SAKALIA 4
4
Te hiliaga malama aulo mo oliveto e lua
1Nee toe hau leva kia au te aselo ae nee palalau mai kia au, o fafagu au o hage ko he tagata ae nee fafagu mai tana moe. 2Nee ina ui mai leva kia au: Kotea te mea ae e ke sio ki ai? Nee au tali leva: E au sio, pea koeni, e i ai he tuuaga malama ae nee aulo maa katoa, mo he mea tanaki lolo i oluga. Nee maga fitu te tuuaga malama, mo ni tafeaga lolo e fitu ki te u malama e fitu ae i te tumutumu o te tuuaga malama; 3pea nee tuu ovi i ai ni oliveto e lua, ko te tahi i te fahai matau o te tanakiaga lolo, pea mo te tahi i tona fahai hema. 4Nee au palalau leva, o ui ki te aselo ae nee palalau mai kia au: Oi toku aliki, kotea te uhiga o te u mea aeni? 5Nee tali mai leva kia au e te aselo ae nee palalau mai kia au, o ui: Pe e mole ke iloi te uhiga o te u mea aeni? Nee au ui leva: Kailoa, toku aliki. 6Pea nee toe palalau mai leva ia ia kia au, o ui: Koeni te folafola ae e tuku e te Eteleno kia Solopapele: E mole ko te fakamalohi pee ko te malohi, kae ko toku Laumalie, e folafola te Eteleno o te atu fua tau. 7Ko ai ia koe, mouga lahi? E ke lapa anai ia mua o Solopapele! E ina hili anai te maka tafito i lotomalie o ni kalaga fakafiafia: Kalasia, kalasia kia ia!
8Nee toe tuku mai leva kia au te folafola a te Eteleno, o ui: 9Kua hili e te u nima o Solopapele te fakatafito o te fale aeni, pea e toe fakaosi anai ia ia e ona nima; pea e ke iloi anai nee fekaui mai au e te Eteleno o te atu fua tau kia koutou. 10Koteuhi ko natou ae nee nukinuki ki te aho o te u kii kamataaga e fiafia anai i te sio ki te nivo i te nima o Solopapele. Ko te u malama aeni e fitu ko te u mata o te Eteleno, ae e taka i te kele katoa.
11Nee au palalau leva, o ui kia ia: Kotea te uhiga o te u oliveto aeni e lua, i te fahai matau o te tuuaga malama mo tona fahai hema? 12Pea nee au toe palalau tua lua leva, o ui kia ia: Kotea te uhiga o te u vaa oliveto e lua, ae e ovi ki te u takiaga lolo aulo e lua, ae e tafe mai ai te lolo gigila? 13Nee ina tali mai leva: Pe e mole ke iloi ona uhiga? Nee au tali leva: Kailoa, oi toku aliki! 14Pea nee ina tali mai leva: Ko te u tagata aia e toko lua ae kua fakatapui ke tuu ia mua o te Aliki o te kele katoa.
Actualmente seleccionado:
SAKALIA 4: WB2011
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2011, Eglise évangélique, chez Lotoato Logote Hihifo, Vaitupu, Wallis
- Les droits sont administrés par Midi Bible, une branche de la Société Biblique de Genève
- Rights are administrated by Midi Bible, a branch of Société Biblique de Genève, 1032 Romanel-Sur-Lausanne, Switzerland
