मत्ति 3
3
बप्तिस्मा के़बिबा युहुन्ना
(मर्कु १:१-८; लुका ३:१-९; युहु १:१९-२८)
1खे़न् ये़म्मो#३:१ नाःत्ला सुम्सिओबा पाःन्निन् नाःत्ला ने़त्छिनुःल्ले़ तङ्बे २८ एगाङ् पोःक्खे़बारो॥ बप्तिस्मा के़बिबा युहुन्ना मे़प्मनाबा मनान् यहुदिया थुम्मोबा एःक्सादे़न्नो अक्खेलॽरिक् इङ्भन् चोगुर त्ये़, 2“खिनिॽ लायोलाम् हिन्दे़म्मे़ॽओ, थेआङ्भे़ल्ले़ साङ्ग्राम्पेदाङ्बा हाङ्जुम्मिन्#३:२ साङ्ग्राम्पेदाङ्बा हाङ्जुम्मिन् नु निङ्वाॽफु हाङ्जुम्मिन् लत्छासि॥ यहुदिहाॽरे़ निङ्वाॽफुमाङ्ङिल्ले़ कुमिङ्ङिन् मे़म्बाःत्तुन्, खे़ल्ले़चोगुल्ले़ खे़ङ्हाॽरे़ निङ्वाॽफुहाङ्जुम् मेःन्, कर साङ्ग्राम्पेदाङ्बा हाङ्जुम् मे़बाःत्तुॽ॥ निःत्ताङ्ङे त्ये़आङ् वाॽरो॥” 3खुने़ॽ कुयाःम्बेओ माङ्निङ्वाॽपान् के़बाःप्पा यसैयाःल्ले़ अक्खेलॽरिक् पाःत्तुआङ् वाॽरो,
“खुने़ॽ एःक्सादे़न्नो अक्खेलॽरिक् के़अःक्पा इक्लारो,
‘दाङ्बाल्ले़ कुमाराम्मिन् यारिप् चोगे़म्मे़ॽआङ् कुलाम्हाॽ तोःन्दोन् चोगे़म्मे़ॽ!’”#यसै ४०:३
4आल्ल युहुन्नाःल्ले़ उमेरे़ कुमुरिक्लाम् थाक्मनाबा तेःत्तिन् चाक्खुआङ् से़होबा फॽइ युप्सुरो॥ खुने़ॽ कुजामाङ्ग निःङ्घुक्वा नु ताम्भुङ् सक्वाघु वये़रो॥ 5यरुसले़म ये़क्यक्लाम् नु यहुदिया थुम् हे़क्क्याङ् यर्दन यङ्घङ् खिरिबा के़रे़क् थुम्हाॽओलाम् मनाहाॽ कुदुम्से़ 6मे़द्ये़आङ् इङ्गाॽ लायोबाआरो मे़बाःत्तुर यर्दन यङ्घङ्ङो खुने़ॽलाम् बप्तिस्मा मे़बोःक्खे़रो॥ 7कर यरिक् फरिसिहाॽ नु सदुकिहाॽ#३:७ फरिसिहाॽ नु सदुकिहाॽ वेॽ वेॽ परिक्पा यहुदि साम्यो के़नाःप्पा मना मे़वये़॥ कङ्हाॽरे़ खुनिॽ याःम्बेओ नुःरिक्काङ् ले़मारे़ लागि पाःन्सुत्लाओ ओमत्ते़ॽओ॥ बप्तिस्मा पोङ्से़ खुने़ॽओ मे़द्ये़र मे़बत्छे़बा निसुसिआङ् अक्खे मे़त्तुसिर फे़ःक्तुसि, “असेःक्सासे, खिनिॽ कन् के़दाबार के़बप्पा निङ्वाॽफुमाङ्ङिल्ले़ कुघुम्दिङ्लाम् खे़त्छिङ्ङे़म्मे़ॽ फाॽआङ् हाःत्ले़ के़मे़त्तिबे? 8लायोलाम् के़हिन्दिबा पाःन्निन् ओसेःन्दाङ् चोःक्से़ नुबा याःम्बक् चोगे़म्मे़ॽओ॥ 9आनिगे़ग अब्राहामरे़ कुस्सासिगे़, खे़ल्ले़चोगुल्ले़ खुम्दिङ्लाम् खे़त्छिङ्मा सुक्तिगे़ॽ फाॽआङ् निङ्वाॽ मे़इःत्ते़म्मिन्ने़ॽओ, थेआङ्भे़ल्ले़ निङ्वाॽफुमाङ्ङिल्ले़ग कन् लुङ्हाॽआङ् अब्राहामरे़ कुस्सा चोःक्मा सुक्तुसिॽरो॥ 10आल्लोसा निङ्वाॽफुमाङ्ङिल्ले़ कुघासे़न्निल्ले़ तःन्दिङ्ग सिङ्बुङ्मो#३:१० कप्मो सिङ्बुङ्ङिन् मनानु मे़दङ्घुआङ् वाॽ॥ सिङ्बुङ्ङो नुबा कुजाॽ मे़धोःक्ने़न्बाल्ले़ खे़न् ताङ्मनाबा हे़क्के नुबा याःम्बक् मे़न्जोःक्मना मनाहाॽ खुम्दिङ् मे़बिरुसिरो॥ खा चुक्मा इःत्ते़आङ् वाॽ॥ नुबा सिङ्सेॽ मे़न्धोक्मनाबा सिङ्बुङ्हाॽ के़रे़क् ताङ्माआङ् मिओ लाप्फुमा पोङ्लो॥
11“लायोलाम् के़हिन्दिआङ् इङ्गाॽग च्वाःत्तिल्ले़ बप्तिस्मा पिनिङ्लो, कर आएगाङ् के़दाबे़ङ्ग इङ्गाॽनुःल्ले़आङ् मुक्साम्साबा चोक्लो॥ खुने़ॽ कुलाङ्सुःप्हाॽ इङ्गाॽ योक् कुइसिक् पङ्माआङ् मे़लाॽआन्लो॥ खुने़ॽ सेसेमाङ् नु मिःल्ले़ बप्तिस्मा के़बिरिॽरो॥ 12कुभॽएःत्तिल्ले़ सिन् आःम्मा फाॽआङ् खुने़ॽ यारिप् वाॽ, हे़क्क्याङ् खुने़ॽ तुगुर सुप्सुआङ् सिन् चाधोक्लाओ चिक्खुॽ हे़क्क्याङ् कुहक्हाॽ आप्फाल्ले़आङ् मे़न्छिःम्नाबा मिओ हाःन्दुदेसुॽरो॥”
युहुन्नाःल्ले़ ये़सुन् बप्तिस्मा पिरुॽ
(मर्कु १:९-११; लुका ३:२१-२२)
13खे़न् ये़म्मो ये़सुन् गालिल थुम्मोलाम् यर्दन यङ्घङ्ङो बप्तिस्मा पोङ्से़ युहुन्नारो त्ये़रो, 14कर युहुन्नारे़ अत्तुर खुने़ॽ अक्खे मे़त्तु, “इङ्गाॽने़ खे़ने़ॽनु बप्तिस्मा पोङ्मा के़बोङ्बा, आक्खेलॽरिक् खे़ने़ॽ इङ्गाॽओ के़द्ये़बाबे?”
15ये़सुरे़ नोगप् पिरु, “आल्लोरे़ लागि अक्खेए पोङ्लरो, अक्खेलॽरिक् निङ्वाॽफुमाङ्ङिल्ले़ के़रे़क् निङ्वाॽ चोगुबा पाःन्निन् के़त्लरो॥” हे़क्क्याङ् युहुन्नान् ते़न्दे़आङ् खुने़ॽ बप्तिस्मा पिरुरो॥
16ये़सुन् बप्तिस्मा पोःक्खे़आङ् च्वाःत्तोलाम् लाःक्कात् लःन्दे़नुमे़ःन्ने ताङ्साक्पे़न् हरे़आङ् निङ्वाॽफुमाङ्ङिल्ले़ कुसेसेमाङ्ङिन् पुत्तुःक्के हे़क्के खुने़ॽ कुसम्दाङ् ये़र पत्छे़बा निसुरो॥ 17हे़क्क्याङ् साङ्ग्राम्पेदाङ्लाम् अक्खेलॽरिक् इक्लाधिक् त्ये़, “कन् आमिःम् आस्सारो, इङ्गाॽ खुने़ॽनु साॽरिक् सःत्ताङ्ङाङ् वाॽआरो॥”
Actualmente seleccionado:
मत्ति 3: LIF
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2009, 2023, Wycliffe Bible Translators, Inc. All rights reserved.