Versículos más leídos de la Biblia Evesos 6

Compartir

Eci iróng naga kooro ki mo̱ddo̱ cik anyak e̱le̱tti̱ ki i̱yo̱ko̱ cik kanyak naga ko̱. Abarik kooro ki to̱ni̱a̱k cik lo̱rye̱nta̱k ki vongizzok waginnek gerzek abak zara. Abal nege lo̱o̱c necu, anyak doiz vatanine cigge̱k, abal nege lo̱o̱cco̱k ne̱ko̱ do̱o̱k ku̱ru̱m nginti engerone ta̱mu̱-keng ki lo̱o̱c.

Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

A̱gga̱mi̱t i̱be̱n cik Ta̱mu̱ta̱dde̱no̱ kar akatek zo̱o̱ lo̱o̱c kokkomit kak, oorto ki lo̱rye̱ni̱t wa een rumuzoit ci iróng niga a̱mi̱re̱nnu̱ ki vu̱rru̱t.

I̱yo̱ko̱ zin, a̱gga̱mi̱t i̱be̱n cik Ta̱mu̱ta̱dde̱no̱ kar inimet illa ci lo̱rye̱nto̱ ming i̱ki̱ya̱ i̱i̱te̱ni̱ neci. Akatek zo̱o̱ lo̱o̱c, i̱li̱ngli̱nge̱t kaal cik a̱a̱nyu̱ng Ta̱mu̱ta̱dde̱n do̱o̱k, kar ommogit lo̱rye̱ni̱t.

Aanycik tu̱we̱ne̱t cunno̱ng ku̱tu̱gu̱ ki i̱li̱b kar atin eeltai e̱le̱tti̱ ilanyai cik lo̱rye̱nta̱k meelek giir. A̱gga̱mi̱t ti̱ri̱ze̱ne̱t ci bali a̱ti̱ri̱zu̱ng Ta̱mu̱ta̱dde̱n ko̱ ju̱rru̱m, aanycik ti̱ri̱ze̱ne̱t neci ku̱tu̱gu̱ ki luluk ci ilau, imma illanya cuggo̱k oroonu ki lo̱rye̱ni̱t ko̱, aanycik kize zoz ci Ta̱mu̱ta̱dde̱no̱, kaviyak cik a̱vvu̱ Vongiza.

Ibilet ju̱rru̱m, aanycik zoz ci Ta̱mu̱ta̱dde̱no̱ wa een de̱de̱ kize nyakadingo ci ecebju ke̱ngti̱. Aanycik baiz wanno̱ng abunna kize i̱li̱b cunno̱ng baiza. Uwait kaviyak cik abunna Ta̱mu̱ta̱dde̱no̱ anyaha gano, aanycik ku̱tu̱gu̱zzo̱ ki caava cik aimnyu niga zoone.

I̱yo̱ko̱ zin okkomit kak rumente ci arumenu niga ki Manyi doize wa a̱a̱nyu̱ng enne i̱ge̱ta̱.

Een necu ti̱lo̱wi̱ne̱t wa een oo ki zoz ci u̱du̱ya̱i̱, icu: “To̱ngo̱o̱lle̱ yaatunne ki baatunne, kar i̱nna̱ bak baiz ci abunna lo̱o̱ta̱ ngatu.”

Niga dooli, o̱to̱ngo̱o̱ltte̱ be̱e̱ti̱ggo̱k ki e̱e̱ti̱ggo̱k zo̱ze̱ ci Manyi Ye̱su̱, eci ming ogonnu niko, abunna oroot.