Versículos más leídos de la Biblia မတ်ႈ 6

Compartir

ႁႃ​မိူင်းၽြႃးပဵၼ်ၸဝ်ႈ​တင်း​တြႃး​တၢင်း​ဢၼ်​သိုဝ်ႈတေႃႇ​ဢွၼ်တၢင်း​တႃႉ။ လိုၼ်း​ၼၼ်ႉ​ၸင်ႇ​မၼ်းၸဝ်ႈ​တၵ်း​ပၼ်​လွင်ႈတၢင်း​ၸိူဝ်း​ၼၼ်ႉ​ၵႃႈမီး​တင်းသဵင်ႈတင်းလူင်​ထႅင်ႈ​ဢေႃႈ။

ပိူဝ်ႈ​ၼႆ​လႄႈ​ယႃႇပေ​မႆႈၸႂ်​ပုၼ်ႈ​ဝၼ်း​မိူဝ်ႈၽုၵ်ႈ။ ဝၼ်း​မိူဝ်ႈၽုၵ်ႈ​ၼၼ်ႉ​တၵ်း​မႆႈၸႂ်​ပုၼ်ႈ​တူဝ်ၸဝ်ႈၵဝ်ႇ​ဢေႃႈ။ ႁႂ်ႈ​တုၵ်ႉၶႃႉ​ၶၢၼ်ၸႂ်​ပေႃးၵုမ်ႇ​ပုၼ်ႈ​ဝၼ်း​လႂ်​ဝၼ်း​ၼၼ်ႉ​တႃႉ။

“ၵွပ်ႈၼႆ​လႄႈ၊ၵဝ်​လၢတ်ႈ​တီႈ​သူ​ၸမ်ႉ၊တၵ်း​လႆႈ​ၵိၼ်​ဢီႈသင်​ပုၼ်ႈ​ဢသၢၵ်ႈ၊တၵ်း​လႆႈ​ၼုင်ႈ​ၶူဝ်း​ဢီႈသင်​ပုၼ်ႈ​တူဝ်ၵႃႇယႃႉ​ဝႃႈၼႆ​ယႃႇပေ​မႆႈၸႂ်။ ဢသၢၵ်ႈ​မျၢတ်ႈ​သေ​တၢင်းၵိၼ်​လႄႈ​တူဝ်ၵႃႇယႃႉ​ၵေႃႈ​မျၢတ်ႈ​သေ​ၶူဝ်းၼုင်ႈ​ဢေႃႈ။

သူ​ၸမ်ႉ၊မိူဝ်ႈ​ဢၼ်​သူးတွင်း​ၸိုင်၊ၶဝ်ႈ​ၵႃႈၼႂ်း​လုၵ်း​တၢင်းၼႂ်း​လႄႈ​ဢုတ်း​ၽၵ်းတူ​သေယဝ်ႉ၊သူးတွင်း​ၵေႃႉလဵဝ်​တီႈ​ပေႃႈၸဝ်ႈ​သူ​ဢၼ်​မီး​ယူႇ​ၵႃႈတီႈ​ထႃႇၼႃႉ​ဢၼ်​သိုင်ႇ​ဢၼ်​လပ်ႉ​ၼၼ်ႉ​တႃႉ။ ပေႃႈၸဝ်ႈ​သူ​ဢၼ်​ႁၼ်​တၢင်း​ဢၼ်​လပ်ႉ​ဝႆႉ​ၼၼ်ႉ​တၵ်း​ပၼ်​ဢၵျူဝ်း​တီႈ​သူ​ဢေႃႈ။

ပိူဝ်ႈ​ၼႆ​လႄႈ​သူးတွင်း​ၸိူဝ်ႉ​ၼင်ႇ​ၼႆ​တႃႉ။ “‘ပေႃႈၸဝ်ႈ​ႁဝ်းၶႃႈ​ဢၼ်​မီး​ယူႇ​ၵႃႈၼိူဝ် မိူင်းၵၢင်ႁၢဝ်​ပုၼ်ႉ​တီႈၶႃႈ၊ ႁႂ်ႈ​ၼႃႇမႃႉ​ၸိုဝ်ႈသဵင်​ၸဝ်ႈႁဝ်း​မီး​တၢင်း​ဢၼ် ရူဝ်ႇသေႇ​ၵူဝ်ယမ်​သေၵမ်း​လူၺ်ႈ​တီႈၶႃႈ။ ႁႂ်ႈ​မိူင်း​ၸဝ်ႈႁဝ်း​တႄႇပဵၼ်​သေၵမ်း​လူၺ်ႈ​တီႈၶႃႈ၊ ၸိူဝ်ႉ​ၼင်ႇ​ဢလူဝ်ႇ​ၸဝ်ႈႁဝ်း​ပျေႉၸုမ်ႇ​ဝႆႉ​ၵႃႈၼိူဝ် မိူင်းၵၢင်ႁၢဝ်​ပုၼ်ႉ​ၼၼ်ႉ၊ ၵႃႈၼိူဝ်​လိၼ်မိူင်း​ၼႆႉ​ၵေႃႈ​ႁႂ်ႈ​ပျေႉၸုမ်ႇ သေၵမ်း​လူၺ်ႈ​တီႈၶႃႈ။

ၶႅၼ်းတေႃႈ​ပၼ်​တၢင်းၵိၼ်​ဢၼ်​ပေႃးၵုမ်ႇ လဵင်ႉၸႂ်​ဝၼ်း​ၼိုင်ႈ​ၼၼ်ႉ​တီႈ​ႁဝ်းၶႃႈ၊ ဝၼ်း​မိူဝ်ႈ​ၼႆႉ​သေၵမ်း​တီႈၶႃႈ။

ၸိူဝ်ႉ​ၼင်ႇ​ဢၼ်​ႁဝ်းၶႃႈ​ပွႆႇလွတ်ႈ​ဢပျတ်ႈ ဢၼ်​ပိူၼ်ႈ​တၢင်ႇၵေႃႉ​ၽိတ်းပိူင်ႈ ႁဝ်းၶႃႈ​ၼၼ်ႉ၊ ၶႅၼ်းတေႃႈ​ပွႆႇလွတ်ႈ​ဢပျတ်ႈ​ႁဝ်းၶႃႈ သေၵမ်း​တီႈၶႃႈ။

ယင်း​ဢမ်ႇ​ႁႂ်ႈလႆႈ​ၸွမ်း​ၵႂႃႇ​ၵႃႈတီႈ​ဢပျတ်ႈ တၢင်း​ဢၼ်​ၸူဝ်း​ၵႂႃႇ​ၸူဝ်း​ပႆ​ၼၼ်ႉ၊ ၶႅၼ်းတေႃႈ​ၵႄႇသႄႇ​ထွတ်ႇ​ထွၼ်​ဢဝ် သေ​ၵႃႈၼႂ်း၊ လွင်ႈတၢင်း​ဢၼ်​ဢမ်ႇလီ​ဢမ်ႇ​ငၢမ်း​ၼၼ်ႉ သေၵမ်း​တီႈၶႃႈ။ [ႁႂ်ႈ​ဢႃႇၼႃႇ​ၸၢၵ်ႈ​ၽုင်း​တၼ်းၶူဝ်း​လႄႈ မုၼ်သရေႇ​မီး​တီႈ ၸဝ်ႈ​ႁဝ်း​တႃႇသေႇ​ဢမ်ႇထၢတ်ႇ သေၵမ်း​လူၺ်ႈ။ ဢႃမိၼ်ႈ။’] ဝႃႈ​ၼင်ႇ​ၼႆ​သူးတွင်း​တႃႉ။

“ပိူဝ်ႈ​ၼႆ​လႄႈ၊ပေႃး​သူ​ပွႆႇလွတ်ႈ​ဢပျတ်ႈ​ဢၼ်​ပိူၼ်ႈ​တၢင်ႇၵေႃႉ​ၽိတ်းပိူင်ႈ​သူ​ၼၼ်ႉ​ၸိုင်၊ပေႃႈၸဝ်ႈ​သူ​ဢၼ်​မီး​ယူႇ​ၵႃႈၼိူဝ်​မိူင်းၵၢင်ႁၢဝ်​ပုၼ်ႉ​ၼၼ်ႉ​ၵေႃႈ၊တၵ်း​ပွႆႇလွတ်ႈ​ဢပျတ်ႈ​သူ​ဢေႃႈ။

တူၺ်း​ၼူၵ်ႉ​ဢၼ်​မိၼ်​ယူႇ​ၵႃႈၼိူဝ်​တွင်ႉၽႃႉ​ၼၼ်ႉ​လူး။ ၶဝ်​ဢမ်ႇ​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း၊ဢမ်ႇ​ၽုၵ်ႇ​ဢမ်ႇ​သွမ်ႈ၊ဢမ်ႇ​ပၢတ်ႇ​ဢမ်ႇ​ထိူဝ်၊ဢမ်ႇ​ၵဵပ်း​ဢမ်ႇ​သိမ်း​ဝႆႉ​ၼႂ်း​ယွင်​ၼႂ်း​ယေး။ ၼႂ်းဝႃႈၼၼ်​သေၵေႃႈ၊ပေႃႈၸဝ်ႈ​သူ​ဢၼ်​မီး​ယူႇ​ၵႃႈၼိူဝ်​မိူင်းၵၢင်ႁၢဝ်​ၼၼ်ႉ​လဵင်ႉလူ​ၶဝ်​ယူႇ​ဢေႃႈ။ သူ​မျၢတ်ႈ​သေ​ၼူၵ်ႉ​ၸိူဝ်း​ၼၼ်ႉ​ဢမ်ႇၸႂ်ႈ​ႁိုဝ်း။

“ယႃႇပေ​သိမ်းပႅင်း​ၽၼ်ႇတႃႇ​ဢုၵ်ႉၸႃႇ​ပုၼ်ႈ​တူဝ်ၸဝ်ႈၵဝ်ႇ​ၵႃႈတီႈ​မိူင်းၵူၼ်း၊ဢၼ်​ႁေႃ​တင်း​မႅင်း​ၸၢင်ႈ​ၵိၼ်၊ဢၼ်​ၽူႈလၵ်ႉ​ၸၢင်ႈ​မူင်ႇ​ယႃႉ​လႄႈ​လၵ်ႉ​ဢဝ်​လႆႈ​ၼၼ်ႉ။- သိမ်းပႅင်း​ၽၼ်ႇတႃႇ​ဢုၵ်ႉၸႃႇ​ၵႃႈၼိူဝ်​မိူင်းၵၢင်ႁၢဝ်​ၸဝ်ႈ​တီႈ​ဢၼ်​ႁေႃ​တင်း​မႅင်း​ဢမ်ႇ​ၸၢင်ႈ​ၵိၼ်၊ၽူႈလၵ်ႉ​ဢမ်ႇ​ၸၢင်ႈ​မူင်ႇ​ယႃႉ​လႄႈ​လၵ်ႉ​ဢဝ်​လႆႈ​ၼၼ်ႉ​တႃႉ။- လွင်ႈ​မၼ်း​ၸမ်ႉ၊ႁူဝ်ၸႂ်​သူ​ၸၢင်ႈ​ၸပ်းၸွႆး​တီႈ​ဢၼ်​ၽၼ်ႇတႃႇ​ဢုၵ်ႉၸႃႇ​သူ​မီး​ၼၼ်ႉ​ၵူၺ်း​ဢေႃႈ။

“ၽူႈလႂ်​သေၵေႃႉသေၵူၼ်း​ဢမ်ႇ​ၶၢမ်ႇ​ႁဵတ်း​ၶႃႈ​တီႈ​ၸဝ်ႈ​သွင်​ၵေႃႉ​လႆႈ။ မၼ်း​ၸၢင်ႈ​ၸင်း​ၸဝ်ႈ​ၵေႃႉ​ၼိုင်ႈ​လႄႈ​ႁၵ်ႉ​ၸဝ်ႈ​တၢင်ႇၵေႃႉ​ၼၼ်ႉ​ဢေႃႈ။ တၵ်း​ပႂ်ႉ​သဵတ်ႈၸႃႇ​ၸဝ်ႈ​ၵေႃႉ​ၼိုင်ႈ​လႄႈ​ႁဵတ်း​ဢမ်ႇ​ၼပ်ႉ​ဢမ်ႇ​ၶၢၼ်း​တီႈ​ၸဝ်ႈ​တၢင်ႇၵေႃႉ​ၼၼ်ႉ​ဢေႃႈ။ မိူၼ်ၼင်ႇ​ၼၼ်​ၼႂ်း​ၶိင်ႇ​လဵဝ်​ၵၼ်​သူ​ဢမ်ႇ​ၸၢင်ႈ​ႁဵတ်း​ၵူၼ်း​ၸႂ်ႉ​ၽြႃးပဵၼ်ၸဝ်ႈ၊ဢိၵ်ႇတင်း​ၵူၼ်း​ၸႂ်ႉ​ၸေးၸိမ်ႇ​လေႃးၵႃႉ​ၼႆႉ​လႆႈ။

ဢူဝ်း၊ၵူၼ်း​ဢၼ်​တၢင်းယုမ်ႇမၢတ်ႈ​ၵေႇ​ၶဝ်႟၊ပေႃး​ၽြႃးပဵၼ်ၸဝ်ႈ​ယင်း​ႁၢင်ႈ​ၶိူင်ႈ​ပၼ်​တူၼ်ႈ​ယိူဝ်ႈယႃႈ​ထိူၼ်ႇ​ဢၼ်​ၶဵဝ်​ယူႇ​ၸိဝ်းငိဝ်း​ၼႂ်း​ဝၼ်း​မိူဝ်ႈ​ၼႆႉ​လႄႈ​သမ်ႉ​လႆႈ​ၶၢမ်ႇ​တၢင်း​ဢၼ်​ထိမ်ႈသႂ်ႇ​ၼႂ်း​ၽႆး​ၼႂ်း​ဝၼ်း​မိူဝ်ႈၽုၵ်ႈ​ၼၼ်ႉ​ၸိုင်၊မၼ်းၸဝ်ႈ​ယဵင်ႈၶႅၼ်း​တၵ်း​ႁၢင်ႈ​ၶိူင်ႈ​ပၼ်​သူ​လိူဝ်တွၼ်း​ၼႃႇ​သေ​ၼၼ်ႉ​ဢမ်ႇၸႂ်ႈ​ႁိုဝ်း။

သူ​ၸမ်ႉ၊မိူဝ်ႈ​ဢၼ်​ၽေးၸွၼ်း​ယိုၼ်ႈ​မႅင်ႇ​ၼၼ်ႉ၊လွင်ႈ​ဢၼ်​မိုဝ်း​ၶွၼ်ၶႂႃ​သူ​ႁဵတ်း​ၼၼ်ႉ​ယႃႇ​ႁႂ်ႈ​မိုဝ်း​ၶွၼ်သၢႆႉ​လႆႈ​ႁု။- တၢင်းႁဵတ်း​သူ​ၼၼ်ႉ​ပဵၼ်​ဢၼ်​လပ်ႉ​ၼႃႈ​လပ်ႉ​တႃ​လႄႈ​ပေႃႈၸဝ်ႈ​သူ​ဢၼ်​ႁၼ်​တၢင်း​ဢၼ်​လပ်ႉ​ၼၼ်ႉ​တၵ်း​ပၼ်​ဢၵျူဝ်း​တီႈ​သူ​ဢေႃႈ။

“မိူဝ်ႈ​ဢၼ်​သူ​ၵမ်ၵျၢင်ႉ​သီႇလႃႉ​တၢင်း​သိုဝ်ႈတေႃႇ​ၼၼ်ႉ၊ၼင်ႇ​ႁိုဝ်​ဢမ်ႇ​ႁႂ်ႈ​မီး​တၢင်း​ဢၼ်​ႁူဝ်ၸႂ်ၽႅၼ်သုင်​ၵႃႈတီႈ​ၽၢႆႇၼႃႈ​ပိူၼ်ႈ​ၼၼ်ႉ​ၸိုင်၊ႁဵတ်း​သတိ​တႃႉ။ ပေႃး​ဢမ်ႇၼၼ်၊သူ​တေ​ဢမ်ႇ​လႆႈ​ဢၵျူဝ်း​ၵႃႈတီႈ​ပေႃႈၸဝ်ႈ​သူ​ဢၼ်​မီး​ယူႇ​ၵႃႈၼိူဝ် မိူင်းၵၢင်ႁၢဝ်​ပုၼ်ႉ​ၼၼ်ႉ​ဢေႃႈ။

“မိူဝ်ႈ​ဢၼ်​သူ​ၵမ်သိၼ်​ဢမ်ႇ​ၵိၼ်​တၢင်းၵိၼ်​ၼၼ်ႉ၊ယႃႇပေ​ႁဵတ်း​ၼႃႈ​ဢူၼ်ႈ​ၼႃႈ​ငဝ်​မိူၼ်​ၸိူဝ်ႉ​ၼင်ႇ​ၵူၼ်း​ၼႃႈသိုဝ်ႈၸႂ်ၵူတ်ႉ​ၶဝ်​ႁဵတ်း​ၼၼ်ႉ။ ၶဝ်​ၼၼ်ႉ​ၼင်ႇ​ႁိုဝ်​ပိူၼ်ႈ​တၵ်း​ႁၼ်​ၼႃႈ​ၶဝ်​လႄႈ​ႁု​လွင်ႈ​ဢၼ်​ၶဝ်​ၵမ်သိၼ်​ဢမ်ႇ​ၵိၼ်​တၢင်းၵိၼ်​ၸိုင်၊ၶဝ်​ၸၢင်ႈ​ႁဵတ်း​ၼႃႈ​ဢူၼ်ႈ​ၼႃႈ​ငဝ်​ဝႆႉ​ဢေႃႈ။ ၵဝ်​ဝႃႈ​တီႈ​သူ​ၸမ်ႉ၊ၶဝ်​ၼၼ်ႉ​လႆႈ​ၶၢမ်ႇ​ဢၵျူဝ်း​ၶဝ်​ယဝ်ႉ။- သူ​ၸမ်ႉ၊မိူဝ်ႈ​ဢၼ်​သူ​ၵမ်သိၼ်​ဢမ်ႇ​ၵိၼ်​တၢင်းၵိၼ်​ၸိုင်၊ၼင်ႇ​ႁိုဝ်​ပိူၼ်ႈ​တၵ်း​ဢမ်ႇ​ႁု​လွင်ႈ​ဢၼ်​သူ​ၵမ်သိၼ်​ဢမ်ႇ​ၵိၼ်​တၢင်းၵိၼ်​လႄႈ​ပေႃႈၸဝ်ႈ​သူ​ဢၼ်​မီး​ၵႃႈတီႈ​ဢၼ်​သိူင်ႇ​ဢၼ်​လပ်ႉ​ၼၼ်ႉ​ၵူၺ်း​တၵ်း​ႁၼ်​ၸိုင်၊သုၵ်ႈ​ၼႃႈ​လႄႈ​ဝီႁူဝ်​ႁၢင်ႈၶိူင်ႈ​ဝႆႉ​တႃႉ။- ပေႃး​ႁဵတ်း​ၸိူဝ်ႉ​ၼင်ႇ​ၼၼ်​ၸိုင်၊ပေႃႈၸဝ်ႈ​သူ​ဢၼ်​တႃ​ႁၼ်​တၢင်း​ဢၼ်​လပ်ႉ​ဝႆႉ​ၼၼ်ႉ​တၵ်း​ပၼ်​ဢၵျူဝ်း​တီႈ​သူ​ဢေႃႈ။