na loose uruka luve masaa-afo.
9Mmbo kuvakapaa na nsengye wa minya
neevafisha sha woyo lwa nungu!
10Naasany eni vamangyi kusareny
aranyiny ivavaso elyi,
yeni vamangyi va uruka.
11Rundyeny Iruva mwiinreremyaa,
kapeny mindoro mwinrumishaa.
12Lantyeny filya fitiri mbusha,
nalasheefulukwa neeni mureke shia
mashika ni mwaangu irooywa ni ngoo.
Ngoma nnyaawo valya vanrishyaa.
Actualmente seleccionado:
SABURI 2: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
