Ba-Loma 10
10
1Bifili, mposa enok’emi en’otema, ko boondo bonond’emi Yakomba lacin’eniyo Ba-Yisalaele boyali lacin’eho baike. 2Lila lacin’eniyo solosolo baoka Yakomba mposa mene, ohonde mposa eho efayali l’okotua bona nnonganya. 3Lacin’oka enetey’iyo mbongi ena Yakomba, ko bafonaki lacin’eho bacidya mbongi eniyoamene, iyo batimedya lifika mbongi ena Yakomba. 4Lacina Masiya ayali nsimbo en’asangya eneyali boto l’oto onimedya lacin’eho ayele ena mbongi. 5Lacin’oka Mose aotenda lacin’ena mbongi eneyali en’asangya, ate, Boto onila baoyi’aho angika l’aho. 6Ohonde mbongi en’imeedyo eotenda yok’osamb’one, ate, Tilake en’otem’one, ate, Onongilela ena loola oka nai? (lacin’eho akitsa Masiya), 7la, Onongokita ena Abuso oka nai? (lacin’eho aucisa Masiya enek’anawaki). 8A koko, mbongi ebo eotenda bosamb’oya? Ate, Yoi yolama Le nko mbolimboli, liyali en’onyu’one l’en’otem’one; 9nko yoi lin’imeedyo linasekody’iso; o nko, yombo oimedya l’onyu’one Yesu ayali Nkolo, ko oimedya en’otem’one, ate, Yakomba kongetolak’ende en’ewedi, tumbe ongika; 10lacina boto aimedya kotema lacin’ena mbongi, ko aenyanya imeedyo inande l’onyua lacin’ena liiko. 11Lacina Bokanda bona Yakomba bila, ate, Boto koto onomimedya afokaki nsoi. 12Efan’ecikitanelo en’atenyi bana bise Yuda la bise Elene; Nkolo nk’emoko ayali Nkolo en’ato bahatu, ko ayafuedya iyatu lituka linande, iyatu banelel’ende en’oondo. 13Lacina, Boto l’oto onongelela lina lina Yawe en’oondo angika. 14Bangelel’ende en’oondo onotimedy’iyo yok’osamb’oya? Ko bangimedy’e nde onotok’iyo bosimo’onande yok’osamb’oya? Ko nk’efan’osumoli, tumb’iyo bangoka yok’osamb’oya? 15Koko yombo bafatomame, tumbe bangosumol’ato bosimo yok’osamb’oya? Bosamb’onoki yoi otengamaka, O bolotsi bon’akaka ban’ato banasekodya bosimo’on’olotsi, nk’osimo bon’aoyi ban’olotsi.
16Koko iyatu batalofamela bosimo bon’olotsi. Lacina Yesaya aila, ate, Yawe, onimedyaki bosimo’oniso oka nai? 17Yok’oho imeedyo latama la njoka, konjoka eoya la yoi lina Masiya. 18A koko emite, Iyo batoka nde? O, solosolo,
Lofoso loniyo losekolaki ena loko lohafotu,
Ko l’aoyi’aniyo ena nsimbo ina benyanga behetu.
19Koko lakina, Ba-Yisalaele bateya nde? En’oso Mose ailaki, ate,
Nongokooky’ino ekuku l’iy’anafayali bonyanga botutuma;
Nongokooky’ino nkele l’onyanga bonofana nnonganya.
20Koko Yesaya afan’ofolu enil’ende, ate,
Emi nsungyamaki l’iyo banatampona;
Njenyaki eneyal’iyo banatanjufola.
21Koko aila lacin’ena Ba-Yisalaele, ate, Bina tu nkaedyaki bato bana lopoko l’ana ntango bakas’anami.
Actualmente seleccionado:
Ba-Loma 10: BBY62
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Bokanda Bona Yakomba Bon’ototo © Alliance Biblique de la R. D. Congo, 1962
