SALMOS 138
138
Wocolix i yʌlʌ lac Yum cha'an i yutslel
1Ti pejtelel c pusic'al mic subeñet wocolix a wʌlʌ, c Yum.
Mij c'ʌyibeñet a ñuclel ya' ti' tojlel jini mu' bʌ i ch'ujutesañob dioste' tac.
2Mic ch'ujutesañet ti' tojel ch'ujul bʌ a Templo.
Mic subeñet wocolix a wʌlʌ cha'an ñuc a c'aba'.
Ti' xuc'tilel a pusic'al ma' c'uxbiñon lojon.
Ñumen ñuc a t'an bajche' pejtel yan tac bʌ a melbal.
3Tsa' jac'beyon coración ti jini jach bʌ q'uin che' bʌ tsac pejcayet.
Tsa' ñuq'uesʌbeyon c pusic'al che' bʌ tsa' p'ʌtesayon.
4Pejtel yumʌlob ti pañimil mi caj i subob a ñuclel, c Yum,
Che' mi' yubiñob a t'an.
5Isujm mi caj i c'ʌyiñob a melbal, c Yum,
Come ñajt mi' tsictiyel a ñuclel.
6Anquese wen ñuc lac Yum ti chan, mi' ña'tan jini mu' bʌ i peq'uesañob i bʌ,
Pero mi' ñajti q'uel jini chan bʌ mi' melob i bʌ.
7Che' an c wocol ma' cʌntañon cha'an uts'at mic ñusan.
Ma' pʌs a p'ʌtʌlel ti' contra jini mich'o' bʌ mu' bʌ i contrajiñoñob.
Ma' coltañon yic'ot ñoj bʌ a c'ʌb.
8C Yum, mi caj a ts'ʌctesʌbeñon chuqui yom tic tojlel che' bajche' wʌn ña'tʌbil a cha'an.
Ti pejtelel ora c'ux ma' wubiñon.
Mach a cʌyon, come i melbalon a c'ʌb.
Actualmente seleccionado:
SALMOS 138: ctuBI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 1977, Wycliffe Bible Translators, Inc. All rights reserved.