भजनमैं 137
137
ङ्योइ याहवेहए क्वे खैले प्रिंब?
1बेबिलोनर्बै स्योंमैंए रेर टिमा
सियोनलाइ मैंसि ङ्यो क्रोइ।
2चर्बै बैंस बिबै सिधुँमैंर
ङ्योइ ह्रोंसए बीणामैं च्योइ।
3तलेबिस्याँ ङ्योलाइ च्युबर बोब्मैंइ
चर ङ्योने क्वे प्रिंबर ल्हैदिइ,
धै “ङिए सैं तोंबै ल्हागिर सियोनए क्वेंमैं प्रिंन्!” बिसि
ङ्योए फिर दुःख पिंब्मैंइ ङ्योने बिइ।
4आगुए ह्युलर
ङ्योइ याहवेहए क्वे खैले प्रिंब?
5ओ यरूशलेम, ङइ क्हिलाइ म्लेयाइ बिस्याँ
ङए क्योलो योइ ह्रोंसए सिपमैं म्लेयारिगे!
6ङइ क्हिलाइ आमैंस्याँ,
ङए ताँन् भन्दा सैं तोंबै सै यरूशलेम ग!
बिसि ङइ आबिस्याँ,
ङए ले तालुर ह्रेंयारिगे!
7ओ याहवेह, यरूशलेम नास तबै त्हिंइर
एदोमिमैंइ खैबै के लल मैंन्दि,
“चु फुवाद्, चुए तें समन् फुवाद्!” बिसि
चमैं चिरल।
8ओ बेबिलोनए च्हमि,#137:8 बेबिलोनए च्हमि बेबिलोनर टिबै म्हिमैं क्हि नास लवाब्मुँ।
ङिए फिर क्हिइ खै लल,
छाबन् खि किंबै म्हिइ आशिक योंब्मुँ।#दर्शन १८:६
9क्हिए च्युगुथिरि कोलोमैंलाइ क्हासि
युँमार प्योवाबै म्हिइ आशिक योंब्मुँ।
Actualmente seleccionado:
भजनमैं 137: GCMB
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
© 2020, Wycliffe Bible Translators, Inc. All rights reserved.
