Versículos más leídos de la Biblia Suão 5

Compartir

— Amy sa motsasoko wasani my. Aty kaharere bo hyỹ mykara zeka meky watu mozik. Tawahi ispituzo Deus tuk mynapykyryk. Atahi zikpehakata humo tispirikporẽta. Iwatahi tawahi ispitu mynapykyryk. Deus batu tyso ipe. “O ikia batu amysapy. Sinini ykarawy bo tsimy” my. Iwa batu tyso, batu sinini ykarawy bo ba zipeha.

Sesus ibo iktsa niy. Tubabatu ziknahoekek ana humo hi tsihyrinymyrẽta. Iwaze ibo iktsa niyze ipe niy: — Ikia skaraba hawa tsimy tsimyzororo tsihikik sa — niy.

— Deus harere botu ziwatahanaha anaty hi tsipinymyrykynaha. Ana humo ja Deus tuk mywahi tsinapykyryknaha ba zikaha. Deus kasoho motsasoko. Tsinahyrizikponahaze Deus tuk ahawahi tsimynapykyryknaha. Kahumo ahaspirikporẽtsa. Iwa Deus papeu humo nitsasoko. Ikiahatsa kino kahumo batu ahaspirikpo iwatsahi tsinahyrizikponahaze Deus tuk ba ahawahi tsipahasapynaha. Ikiahatsa kaharere bo batu yhỹ tsimaha.

Iwaze Sesus ipe niy: — O kyiktykta! Awanu ty kokpuhyktykta. Tsiksikta — niy. Atsoko itarikto. Tawanu ty kokpuhyryk niy. Niparak niy. Tsakurẽta nikara hỹ. Nawazuruze Sudeutsa byrywy zumuze hỹ nikara.

Iwaze Sesus taparaktsa pe nitsasokozo: — Hawa motsasoko wasi my. Deus tse babata my. Atazuba batu. Atazuba batu mykara. Hawa Deus mykara naha ty zuba mykara. Hawa Deus motsasoko naha atsatu motsaso. Kazo tsizubarẽna mykara atsatu mykara pisopykzuku — niy.