Versículos más leídos de la Biblia Isai 61

Compartir

Muzu’â hi Salad’a Ma didinina mi nga kaka kanu, kayam Ma didina mi von mbulâ kan mi tinin iran van ná tchi wal zla d’a djivid’a mi suma hohoud’a. Mi sunun ná b’leng hur suma huruzi mi b’la’â, á tchi wala mi suma a yozi magombina á tchuguzi akulo, á tchi wala mi suma a nga kur dangeinina á tchuguzi akulo mi, á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina, á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

A mba hulong min yima b’lak kei adjeuna akulo, a mba hulong tchol gongîyo suma to woi adjeu dedeina akulo, a mba min azì ma nglo ma b’lak kei kur atchogoi d’a dedeid’ina akulo mi.

Salad’a Ma didina mba mi deî suta ki giled’a avok andjaf suma pet d’igi andagad’a nga d’i deî ahlena na, d’igi asinena nga mi deî awu ma a nga zaramzi huruma na mi.

Wani a mba yagi ala Suma ngat buzuna hi Ma didinina, a mba yagi ala Azungeîna hAlo meinina. Agi mba tagi ndjondjoîd’a handjaf sumid’a, agi mba hlagi subur mazid’a.

Kayam an Ma didina ni min ni sariya d’a ka d’a d’ingêra, wani an noî hurumba ki sun nda tchod’a woyo. Gagazi, an mba ni wuragazi ngad’a yam sun mazi d’a azi lata, an mba ni djin vunan ki sed’ezi djin nda didinda.