1 TIMOTE 2
2
Haɗta kay cenda
1A jew gigiŋga ni an hal voɗta a joɓ Lona u cenda, goɓ gaa fok Lona u gi deɓpa kay suuna halaŋ. 2Cen kay muli suu ŋgolona u suu ka hu ŋgolla na bel bel, kay aygi mba lak u jivira u heɓpa, ay mba lak taɓi fok Lona hu poyra jivira fokomu. 3Gola ni dlara jivira ii Lona ma suɗuygina. 4Nam min ana suuna halaŋ mba fi suɗta, wi gasira lay. 5Kay Lona ni dew, sa ma taɓ duk suuna u namma ni dew may, sa namma ni Yesu Kristu. 6Nam sa ma ɦal tam ki kay warakŋa a buɗ suuna ki halaŋŋa, ni dlara di ki kay li ma nam ŋgaamma ana nam min suuna bel bel mba fi suɗta. 7Ni kay ndaɗta nam van ki a sa di boyna a sa vovoɗta, kay a haɗ suu ka njaf suu Juifnaɗina kay vira u gasira, an ka kaboyɗi, di ni gasira.
8An min ana hu lina halaŋŋi suuna cen Lona yow kosi kolo kay a cen hu buu ma jivina bay yara u ŋgussa honira hurusiya.
9An min ana boyogina cukŋi baraw ma bay ŋga tara, asi mba li ni u ɗigilla hoŋ yasi kaŋgaa, asi mba li va ma tin kasi ko jumba na ma gus loɓmaɗi, ugi walakka humba u herewna u baraw ma gus loɓmaɗi. 10Li sunda jivira ko boyogi suu li sunda ii Lona jivina na. 11Boyogina hum haɗta u kakka enda, u hoŋga hoŋ yamba kaŋga gasira. 12An ka min ana cara haɗ ɗowba kak a ŋgolla kay sa njufnaɗi, ndaɗ kak na en. 13Kay Adam ay mini jew ni namu, Eve ni dagani. 14Adam viɗ tam ka ki ni nambi, cara viɗ taɗ ki hum ka u gaɗta vi Lonaraɗi ni ndaɗu. 15Cara hin fi suɗta ni u vuɗta vuɗ gorra lini ndaɗ kak hu vira u minda u teteɗta, hoŋ yamba kaŋga lay.
Actualmente seleccionado:
1 TIMOTE 2: BMS
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
Bible Moussey © Bible Society of Chad, 2002.
