SABURI 1
1
Ifura lya Dede
1Ngoma ni ya nndu yeto nalashendaa,
Efo shieny ta vandu varavi.
Nta nalasindaa efo shieny ta valyamari,
Nta ikaa rembo efo ikwaanuny
Lya vamini neekapa ngula.
2Indi mavavaso a Nndumi akansennya
Na usumanu llo asununda kio na nsanyiny.
3Nawe kava sha nri ukeenronge
mbai ya soko ta mura,
Uvikaa ndunda kwa kyeeri kya vayo,
Nta iru lyavayo lyilashumaa,
Na wo kindo atana kikansenya.
4Ekyo ni kilasha na vandu varavi;
wo mmbo vakee sha muulu uvivitwaa ni uraato,
5Kwa ekyo valyamari mmbashaashukaa yuutywa uvingo-fo,
Nta valyamari mmbashesangaa na valya vakee vasumanu-fo.
6Mashika Nndumi Iruva mmbo aishi meengye ya valya vatiri usumanu,
Indi shia ya valyamari isherekaa.
Actualmente seleccionado:
SABURI 1: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
