Versículos más leídos de la Biblia Evesos 4

Compartir

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Utungtek zoz ci avarace e̱e̱ti̱ kutubur nong oroot ko̱ lo̱o̱c. Utungtek gernyi ki burnenet nong ki dominet lo̱o̱c.

“Imma ming ette aburnnu nong zo̱ze̱ emani, ma anyikku burnenet nong kuwuyung mu̱nye̱ne̱.” Ma ovvoyyu ungnyahe ming ngen aburnnu nong, eci burnenet nong aanyik lo̱rye̱ni̱t gool ci a̱li̱ngli̱nge̱ baize cunne.

Edemezung de̱me̱zzo̱wa̱ ba̱li̱ye̱ zoz cu, ibilizet baiz bali reeni ke̱ eci baizi bali reeni amin zi̱nze̱tti̱ ciggo̱k ke̱ ecebannung o̱o̱tti̱ kar kegerzan baiz cunno̱ng. Anyik Vongiz kutuhu gool ci i̱no̱nnu̱ niga kaal cik abunna, kar ka̱a̱nyu̱ng izet ol cik een jor. A̱ri̱ta̱nnu̱ng Ta̱mu̱ta̱dde̱n kar anyait bunnat ki baiz ci a̱li̱le̱ ming ogonnu ki enne zo̱ze̱ ci een de̱de̱.

U̱tu̱gu̱z kaal do̱o̱k ju̱rru̱m kar Vongizi ci Ta̱mu̱ta̱dde̱no̱ ka̱a̱nyu̱ng zi̱nze̱tti̱ cik abakku nga̱to̱de̱. U̱tu̱gu̱z zoz necu ngati abakku labak.

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k, kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek. Okko zoz necu zee ka̱vvu̱t naga kizet ol co̱de̱ tu̱we̱nte̱ ci ka̱tu̱we̱ Ta̱mu̱ta̱dde̱n ki gga̱wa̱ne̱t ci ka̱gga̱we̱ naga Ngerrti Ta̱mu̱ta̱dde̱no̱. Kar atin naga kegenyit ki i̱yo̱ko̱ Ki̱ri̱sto̱ ko̱, kogon zin atin naga ki enne.

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti. Abarik gon ming kozoz zoz ci een de̱de̱ rezinta, aanyet ku̱du̱kta̱ zoz ci een de̱de̱. Kar zin naga kitilizet ju̱rru̱m ki i̱yo̱ko̱ Ki̱ri̱sto̱ ko̱, ming een oo