Versículos más leídos de la Biblia Evesos 5

Compartir

I̱yo̱ko̱ zin zo̱ze̱ ci e̱e̱ggi̱nnu̱ niga dooli cik Ta̱mu̱ta̱dde̱no̱ irezung enne ko̱, abunna zin ming i̱ye̱zu̱ nonno kaale cik abunna ogon enne. Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Egenyyit zin oroot! Ma abakku ki i̱yo̱ko̱ ol wak tarbalik ko̱, abarik abait baiz ci ol wak egenyi. Ming amudannu gool ci ogonnu kaal cik abunna, u̱tu̱gu̱z e̱co̱de̱ niko, eci i̱i̱nya̱ ne̱ko̱ izeto gerze.

Ma egerzannu e̱le̱tti̱ mertene, eci zoz necu okkoyyung go̱o̱le̱ ci gerze. Abarik aanycik Vongiz ci Ta̱mu̱ta̱dde̱no̱ ka̱vvu̱ zi̱nze̱tti̱nne̱ cuggo̱k. Ming urumteu niga nga̱to̱de̱, e̱be̱nni̱t be̱ni̱nno̱k wak e̱he̱rye̱ warage ci Caliwono ki be̱ni̱nno̱k cik olli Manyi inatu nonno zi̱nze̱tti̱nne̱ cuggo̱k. Aanycik Ta̱mu̱ta̱dde̱n Be̱e̱ti̱nna̱ zany kaale do̱o̱k odohize zare cik Manyitinna Ye̱su̱ Ki̱ri̱sto̱.

Ma e̱e̱ggi̱nnu̱ tarbale, abarik a̱gga̱c kaal cik orong Manyi i̱ge̱t u̱tu̱gu̱z baize cunno̱ng.

Abunna e̱e̱ti̱ ci maci ming irez ngaa cinne ki i̱yo̱ko̱ ming irez Ki̱ri̱sto̱ ol wak a̱tu̱we̱ kar kanyik ele cinne kize wawac zo̱ze̱ cinne̱ng.

Abakku gon ba̱li̱ye̱ niga mu̱hu̱ra̱, imma i̱yo̱ko̱ izetu ol cik abakku vooritena, eci i̱yo̱ko̱ izetu olli Manyi. Abait ki ol wak abak vooritena.

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Ngaai, iziyyet macwa cuggo̱k ki i̱yo̱ko̱ ming aziknnu niga Manyi Ki̱ri̱sto̱ ko̱.

I̱yo̱ko̱ zin, i̱ya̱bzo̱ni̱ku̱ng abarik zoz necu i̱ge̱t e̱le̱tti̱, abunna e̱e̱ti̱ ming irez ngaa cinne ki i̱yo̱ko̱ ming irez enne ele cinne ko̱. Abunna bo̱do̱k ngaa ming aziye zoz ci e̱e̱t cinne ju̱rru̱m.

Ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱ ko̱: “Eci zo̱ze̱ necu, ungnek atin e̱e̱ti̱ ci maci baatinne ki yaatinne lo̱o̱c kar koot kurumet baiz ki ngaa cinne, kar ol ne̱k e̱e̱ggi̱n ram ko̱ kizeto ele co̱de̱.”

E̱de̱yya̱ e̱le̱tti̱ kaale cik gerzek ogon ol wak abak mu̱hu̱ra̱, abarik i̱ye̱lta̱ kaal cik gerzek ko̱ vooriten ci Ta̱mu̱ta̱dde̱no̱.