Versículos más leídos de la Biblia မတ်ႈ 5

Compartir

ဢမ်ႇ​မီး​ၽူႈလႂ်​တႆႈ​ၵွၵ်းၽႆး​သေလႄႈ​ဢဝ်​ပဵတ်ႈ​ႁူမ်ႇ​သုမ်ႇ​ဝႆႉ၊ ၸၢင်ႈ​ဢဝ်​တၢင်ႇ​ဝႆႉ​ၵႃႈၼိူဝ်​ၶဵင်ႇ​တီႈ​တႆႈၽႆး​ဢၼ်​သုင်၊ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပၼ်​ဢၼ်​လႅင်း​ၵႃႈတီႈ​ၵူၼ်းႁိူၼ်း​ၵူႈၵေႃႉၵူႈၵူၼ်း​ၼၼ်ႉ​ဢေႃႈ။ “ပိူင်လဵဝ်​ၵၼ်​ၼႂ်း​သူ​ၼႆႉ​မိူၼ်​ၸိူဝ်ႉ​ၼင်ႇ​ၵွၵ်းၽႆး​ၼၼ်ႉ၊ႁႂ်ႈ​ဢၼ်​လႅင်း​သူ​ထွင်ႇ​ႁိူဝ်ႈ​ပႃႈၼႃႈ​ပိူၼ်ႈ​တႃႉ။ လွင်ႈ​မၼ်း​ၸမ်ႉ၊ပိူၼ်ႈ​တၵ်း​ႁၼ်​တၢင်းၵမ်​တၢင်းၵျၢင်ႉ​ဢၼ်​လီ​သူ​ၼၼ်ႉ​လႄႈ​ယွင်ႈယေႃး​ပေႃႈၸဝ်ႈ​သူ​ဢၼ်​မီး​ယူႇ​ၵႃႈၼိူဝ်​မိူင်းၵၢင်ႁၢဝ်​ပုၼ်ႉ​ၼၼ်ႉ​ဢေႃႈ။

“သူ​ပဵၼ်​မိူၼ်​ၸိူဝ်ႉ​ၼင်ႇ​ဢၼ်​လႅင်း​ပုၼ်ႈ​လေႃးၵႃႉ​ၼႆႉ​ဢေႃႈ။ ဝဵင်း​ဢၼ်​တႄႇ​ဝႆႉ​ၵႃႈၼိူဝ်​ပၢႆၸိၵ်း​လွႆ​ၸိုင်၊ဢမ်ႇ​သိူင်ႇ​ဢမ်ႇ​လပ်ႉ​ဝႆႉ​လႆႈ။

ၶဝ်​ၸိူဝ်း​ဢၼ်​ႁူဝ်ၸႂ်​ၶၢဝ်ၸၢင်ႇ​ၼၼ်ႉ​မီး​မၢင်ႇၵလႃႇ​ဢေႃႈ။ ၶဝ်​ၼၼ်ႉ​တၵ်း​လႆႈ​ႁၼ်​ၽြႃးပဵၼ်ၸဝ်ႈ​ဢေႃႈ။

ၶဝ်​ၸိူဝ်း​ဢၼ်​မီး​ႁူဝ်ၸႂ်​ဢၼ်​ဢိုပ်းယၢၵ်ႈ တွင်ႉမႆႈ​ပႃႇရမီႇ​တၢင်း​သိုဝ်ႈ​တေႃႇ​ၼၼ်ႉ​မီး​မၢင်ႇၵလႃႇ​ဢေႃႈ။ တီႈ​ၶဝ်​ၼၼ်ႉ​ၽြႃးပဵၼ်ၸဝ်ႈ​တၵ်း​ႁႂ်ႈ​ႁွတ်ႈ​တၢင်း​ဢၼ်​လိူင်ႇ​ၸႂ်​ဢေႃႈ။

တြႃး​ဢၼ်​ၵဝ်​ႁေႃး​ၸမ်ႉ၊ ‘ႁၵ်ႉ​ရၢၼ်ႇသူႇ​သူ​တႃႉ။ သူးတွင်း​ပုၼ်ႈ​ၶဝ်​ၸိူဝ်း​ဢၼ်​ၼိၵ်ႈၸၢၵ်ႈ​ငႅၼ်းသႄး​သူ​ၼၼ်ႉ​တႃႉ၊’ မီး​ၼင်ႇ​ၼႆ​ဢေႃႈ။

“ၶဝ်​ၸိူဝ်း​ဢၼ်​ႁူဝ်ၸႂ်​ၶျႃးတႅမ်ႇ​ၼၼ်ႉ​မီး​မၢင်ႇၵလႃႇ​ဢေႃႈ။ မိူင်းၵၢင်ႁၢဝ်​ၸဝ်ႈ​ပဵၼ်​မိူင်း​ၶဝ်​ၼၼ်ႉ​ယဝ်ႉ။

ၶဝ်​ၸိူဝ်း​ဢၼ်​ႁႂ်ႈ​တၢင်း​ဢၼ်​ပိူၼ်ႈ​ၽိတ်း​ၵၼ်​ထၢတ်ႇယဵၼ်​ၼၼ်ႉ​မီး​မၢင်ႇၵလႃႇ​ဢေႃႈ။ ၶဝ်​ၼၼ်ႉ​တၵ်း​လႆႈ​ၶၢမ်ႇ​ႁွင်ႉဝႃႈ၊ ပဵၼ်​လုၵ်ႈၽြႃးပဵၼ်ၸဝ်ႈ​ဢေႃႈ။

ၶဝ်​ၸိူဝ်း​ဢၼ်​ၶူမ်ၸႂ်​ၶူမ်ၶေႃး​ၼၼ်ႉ​မီး​မၢင်ႇၵလႃႇ​ဢေႃႈ။ တီႈ​ၶဝ်​ၼၼ်ႉ​ၽြႃးပဵၼ်ၸဝ်ႈ​တၵ်း​ႁႂ်ႈ​သႃႇၸႂ်​ဢေႃႈ။

ၶဝ်​ၸိူဝ်း​ဢၼ်​လႆႈ​ၶၢမ်ႇ​ၼိၵ်ႈၸၢၵ်ႈ​ငႅၼ်းသႄး​ၵွပ်ႈပိူဝ်ႈ​ဢၼ်​ၸွမ်း​တြႃး​တၢင်း​ဢၼ်၊ သိုဝ်ႈတေႃႇ​ၼၼ်ႉ​မီး​မၢင်ႇၵလႃႇ​ဢေႃႈ။ မိူင်းၵၢင်ႁၢဝ်​ၸဝ်ႈ​ပဵၼ်​မိူင်း​ၶဝ်​ဢေႃႈ။

ၶဝ်​ၸိူဝ်း​ဢၼ်​ႁူဝ်ၸႂ်​ၸၢင်ႈႁၵ်ႉ​ဢဵတ်းလူ​ၼၼ်ႉ​မီး​မၢင်ႇၵလႃႇ​ဢေႃႈ။ တီႈ​ၶဝ်​ၼၼ်ႉ​ၽြႃးပဵၼ်ၸဝ်ႈ​တၵ်း​ႁၵ်ႉ​ဢဵတ်းလူ​ဢေႃႈ။

“မိူဝ်ႈ​ဢၼ်​ပိူၼ်ႈ​သႄႉသွမ်း​တၢင်ႇ​ဢပျတ်ႈ​ဢၼ်​ဢမ်ႇ ၸိုဝ်ႈ​ဢမ်ႇၸႂ်ႈ​ၵူႈၸိူဝ်ႉၵူႈပိူင်​တီႈ​သူ​လႄႈ​ၼိၵ်ႈၸၢၵ်ႈ​ငႅၼ်းသႄး​သူ​ၵွပ်ႈပိူဝ်ႈ​သူ​ပဵၼ်​တပႄး​ၵဝ်​ၼၼ်ႉ​သူ​မီး​မၢင်ႇၵလႃႇ​ဢေႃႈ။- ၸူမ်းသိူဝ်း​မူၼ်ႈပျေႃႇ​တႃႉ။ သူးလၢပ်ႈ​ဢၵျူဝ်း​ဢၼ်​ယႂ်ႇ​ၼႃႇ​ၼၼ်ႉ​မႄးႁႅၼ်း​ဝႆႉ​ပုၼ်ႈ​သူ​ၵႃႈၼႂ်း​မိူင်းၵၢင်ႁၢဝ်​ၸဝ်ႈ​ၼၼ်ႉ​ယဝ်ႉ။ ပရေႃးၽႅတ်ႈ​ဢၼ်​ပေႃႇမႃး​ဢွၼ်တၢင်း​သူ​တင်းလၢႆ​ၸိူဝ်း​ၼၼ်ႉ​ၵေႃႈ​လႆႈ​ၶၢမ်ႇ​ၸိူဝ်ႉ​ၼင်ႇ​ၼႆ​ပူၼ်ႉမႃး​ယဝ်ႉ။

ၶဝ်​ၸိူဝ်း​ဢၼ်​ႁူဝ်ၸႂ်​ၼိမ်သိမ်ႇ​ဢူၼ်ႈဢွၼ်ႇ​ၼၼ်ႉ​မီး​မၢင်ႇၵလႃႇ​ဢေႃႈ။ ၶဝ်​ၼၼ်ႉ​တၵ်း​လႆႈ​ၶၢမ်ႇ​ဢမူၺ်ႇ​ၸွမ်းၼင်ႇ​ၵတိ​ၽြႃးပဵၼ်ၸဝ်ႈ​ဢေႃႈ။

“သူ​ပဵၼ်​မိူၼ်​ၸိူဝ်ႉ​ၼင်ႇ​ၵိူဝ်​ပုၼ်ႈ​ၵူၼ်း​ၼႂ်း​လေႃးၵႃႉ​ၼႆႉ​ဢေႃႈ။ ၵိူဝ်​ၼႆႉ​ပေႃး​ဢၼ်​ၸဵမ်း​မၼ်း​ႁၢႆ​ၵႂႃႇ​ၸိုင်၊ဢမ်ႇ​ၸၢင်ႈ​ၶိုၼ်း​လႆႈ​ဢၼ်​ၸဵမ်း​မၼ်း​ၼၼ်ႉ​ထႅင်ႈ​ယဝ်ႉ။ ဢမ်ႇ​ပွင်ႇလွင်ႈ​ၵႃႈသင်​ယဝ်ႉ​လႄႈ၊ဢဝ်​ထိမ်ႈ​ပႅတ်ႈ​ပႃႈ​ၼွၵ်ႈ​ႁႂ်ႈ​ၵူၼ်း​ယဵပ်ႇ​ၵူၼ်း​ၶၢမ်ႈ​ၵူၺ်း​ယဝ်ႉ​ဢေႃႈ။

ၵွပ်ႈ​လွင်ႈ​ၸိူဝ်ႉ​ၼႆ​လႄႈ​ၸိူဝ်ႉ​ၼင်ႇ​ဢၼ်​ပေႃႈၸဝ်ႈ​သူ​ဢၼ်​မီး​ယူႇ​ၵႃႈၼိူဝ်​မိူင်းၵၢင်ႁၢဝ်​လႄႈ​ပျေႉၸုမ်ႇ​လီ​ငၢမ်း​ၼၼ်ႉ၊ သူ​ၵေႃႈ​ဢွၼ်ၵၼ်​ပျေႉၸုမ်ႇ​လီ​ငၢမ်း​တႃႉ။ မီး​ၼင်ႇ​ၼႆ​ဢေႃႈ။

ၵႂၢမ်း​ဢၼ်​သူ​တၵ်း​လၢတ်ႈ​ၼၼ်ႉ၊လၢတ်ႈ​သိုဝ်ႈ​သိုဝ်ႈ​ဝႃႈ၊ ‘ၸႂ်ႈ​ၶႃႈ​ယဝ်ႉ။’ ဢမ်ႇၼၼ်​ၵေႃႈ​လၢတ်ႈ​ဝႃႈ၊ ‘ဢမ်ႇၸႂ်ႈ​ၶႃႈ။’ ဝႃႈၼႆ​ၵူၺ်း​တႃႉ။ ၵႂၢမ်း​ဢၼ်​ပူၼ်ႉ​ပႅၼ်​သေ​ၶေႃႈၵႂၢမ်း​ၸိူဝ်း​ၼႆႉ​ၸမ်ႉ၊ပဵၼ်​မႃး​ၵႃႈတီႈ​ၶုၼ်​ဢႃႉမၢင်ႇၵလႃႇ​ၵူၺ်း​ဢေႃႈ။ မီး​ၼင်ႇ​ၼႆ​ဢေႃႈ။

“သူ​လႆႈ​ငိၼ်း​ပိင်းၺၢပ်ႈတြႃး​ဝႆႉ​လႄႈ​ဝႃႈ၊ ‘မၢၵ်ႇတႃ​ၶွၼ်​ၼိုင်ႈ​တၵ်း​လႆႈ​သေ​ပုၼ်ႈ​မၢၵ်ႇတႃ​ၶွၼ်​ၼိုင်ႈ၊ၶဵဝ်ႈ​သိၵ်ႈ​ၼိုင်ႈ​တၵ်း​လႆႈ​သေ​ပုၼ်ႈ​ၶဵဝ်ႈ​သိၵ်ႈ​ၼိုင်ႈ​ဢေႃႈ၊’ ဝႃႈၼႆ​ၼၼ်ႉ​ယဝ်ႉ။- တြႃး​ဢၼ်​ၵဝ်​ႁေႃး​ၸမ်ႉ၊ ‘ယႃႇပေ​ၶိုၼ်း​တွပ်ႇ​တီႈ​ၵေႃႉ​ဢၼ်​ၽိတ်း​မႂ်း​ၼၼ်ႉ။ ပေႃး​ပိူၼ်ႈ​တူပ်းၵႅမ်ႈ​မႂ်း​ၽၢႆႇၶႂႃ​ၸိုင်၊ဝၢႆႇ​ပၼ်​ၵႅမ်ႈ​မႂ်း​ၽၢႆႇသၢႆႉ​ထႅင်ႈ​လူးၵွၼ်ႇ​တႃႉ။

ပေႃး​မၢၵ်ႇတႃ​ၶွၼ်ၶႂႃ​မႂ်း​ႁဵတ်း​ႁႂ်ႈ​မႂ်း​ၽိတ်းပိူင်ႈ​ဢပျတ်ႈ​ၸိုင်၊ၶွၵ်း​ဢွၵ်ႇ​ပႅတ်ႈ​တႃႉ။ တၢင်း​ဢၼ်​ဢၢင်ႇၵႃႇ​မႂ်း​ဢၼ်​ၼိုင်ႈ​လု​ၼၼ်ႉ​ယိင်း​ၶႅၼ်း​တေ​လီ​သေ​တၢင်း​ဢၼ်​တူၵ်း​ငရၢႆး​တင်း​တူဝ်​ဢေႃႈ။- မိူၼ်​ၼင်​ၼၼ်ႉ၊ပေႃး​မိုဝ်း​ၶွၼ်ၶႂႃ​မႂ်း​ၼၼ်ႉ​ႁဵတ်း​ႁႂ်ႈ​မႂ်း​ၽိတ်းပိူင်ႈ​ဢပျတ်ႈ​ၸိုင်၊တႅပ်း​ပႅတ်ႈ​တႃႉ။ တၢင်း​ဢၼ်​ဢၢင်ႇၵႃႇ​ဢၼ်​ၼိုင်ႈ​လု​ၼၼ်ႉ​ယဵင်ႈၶႅၼ်း​တေ​လီ​သေ​တူၵ်း​ငရၢႆး​တင်း​တူဝ်​ဢေႃႈ။