SADEONG 101
101
Meeng kotomundo Najanji
Daud na Sadeong.
1Yaku yase momanyanyikene tentang kosetiaan tukon koadilan,
doi Ikoomo, oh Temeneno, daku nyanyian nggaalano Ikoo!
2Yaku yase moperhatikanggene bulaando kotuboan momonondok.
Kalu Ikoo lubat doiyaku?
Yaku yase tubo momoliyous doi kubonua,
3kokulokisan aki naikon kupataikene.
Yaku mosikitene komian molokis nakakubai,
tukon aki kuiyase mopourus tukon yanila.
4Aki kuayase mokubai langge mosala
tukon aki kuayase motongusokon doi kulokisan lalomo.
5Komian mobapitanaa tukon aki nabiyok-biyok
naikon yaku akateyo kabus.
Komian mosombong tukon tatandak konoano
aki naikon kubatadikene.
6Yaku kilakene komian mosetia doi Mian Bisa;
yanila moola dungol doi kubanoa.
Komian motubo moakiyo konasalaan
moola naleleaniyaku.
7Komian mokala-kala aki namoola dungol doi kubunoa;
komo kala-kala aki naikon nataan doi salaanggu.
8Sasamba kooloyo yaku naikon akateyo kabus
komian molokis nai tano nia.
Sasaibino komian mokokubai kokulokisan
naikon yaku alapuse luwedoi Temeneno nakota.
Actualmente seleccionado:
SADEONG 101: LAIBGZ
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
