Ba-Loma 11
11
1Lacin’eho, lufola, emite, Yakomba amokila nde bato’anande? Efana! Lacin’emi nkoho njali ona Yisalaele, on’ecimo ena Abalayama, on’oloi bona Benyamina. 2Yakomba atakila bato’anande banaki’nd’oeyak’oso. Iya, ino bofeya nde yoi linaliki etengelo ena Yakomba oilaka lacin’ena Eliya? bokotua bonoki’nd’oondaka Yakomba ena likambo lina Ba-Yisalaele, ate, 3Yawe, bamoyaka basumoli’ane, ko bamokoiya mesa ine ina mbeka; ko emi nciki nk’emi kei, ko basokolanga lacina banjake nkoho. 4Koko nkuto eneki Yakomba okutwelaka eka nai? emamene nciki la mpame nkoto nsambo banatuna liongo eneyali Bala 5Yok’oho en’esik’ene, etenyi eciki eneyali yoka bosamb’onoyali esonelo en’isei. 6Ohonde yombo esonelo eyali l’isei, efayali lakina ena bikambwa bina nkamba; yomb’efa yok’obo, tumbe isei ifayali lakina isei 7A koko nai? Yoi linaliki Ba-Yisalaele okembaka bataata liho; ohonde banasonamaki baataki, ko bakina bacilingitanaki bocilingitano en’etema; 8yok’onoki yoi otengamaka, ate, Yakomba afak’iyo bolimo bona bais’ilo, baiso banafana njena ko la batoi banafana njoka, nko le bon’in’one. 9Koko Dawidi aila, ate,
Mesa eniyo eyalamake lisili ko l’ilonga,
Ko Lekumbelo, ko la mbutodya ena nkele eneyal’iyo.
10Baiso’aniyo bayalamake tukulu, batenake;
Ko bekunju beniyo besunamake bina Lina.
11Lacin’ebo, lila, emite, Bakumbaki lacin’eho bakwa nko locela? Efana! Ohonde liiko lomoya eneyali Befenda nko l’etemhwelo eniyo, lacin’eho aoky’iyo ekuku.
12Koko yombo etembwelo eniyo emoyalama yoka lituka eneyali benyanga behetu, ko ekwelo eniyo emo latela Befenda yoka lituka, iya esokwelo eniyo, efaleki nde yatela baho lituka?
13Koko latenda l’ino Befenda. Lacina eneyal’emamene ekima eneyali Befenda, lakumya lifoka lin’ekambelo enami, 14yombo nongokolana yok’iy’anayali en’ecimo enami ekuku, lacin’eho mbikya bamoi’aniyo. 15Lacina yombo bosekya bonok’iy’osekamaka boyali eambanyedyo en’enyanga behetu en’efili, etambelo eneng’iy’otambama linga efayalamaki nde liiko enek’anawaki? 16Ko yombo etate en’oso ena bomakaeyali boeka, bomaka bobotu boyali boeka nkoho’ko yombo beluo beyali boeka, bitange biyali boeka nkoho. 17Koko yombo bitange bimoi bikeswaki, ko e etange en’olaya bona ngonda oilamaki ena ntoto ena biho nko njongana, ko oyemba e l’iyo ena beluo ko l’en’auta ban’ote bon’olaya; 18tayofefak’ea mene eneyali bitange; kang’oyofef’eamene, e ofasuke boluo, boluo kongokosuk’e. 19Nkwaho ongila, ate, Bitange bimoi bikeswaki lacin’eho emi njilame meho nko njongana. 20Nk’oko; biho bikeswaki lacin’ena boinda boniyo bon’imeedyo, ko e oemali l’imeedyo ine. Tayofefak’eamene la njengodya: ekoli lacina ooke losomo. 21Yombo Yakomba atikya bitange mene bin’ote, afakiikyak’e. 22Lenda isei ko la nkele ena Yakomba; eneyal’iy’anakwaki, nkele; ohonde eneyale, isei ina Yakomba, yombo ongoyala en’isei inande nko njalama; koko nk’ofayale yok’oho, e nkoho ongokeswa. 23Koko iyo nk’osamb’oho, yombo bafacindelane ena boinda boniyo bon’imeedyo, bangilama nko njongana, lacina Yakomba sinya oyaila lakina njongana. 24Yomb’e okeswaki ena bote bon’olaya bona ngonda, ko oilamaki njongana en’ote bon’olaya bon’olotsi l’okotua bonoteyan’oso: bane banayali bitange mene bafaleki nde yonganyama en’ote bon’olaya boniyoamene?
25Koko bifili, emi mpalange lacina bomboyala yoka bofeya yoi line lina bofisafisa (lacina botongoyotang’moamene bomwu ena nkanyi inino), ko yoi liho liha line; bocilingitano bomoi bomokwela Ba-Yisalaele, yengoko ekokedyo en’esike ena Befenda eoyela; 26ko yok’oho Ba-Yisalaele bahatu bangika, yoka bosamb’onoki yoi otengamaka:
Botungoli angoya ena Siona;
Ende angumola baoyi banafana ekumedyo ena Yakomba eneyali Yakobo;
27Line nko lisangya linami linalingi’m’oteel’iyo,
Enengi’m’oumola baoyi’owe’aniyo.
28Ena likambo lin’osimo bon’olotsi, iyo bayali baokyi’owe lacin’enino; koko ena likambo lin’esonelo, bamolangama lacin’ena bafango. 29Lacina Yakomba afayokanya lacin’ena nganji ko la eelelo enande. 30Yoka bosamb’onotimedy’ino Yakomba en’esike eneki’oso, koko isanga isei imokana eneyal’ino lacin’ena lopoko loniyo, 31nk’osamb’oho bane bafimedya isanga, lacin’eho isei lokane eneyal’iyo lacin’en’isei ineyokana eneyal’ino. 32Lacina Yakomba amokomba bato babatu en’okasa bona lopoko, lacina aokamele bato bahatu isei. 33O lingunda lina bomwu ko la njeya ena Yakomba! bikeselo binande bin’akambo bifeyana, ko mboka inande ifanonganyama! 34Oneyaki lokanyi lona Nkolo o ka nai? ko onoyaaki boangi’onande bona biango oka nai? 35Onofak’ende en’oso lacin’eho aate boluko eneyalinde lakina oka nai? 36Lacin’oka bikambwa bihitubiyali l’ende, ko biyali lacin’enande, ko biyali nk’eneyal’ende. Lokumo eneyal’ende bisike bihitu. Ndoho.
Actualmente seleccionado:
Ba-Loma 11: BBY62
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Bokanda Bona Yakomba Bon’ototo © Alliance Biblique de la R. D. Congo, 1962
