Baloma 2
2
Lubeta lwa Leza
1 #
Mat 7:1; Lk 6:37 Inzho, uwe wiina cakulitamizha nuukaba ni, uubeteka bulemu bwa Leza. Sa twizhi ati azo makani nguubeteka bamwi, aze nguucita? 2Tulizhi ati lubeta lwa Leza ku bantu bacita milimo iili bobo luliluleme. 3Anu ulatelaika buti uwe ubeteka bamwi bacita milimo iili mbuli yezho aakuli aze uleecita mbubona? Sa uwe ulatelaika ati lolu lubeta lwa Leza lulakakushinzha? 4Sa ulaubausha luse lwa Leza lunji lunji lukutola kululekelelo lwakwe? Sa twizhi ati Leza ulakufwila luse kaambo ngu shicamba ulakupa luzhibo lukutola ku kusanduka? 5Pele uwe uli shicinguni mupapyu uutazanda kusanduka, ubobo ulaliletela bukali bwa Leza mbwaakaatondezha mu buzuba mbwaakaabeteka bantu boonse mubululami. 6#Inte 62:12; Tush 24:12Mu buzuba bobo Leza ulakababweezhezha boonse bantu kwiingainya u milimo yabo. 7Babo bacita shibotu ca bushicamba, u kukapula bulemu, iinsana, u bumi butamana, Leza ulakabapa bumi butamana. 8Pele bantu mbubashikalifwune balakazha shiluleme nshaamba Leza balacita shitaluleme, ubobo Leza ulakabalemanina cini cini. 9Kulakaba kupenga ukuusa kuli babo boonse bacita shibiyabi, kukancila kuba Juda kushikila kuba Giliki, 10pele kulakaba kutembaulwa, u kulemekwa, u luumuno kuli boonse bacita shibotu, kutaanguna ba Juda, kwamana ba Giliki. 11#Ciz 10:17Nkaambo Leza wiina lusalululo pe.
12Boonse babo bantu bakabisha ukaambo kakutazhiba Mulawo, balakazonaunwa nikuba ati kabatoozhi Mulawo, u babo bezhi mulawo balakabetekwa kwiita mu mulawo. 13Kaambo bantu tabalulamikwa kwa Leza ukaambo kakuti bakootelela Mulawo, cita babo bacita caamba Mulawo mbubakaalulamikwa. 14Nkaambo bantu bakunze, bayina Mulawo, pele ciindi nibacita shintu shaamba Mulawo, nikuba ati bayina Mulawo wa Mozesi balaba mulawo lwabo beni. 15Shintu nshibacita sha mulawo shilatondezha ati, Mulawo wezo ulilembelwe mu myonzo yabo. Balizhi ati sheshi shililuleme mu mizeezo yabo, nkaambo balalibeteka beni, cimwi ciindi ulabakwabilila. 16Mbucikaaba mu buzuba bobo kwiita mwa Jeso Kilisito, Leza ulakabeteka maseseke ali mu myonzo yabo, kwiingainya u Makani Mabotu aza ngunja bukambauka.
Ba Juda u Mulawo
17Pele uwe nuulyaamba ati uli mu Juda, ulashoma Mulawo, ulimwi ulalikankaizha mwa Leza. 18Ulilwizhi luzando lwa Leza. Ulimwi kaambo kakuti wakayiishiwa Mulawo, nkukuti ulizhi kwaandaanya shintu shiluleme ushibiyabi. 19Na ulashoma ati ulasololela boofwu, ulimwi uli mumuni wa babo bali mu mushinze, 20shikulailila balimbushi, mwiiyi wa bantu bayina luzhibo, kaambo kakushoma luzhibo luhwa ku Mulawo ukunjiisho shalushinizho, 21inzho uwe uyiisha bamwi, sa tukonzha kuliyiisha umwini? Sa uwe uu kambaukila bantu ati batebi, sa uleba? 22Uwe uukasha bantu kucita bumambe, “Sa ulacita bumambe?” No uwe uukomba shibumbwa, sa uleba muŋanda yamapayi a shibumbwa? 23No uwe ulikankaizha mu Mulawo wa Leza, sa tumuusha insoni Leza ciindi nuusotoka Mulawo? 24#Aiz 52:5Cili umbona mbuli mbukulembelwe ati, “Bantu bakunze balasampaula izhina lya Leza ukaambo kenu.”
25Inzho kupalulwa kulayohwa kuti na muntu wacilila Mulawo. Pele kuti na wasotoka Mulawo, nicaakuli kabotu kwaamba naatakapalulwa bulyo. 26Naa kuti muntu utana kupalulwa kacilila Mulawo wa Leza, sa kwa Leza takozhene u wezo mupalule? 27Nkukaambo kako kuti wezo uutana kupalulwa naa ulacilila Mulawo, ulakakuzula uwe umu Juda mupalule, uukwete Milawo ya Leza, wamana uleesotoka. 28Mu Juda mwini mwini, tali bulyo shikoopopa amenso. Ulimwi kupalulwa kwini kwini takuli koko bantu nkubacita kumibili pe. 29#Ciz 30:6Pele mu Juda mwini mwini nguwezo mu Juda mu monzo. Ulimwi kupalulwa kwini kwini nkukoko kwamumonzo, ukucitwa u Moza Usalala. Takucitwa mukukwata Mulawo mulembe pe, muntu uuli bobo ulalumbwa kwa Leza, kutali ku muntu.
Actualmente seleccionado:
Baloma 2: ILL
Destacar
Copiar
Comparar
Compartir
¿Quieres tener guardados todos tus destacados en todos tus dispositivos? Regístrate o inicia sesión
Ila New Testament © Bible Society of Zambia, 2015.