Bikambwa Biniki Bikima 28
28
1Enek’is’oikaka, teyaki’oka ekolo eho eotangama Melita. 2Ko baise’onyang’oho baotokamel’iso isei mene; iyo baofetsa nkoi, ko baotosangel’isatu lacin’ena mbula ko la lifia. 3Koko eneki Paulo oambolaka eolo ena tonganganza, ko aila toho ena nkoi, njua eofola lacin’ena nkoi, ko eundamela likasa linande. 4Ko eneki baise’onyang’oho oenaka njua en’olema elenzi ena likasa linande, baotendana, Mbo solosolo boto’one ayali boyaki bon’ato; kang’amolika ena lose l’okwa, Ende onotend’akambo bahatu atimedy’oka aike tutu. 5Ohonde aotitola njua ena nkoi, ko atok’efafo tu. 6Ko iyo baolengedy’oka yonge linande lingofimba, yombo angokwa kaimo en’ewedi. Koko enek’iy’okindaka bolengeli, ko batena yoi limoko lineyokwela, baohalingola lokanyi, Mbo ende ayali yakomba emoi.
7Bepaka bena loko bena lifoka lin’ekolo eho, lina linande lika Pubelio, beyaaki mbolimboli l’edye eho; ko ende aotosangel’iso bolotsi mene, ko aotokambya la toma bekolo besaso. 8Ko bafango’ona Pubelio aowa nkangi bike en’efefe l’ena pulupulu; ko Paulo aotua eneyal’ende, ko aonda, ko aotadya bakasa eneyal’ende, ko amiikya. 9Koko eneki yoi line okambamaka, ban’amoi banayaaki la nkangi en’ekolo eho baoya nkoho, ko baika nk’osamb’oho. 10Ko baotokumya la baoyi bike; ko enek’is’osemwaka en’esike ena mbusa, baotokambya la toma tonatok’is’oindaka.
11Eneki nsenza isaso osilaka, toyookela en’asua bana Alesandulia banacikalaki en’ekolo eho en’esike ena lifia; limelo lina basua baho nko Baasa bana Mpame. 12Koko tosema ena Salakusa, ko toyalama meho bekol’esaso. 13Njuma meho tocoa la mboka yok’ena likoto, ko tosema ena Legio. Koko eneki bin’omoko oetaka, ifofongo ina Sud yoya, ko en’ina bon’ife tosema ena Puteoli. 14Meho tosungya bifili bimoi, ko iyo baotoonda lacina toyale l’iyo bekolo nsambo. Ko yok’oho toyela Loma. 15Koko bifili biniyaaki meho, enek’iy’otookaka, baoya oyotokol’iso nk’en’edye ena Limbongo lina Apio l’ena Betumba ben’efenda Besaso. Ko eneki Paulo oaenaka, aokanga Yakomba lokango, ko aokiky’otema.
16Ko enek’is’ofolaka Loma, capitaine aolekya basungu eneyali capitaine ena batombanyi, koko baofa Paulo etelo okisase ende kei la soldat onomotombanya.
17Ko eneki bekol’esaso osilaka, Paulo aelela bato bana bingambe bina Ba-Yuda; ko enek’iy’osolonganaka, amasumola, ate, Bifili, emi ntilela bato’aniso yoi limoko lin’owe, ko ntasondola beeka bena bafango’aniso; ohonde molekyama en’onyolo ena Yelusalema en’akasa ban’ato bana Ba-Loma. 18Ko iyo enek’iy’onsisolaka, basokolcinga lacina bantungole, eneten’iyo yoi linalikoli l’ewedi eneyal’emi. 19Koko enetimedya Ba-Yuda yok’osamb’oho, emi ntaata emoi mboka, umola nko ntole likambo eneyali Kaisala mene, nde efa lacina njofe bato ban’onyang’onamamene likambo. 20La ncin’ene lokeelelak’ino lacin’eho nkeena ko ntende l’ino, lacin’oka emi ntungi l’onyolo’one nko lacin’ena lolendedyo lona Yisalaele. 21Iyo bamosumola, Mbo iso totatamba bekanda ena Yudea lacin’ene, ko bifili biniyaki eneyal’iso batatosumola, ko batokotang’e l’aoyi’owe; 22koko tolang’oka tokolofe enatosumol’e baoyi banakanel’e; lacin’iso tey’oka boloi’one boyatangame lotango en’ili behetu.
23Ko enek’iyo l’ende osonaka bina botutuma, bato bike mene baoya eneyal’ende en’otumba bonoki’nd’okisak’ase; ko matsa l’okulu te yengoko likolo amafoladya baoyi, amalokwela bokotua bona Lifoka lina Yakomba, ko amakengola lacin’ena Yesu, nko l’aoyi ban’asangya bana Mose la baoyi ban’asumoli. 24Bamoi baimedya baoyi banaki’nd’oasumolaka, koko bamoi batimedya tu. 25Ko enek’iy’oatanaka ntango en’atenyi’aniyoamene, baocoa, kuma Paulo aotenda yoi lomoko lina ncindedya, ate, Bolimo bon’olotsi atendaki bolotsi l’onyua bona Yesaya, bosumoli, eneyali bafango’aniso,
26eneki’nd’oilaka, ate,
Coaka eneyali bato’ane, oasumole, ate,
Bongoka nko njoka, ko bofanonganyaki tu;
Bongena nko njena, ko bofafokolaki tu;
27Lacina botema bon’ato’ane bomokama l’ocilingitano,
Ko batoi’aniyo bamoyala nde booko,
Ko bamolifa baiso’aniyo,
Batongoyena l’aiso’aniyo,
Ko batongoyoka l’atoi’aniyo,
Ko batongononganya l’etem’eniyo,
Batongohelengwa
Lacin’eho njaikya.
28Lacin’eho, boongya linongany’oka eikedyo ene ena Yakomba emotomama eneyali Befenda: iyo bangoka yok’osamb’oho. 29(Ko eneki’nd’otendaka baoyi’ane, Ba-Yuda baocoa, kuma bayatane ntango bike en’atenyi’aniyoamene.)
30Ko Paulo aokisase mbula ife kali en’otumb’onande bonoki’nd’osombaka, ko aosangela bato bahatu banatua eneyal’ende, 31aolaka lilako lina lifoka lina Yakomba, ko aolaka baoyi bana Nkolo Yesu Masiya la nkaso eneleki, ko etaat’oto onomofekya.
Actualmente seleccionado:
Bikambwa Biniki Bikima 28: BBY62
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Bokanda Bona Yakomba Bon’ototo © Alliance Biblique de la R. D. Congo, 1962
