भजनमैं 138
138
याहवेहए मिं थेब् लद्
दाऊदए भजन घ्रि
1ओ याहवेह, ङए सैं न्होंउँइँले क्हिलाइ धन्याबाद पिंम्,
देवतामैंए ओंसों ङ क्हिलाइन थेब लम्।
2क्हिजी ह्रोंसए मिं नेरो क्हिए बाछामैं
तोन्दोंरि सैमैंए फिर बेल्ले थेब लइमुँ।
छतसि क्हिए पबित्र क्ल्ह्योउँइँ ङ तोसि क्हिलाइन फ्योब्मुँ,
धै क्हि खोंयोंइ आनुबै म्हाँया लब नेरो ङइ भर लल् खाँबै परमेश्वर ग बिसि
ङ क्हिए मिं थेब लब्मुँ।
3ङइ ग्वार ह्रिमा क्हिजी ङलाइ ज्वाफ पिंइ,
धै क्हिजी ङ आङ्हिंब नेरो भोंब लमिंइ।
4ओ याहवेह, क्हिए सुँउँइँले त्होंबै ताँ थेमा
ताँन् ह्युलर्बै म्रुँमैंइ क्हिन थेब् लरिगे।
5चमैंइ याहवेहजी लबै केमैंए बारेर क्वे प्रिंरिगे,
तलेबिस्याँ याहवेहए मिं बेल्ले थेब मुँ।
6याहवेह बेल्ले थेब मुँलेन
थेब् आप्हैंब्मैंलाइ खीजी ङ्ह्योम्,
दिलेया थेब् प्हैंब्मैं बिस्याँ खीजी ह्रेंगोउँइँलेन् ङो सेम्।
7ङइ ल्हें दुःख योंलै या क्हिजी ङ जोगेमिंम्।
ङए शत्तुरमैं ह्रिस खसि ङने छैखमा क्हिजी यो स्योंम्,
झाइले ह्रोंसए क्योलो योजी ङ जोगेमिंम्।
8याहवेहजी ङए ल्हागिर लबै चाँजोमैं पूरा लमिंब्मुँ।
ओ याहवेह, ङिए फिर क्हिए म्हाँया खोंयोंन् बिलै तरिब्मुँ।
क्हिए योजी लबै केमैं आवामिंन्।
Actualmente seleccionado:
भजनमैं 138: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
