Matie Kusinti
Kusinti
Ide nla gɔ ŋa iyi Maaku í kɔ si laabaau jiidaɛu, gɔgɔ ŋa à wa si tiai Matieu ihɛ̃. Amma Matie í fɔ yaasei nyaanzei Jesu ŋa wa hai jĩijĩ do yaase bɛi Jesu í jɛò ama hai iri 1 ku bɔ si iri 2. Si bɛi wa fɔ inɛ iyi Jesu í jɛ. Í ni Jesui í jɛ ilaalu woo faaba iyi à ce kuwãɛu, nɔ nŋui à ya kpe Emanuɛli má, waatɔ Ilaaɔ̃ í wɛɛ do awa. Nŋui á kɔ̃ mii iyi Ilaaɔ̃ í fɔ ideɛ si Akabuu Nwou fei.
Si laabaau jiidai Matie, à yɛ Jesui bɛi mɛɛtu iyi í naa ku sinti andunya titɔ̃i bommau nɔ ku kɔa inɛ ŋa iyi aa lɔ si bommau cio iyi à nɛ bukaataɛ a jɛò woo jɛ sɛɛdai ideu bi inɛ mmu ŋa.
Yaasei tiau wee.
1. Iri 3:1-12. Waazoi Zãa woo dasi inyiu.
2. Iri 3:13-4:11. Inyi ku dasii Jesu do bɛi Seetam í lɛlɛɛ.
3. Iri 4:12-18:35. Icɛi Jesu si ilɛi Galilee. Tengi bɛ í ce waazo, í kɔ zamaa ŋa si cio nɔ í faaba bɔ̃ɔ ŋa.
4. Iri 19-20. Isɛɛnɛ iyi í ce í bɔ Zeruzalɛmu.
5. Iri 21-28. Tengi bɛ Jesu kù kpɛ. Í ce azuma akã bɛ. Si anyii azuma akãu bɛ à yɛ taalei Jesu à kpaa, nɔ í jĩ hai si balɛ í nyisi inɛ ŋa araɛ. Nŋu bɛi í mu inɛ ŋa biti.
Laabaau jiidai Matie í tɔtɔɔ ikɔi Jesu ŋa si ide nla miiu. Aŋa wee.
1. Waazoi Jesu si iri kutau wa fɔ idei dee dee ku jɛi inɛ ŋa iyi à jɛ inɛi bommai Ilaaɔ̃ ŋau (iri 5-7).
2. Ikɔ ŋa iyi í jɔ̀a inɛ ŋa iyi à nɛ a sisi kunaai bommau (iri 10).
3. Asiii bommai Ilaaɔ̃ iyi í fɔ ideɛ si mɔnda mɛɛje. Bommau wa manjii titã, amma ajɔ gɔ á naa do gbugbã nɔ inɛ fei á yɛ amboeɛ (iri 13).
4. Bɛirei woo dasi naanɛ ŋa iyi à lɔ si bommau à nɛ a jɛ kuwɛɛ aŋa duusɔ̃ɔ si andunya nwau ihɛ̃ (iri 18).
5. Bɛirei aa maa degbeò ajɔ iyi bommau á naa do gbugbã (iri 24-25).
Actualmente seleccionado:
Matie Kusinti: MKL
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
2021, SIM International et UEEB