Lagyo 14
14
Poluq Eq Baranaba Nhik, Ikoni Wà Mó Má Ló Jé É Hkun Lhê Hkyô
1Ahkuî, Ikoni wà mó má nghut nyi é hkûn, Poluq eq Baranaba nhik gi, Yudaq byu pê é târâjong má rahá wàng mù, Yudaq byù eq tûngbaù pé ajùm ayò lùmjíng bùm kó shoq, wum kat hko kyô akô. 2Nghut kôlhang, a lùmjíng é Yudaq byu pé gi, lùmjíng é gu-mang wuì lé a nguì râ dông tûngbaù pé lé mhoq hpyoq yû mù, shuî gumlaû akô. 3Haû mù luî, yhángnhik gi, tsómra myáng shoq haú má nyì mù, haû Yhûmsing é matú gyùq myìt a bo é za hko kyô akô; Yhâng Yhûmsîng le, yhángnhik é lòq mai maúhpo alhô agàn eq maúhpo múzó dùt nhang é dông, Yhâng é jeju mungdang lé sàksé hkám byî nyi ri. 4Haú wâ mâ é bang kúm gi, myìt byo ló bûm kô é nghut mù luî, Yudaq byu pê chyáng ra-am, lagyô pê chyáng ra-am, lom byùq ló akô. 5Ahkuî, tûngbaù pé le, Yudaq byù eq yhángmòq é ùphkâng bang le, yhángnhik lé rhoî mù lùqgòk èq dú sat râ ga htîm lo bum akô. 6Nghut kôlhang, yhángnhik gi, haú hkyô lé bûn sê kat kôjáng, Luka-oni ginwáng mâ é Lusitira eq Deribe wà mó eq, hau é awui ayàm wà tiq wà zo pé shut hpang e ló akô. 7Haú pé má le, gabú danglù xoq hko kyô wún akô nghut ri.
Lusitira Wà Mó Má Ló Jé É Hkun Lhê Hkyô
8Ahkuî, Lusitira wà mó má, înû ûnghkaû mai hkyî hten mù luî, hkâ-nhám le hkyô a wó sô wú é sû rayùq zung tô ri. 9Yhang le Poluq taî é dang lé gyô nyi ri. Poluq gi, haú yùq lé wú tsuq kat é hkûn, wó lhoqgê byi hui râ nghut lhê gâ é lùmjíng myìt yhâng chyáng bo tô é lé, myàng byî ri. 10Haû mù, Poluq gi, “Toq yàp àq!” ga luî, htê mó èq yhang lé taî kat jáng, yhang gi, byam toq kat mù, wó so bê nghut ri.
11Haû mù, Poluq kut é múzó lé shiwa byu pé myàng kôjáng, yhángmòq gi, Luka-oni dang dông, “Nàt hparà pé gi, byù gùng dông kut luî ngá-mòq chyáng gyó lô bekô nghut ri.” ga luî, wùt garû bum akô. 12Hau htâng, Poluq gi, dang myô taí sû nghut é yánmai, yhang lé Herime ga, Baranaba lé gi, Ze‑u ga myhíng byî akô. 13Haû wà yàm mâ é Ze‑u hparà noqkuq yhûm hkyangjong hpó gi, wà hkum má nohtô pé eq ban hkóng pé yu lé mû, shiwa byu pé eq rahá yhángnhik lé hkungga nhông byi râ hen akô.
14Nghut kôlhang, lagyô nhik Baranaba eq Poluq gi, haû lé wó gyo kôjáng, yhûmsing é mèbu lâng cheq pyám kôluî, shiwa hpong gung gûng shut din wang ê kômù, garû taí kô é gi, 15“Ahkaû pé ê, haî mù haû su kut lo akô lhú? Ngá-nhik le núngmòq eq rajung za, xângzo byù za nghut lhê, a-kyû a bo é hkyô shí pé lé tô pyâm to mù, mauhkûng eq myigùng, wuìshuq lung-aû eq haú pé má nyì mî-nyî, jòq mîjòq lé hpan to sû, rû dui nyi é Garai Gasâng chyáng lhing wang lò kó sháng gàq nghû luî shèq, núngmòq lé gabú danglù hko kyô é nghut lhê. 16Garai Gasang gi, byù myû chângjup lé hí hpyang lhê é pyàt bán má ó le ó kâm é dông kut nhâng bê nghut ri. 17Nghut kôlhang, Yhang gi, mauhkûng mai mau wô nhâng luî, kyôshi zuí nhang é ahkyíng yàm-yòq byi mù, núngmòq lé zoshuq agùn agó byî é eq, núngmòq lé i‑myìt ngón nhang nyi é dông, Yhang ge é hkyô lé tûn shit mù, Yhang nyi é hkyô lé sàksé hkâm nyi ri.” gâ akô. 18Haû su ga taí kô le lháng, yhángnhik lé shiwa byu pé mai hkungga nhông byi râ hkyô lé, yhángnhik gi, gyai wuîhke luî shèq wó hkûm pyâm akô nghut ri.
19Hau htâng, Anti-oku wà mó eq Ikoni wà mó pé mâ é Yudaq byu pé ra-am lé jé kômù, shiwa byu pé lé shuî-u luî, Poluq lé lùqgòk èq chôm dú kômù, yhang lé shi byùq bê su ngàm kô é yánmai, wà shinggan shut she hkyut htoq pyâm akô. 20Nghut kôlhang, Poluq gi, yhâng é lhînghkyùq má chángzô pé yàp to kô é hkûn, toq mù wà shut taû wang ló ri. Hau htang nyí, yhang gi, Baranaba eq rahá Deribe wà mó shut e ló bekô nghut ri.
Anti-oku Wà Mó Má Taû Jé Ló É Hkyô
21Haú wâ má yhángnhik èq gabú danglù hko kyo kô é yánmai, byù myo myo gi, chángzô pé dùt lo akô. Hau htâng, yhángnhik gi, Lusitira, Ikoni, Anti-oku wà mó hkyô dum taû ló kômù, 22chángzô pé lé myìt lhoqging byi uchyang, haû lùmjíng hkyô má ru gîng nyì râ matú myìt wum byî akô. “Ngá-nhúng gi, Garai Gasâng é mîngdán má wàng râ matú, wuîhke jamjau myo myo hui ra râ nghut lhê.” ga le, mhoqshit akô. 23Yhángnhik gi, noqkuq hpúng hkangmó má, hpúng sûwún kut râ bang lé hkyin yù mù, zoshuq túm luî kyûdung mù, yhángmòq lùmjíng nyi é Yhûmsîng Garaî chyáng àp byî tô akô. 24Hau htâng, yhángnhik gi, Pesidi ginwáng mai laî byìt ló mù, Pamhpuli ginwáng má jé ló akô nghut ri. 25Haú ginwáng mâ é Periga wà mó má mungdang hko kyo luî, Atali-a wà mó shut laî gyó ló akô nghut ri.
26Haú mai, lhaî ji mù, ahkuî yhángnhik wùn wàq laî ló bê múzó é matú, Garai Gasâng jeju má àp luî yhángnhik lé nhang kat é Anti-oku wà mó má dum jé lò bekô nghut ri. 27Jé lo é hkûn, yhángnhik gi, hpúng byû wuì lé wùt tsîng yù mù, yhángnhik dông mai Garai Gasang kut é hkyô bànshoq lé le, tûngbaù pé lé haû lùmjíng hkyô hkum hpóng byî é hkyô lé le, shit kyô akô. 28Haû mù, yhángnhik gi, haú wâ má chángzô pé eq tsómra myang shoq nyi nyi akô nghut ri.
Actualmente seleccionado:
Lagyo 14: znot
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2025, Wycliffe Bible Translators, Inc.