भजनमैं 67
67
धन्यबादए क्वे
क्वे प्रिंब्मैंए चिबए ल्हागिर बीणा-सारङ्गींमैं ह्रादै प्रिंबै। भजन घ्रि, क्वे घ्रि।
1ह्युलर्बै ताँन् म्हिमैंइ ङो सेरिगे
धै क्हिजी जोगेमिंम् बिबै ताँ ताँन् ह्रेंमैंइ था सेरिगे बिसि
2परमेश्वरजी ङ्योए फिर दयाम्हाँया लरिगे, ङ्योए फिर आशिक पिंरिगे,
धै खीए लि ङ्योए फिर चारमिंरिगे!#गन्ती ६:२२-२७ तिस्याँदे मैंन्
3ओ परमेश्वर, ताँन् ह्रेंमैंइ क्हिलाइन थेब लरिगे,
ताँन् ह्रेंमैंइ क्हिलाइन थेब लरिगे!
4क्हिजी ह्रें-ह्रेंमैंए फिर ठिक निसाफ लमुँ,
धै ह्युलर्बै ह्रें-ह्रेंमैं घ्याँ तेंमिंम्।
छतसि ह्रें-ह्रेंमैं सैं तोंरिगे धै छिं ङ्हाँसि क्वे प्रिंरिगे! तिस्याँदे मैंन्
5ओ परमेश्वर, ह्रें-ह्रेंमैंइ क्हिलाइन थेब लरिगे,
ताँन् ह्रेंमैंइ क्हिलाइन थेब लरिगे!
6परमेश्वरजी ङ्योए फिर आशिक पिंब्मुँ,
छतसि सइ ल्हें रोमैं रोमिंब्मुँ।
7पृथ्बीर्बै ताँन् साँदर टिबै ह्रेंमैंइ परमेश्वर ङ्हिंरिगे बिसि
खीजी ङ्योए फिर आशिक पिंरिगे।
Actualmente seleccionado:
भजनमैं 67: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
