YOBU 5
5
1Vaanga ulaalu kulle kwakooya efo wa ikwirika.
Ni ungau nnang'ani ya veele kummbaanga?
2Ate dede isavaa lyiwaa nndu nrung'ani,
na kyififi kyimamitaa itondo.
3Shilellollya nrung'ani avesyo
indi na lyimwi shadenga yoo akaa.
4Vana vakwe mbatiri ufoo-fo;
mmbo valamyoo mwaanduny,
nta nkwiifo nndu wa ivatarama-fo.
5Fimu fyakwe mmbo filyiwaa mmbandu vatirwa nshaa,
naakwaa n fimu fimiiye miingeny;
vaafu mmbo vatiria usimba lwakwe masha.
6Ngatara tiukaa kilulyiny-fo,
nta ukiva n lumyaa uteriny-fo.
7Indi nndu wa vandu mmbo awonikaa alye ukiva,
sheelyi sise ta muro tirumbukaa uwe.
8“Kukooya yeny shekee ni yewe mmbo shewuyyaa Iruva,
nshereeya we Iruva mbony takwa.
9We mwitana findo filandelollyo,
nta filavaa isavaiya nta yekyenywa.
10Mwiolotya uruka mbwa,
mwisota mira mindeny.
11Mwirosa vakiva,
vakeeiyaa kavaniinga ufoo.
12Mwifisha fyama fya veoka mitambo
mashora awo nalasheivesyo.
13Mmbwe akamaraa varango mitambony yaawo,
fyama fya varango kafifisha fyoose.
14Yewo mbalolyaa ireema nsanyiny,
nkwaany vakawowora sha kio.
15Indi Iruva n nyakira vana va ng'wera
N nyatafuraa fing'wera maakony a vaafinya.
16Kwa yekyo vang'wera vatiri nsia,
na umbafu lushemamitwaa.”
17Ngoma nndu Iruva ansakira!
Kwa yekyo kulaipale Iruva muni finya ekukapaa.
18Mashika we mmbwe avavisaa na ifweerisa,
kavika kyaasha na ishiisa we muni.
19Akukiraa ngatareny mmwasi ya lyimwi;
rengeny ya ifurumya ukasha llushekupaanaa-fo.
20Kyeeri kya shaa ashekukiraa na ufu,
ngapanuny shinyaasi ashekukiraa.
21Kusheringwaa na ufoo ngapanu ya ulumi,
nta nkushevavaa elyi umamito lushaa-fo.
22Umamito na shaa kyeeri fishaa, kusekaa,
nta nkusheiryaa mafisi manyaasi a urukeny-fo.
23Neewe kusheitanaa na mawe a nndeny,
na mafisi manyaasi ashevaa na ufoo kwafo.
24Kulollyaa kyenyy kwafo kwikee na ufoo;
kushelolaa findo fyafo fya ivikkya kukooye fyoose fiiyyo.
25Kushelollya da vana vafo vashevaa veengyi,
veengyi sha mare a nndeny.
26Kushefwaa kukee nndu nkuu atimmye,
sha kyaa kya umbi kyavewa kimmbira nisha.
27Naasa elo nlo ukureekyi lweeru; lingyi ni lwa dede;
kulwaarannyi na ilumanya luve mbusha yafo.
Actualmente seleccionado:
YOBU 5: MAS2
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Holy Bible in Kimashami © Bible Society of Tanzania, 2016.
