Ba-Loma 13
13
1Boto l’oto afikake iy’an’aise lifoka linalileki: lifoka limoi lifana, umola nk’eneyali Yakomba; ko bamene lifoka bamilama ena lifoka la Yakomba. 2Lacin’eho, onofafike lifoka, afafike ekambwa ena Yakomba; koko iy’anahmedya, bangotamba eneyaliyoamene ekoiyelo ena likambo. 3Lacin’oka bato bana lifoka bafayali la losomo eneyal’iy’anakamba bikambwa bin’olotsi, ohonde eneyal’iy’anakamba bikambwa bin’owe. Olang’oka ofoke boto on’ise lifoka losomo? Kambaka baoyi ban’olotsi, ko ongokumyama l’ende, 4lacin’ende ayali bosali bona Yakomba eneyali lacin’en’olotsi. Ohonde nk’okamba baoyi ban’owe, okaka losomo; lacin’oka ende afasukita lokula lon’ita efana ncina; lacin’ende ayali bosali bona Yakomba, butoli bona nkele eneyali bokambi bon’owe. 5Lacin’ebo, akoli eneyalino lacina bofike bana lifoka mpika, efa lacin’ena nkele kei, ohonde lacin’ena mbongi en’otema nkoho. 6Nko la ncina ene ino bofuta mpuci, lacin’iyo bayali basali ban’osala bona Yakomba, ko bayasale bosal’oho bina Lina. 7Bofaka bato bahatu baho banakoli l’iyo; mpuci eneyali bamene mpuci; efutelo eneyali bamene efutelo; losomo eneyali bamene losomo; lokumo eneyaliy’anakoli la lokumo.
8Hotayalake l’osilo bon’oto, yengoko bone, noka, bokana nganji; lacin’oka ende onokamela bakin’ato nganji amomonya basangya. 9Lacina basangya baila, Mbo tatatake likele, Tayakake boto, Tiyake, Tokake mposa inileki, ko yombo likina lisangya liyali, baho bahatu baambana ena yoi line, Okamela boto onoli l’e nganji yoka bosamb’onayook’e eamene nganji. 10Nganji ena ndanga efilela boto onolil’ende bowe; lacin’eho, nganji eyali nk’ekokedyo ena basangya.
11Koko bilaka yok’one, lacin’oka ina beya esike, bey’oka esike emokolana lacin’ino betwa en’ilo; enek’is’oimedyaka ena limatsako, liiko loniso loleki yolama mbolimboli isanga. 12Boco boolama lisila, bina booluma likya; lacin’ebo, tumolake bikambwa bin’ilima, ko tohatele bimunyi bin’ita bina fololo. 13Tokendake l’okotua bona bongompolu, yoka l’ane; efa la loyenge ko la ndangwa l’aana, efa la baoyi bana lisamba ko la niposa inifasukame, efa la lisa ko l’ekuku. 14Ohonde bolotaka Nkolo Yesu Masiya, ko botakanelake yonge lacin’eho bile mposa ena liho.
Actualmente seleccionado:
Ba-Loma 13: BBY62
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Bokanda Bona Yakomba Bon’ototo © Alliance Biblique de la R. D. Congo, 1962
