SADEONG 103
103
Mian Bisa namaasi
1Luwedoi Daud.
Eh konoanggu, nggaalekai ko Temeneno,
nggaalekai kosambuno momoliyous, sasaibino konoanggu.
2Eh konoanggu, nggaalekai ko Temeneno,
inai motoliminggene sasaibino Kona monondokan!
3Yana komo ampuniyo sasaibino komulalin,
komo tangalinggene sasaibino komu sesel,
4Yana komo olupute komu asaangan doi kubur,
moolombayo kona maasi tukon seang doiikoo.
5Yana komo akambule komutuboan tukon nomonondokan,
tobikon doiya ikoo tataap tambongan pokakana kotomisi rajawali.
6Ko Temeneno ambakonggene kohukum tukon kaadilan
doi sasaibino komian mo talailainggon.
7Yana okitakene Kona rencana doi Musa
tukon Kona kokubai-kokubai doi bangsa Israel.
8 #
Yak. 5:11
Sabab ko Temeneno daano Kona maasi tukon seang,
Yana sabar tuuno tukon Konamaasi lobi-lobian.
9Yana aki nabanggimolii banggadudul momeenggon,
tukon aki nanggimal tuuk sidutu-posidutukon.
10Yana aki nahukume kita sosuai konda dosa,
kai balasekonda dosa sosuai konda kasalahan.
11Bai pokakana kotimbu kona tatandakkan doi dunia bunggono,
pokakana doiya Konababasalan Konamaasi doi mian motaat.
12Pokakana Konaodoonan kotolopat tukon talise,
pokakana doiya Kona sakukanano konda lalim-lalim.
13Pokakana komeeng kotama naseangono konapau-pau,
bunomo doiyakai ko Temeneno naseanganoo konamian motaat.
14Sabab ko Temeneno toiyo kita tokubai luwedoi oila,
Yana neneeke kita nia tongo luwedoi ambata.
15Kobanggapi natuboan paupalus tongo buno bulung;
yana tebeleka buno bunga doi asi;
16kalu mbombuul puule, lapuskai yana,
tukon kona tampat akino natinoi koidan.
17Bai ko Temeneno tataap mamaasikene komian motaat,
Kona monondokan banggadudul momeenggon paisobolii kotulunan
18doi mian mobataani doi Naperjanjian,
tukon komo setia lakukene Konaparenta.
19Ko Temeneno naparenta doi surgaa,
Yana tomundo mokuasai kalangge sasaibino.
20Ponggaalekai ko Temeneno, eh Namalaekat-malaekat mobarani,
komolengele tukon molakukene Konaparenta.
21Ponggaalekai ko Temeneno, eh sasaibino komahluk doi surgaa,
sasaibino Konaata molakukene Konamongiasan.
22Ponggaalekai ko Temeneno, eh sasaibino komo pinasitaka
doi posaapon Konalipu kinuasai.
Eh konoanggu, nggaalekai ko Temeneno.
Actualmente seleccionado:
SADEONG 103: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
